ZEREMIAH 33:12 - Mara Bible RV (BSI)

¹² “Pheisaihzy Abeipa ta hetana heta a tah: Chyhsapa nata râhsa y leina, he roryhrana su nata a khihpi zydua liana heta, mietaku vaituhpazy pahrâna suzy y heih aw ta, ama mietaku zawzy ama pabyusa heih aw.

ZEREMIAH 33:12 ပူးပေါင်းရင်းမြစ်များ

HLAZY HLA 1:7

Nâ ei palôh ta a khopaw y, na chho teh, Khataih liata ma na mietaku zaw pasa chi ta, Khataih liata ma nohchhô ta na pabyusa tyh ei? Khazia ma pohluh a khupa chanô hawhta, Na viasazy mietaku zaw kiah liata ei y aw?

ISAI 65:10

Saraw bypi cha, Nâ tluatuhpa ei phopi châta Mietaku zawzy tlaihna châ aw ta, Akhaw Saikao chhao, Viahchao hrizy abyuna su a châ aw.

ZEREMIAH 17:26

Zudâh khihpizy nata Zerusale chheipâhzy tawhta chyhsazy a vy aw ei ta, Benzami râh tawhta zy, Sephelâ bypi râh tawhta zy, tlâh râh tawhta nata Neke chho râh tawhta zy a vy aw ei ta, raopa hlânazy, atheihnazy, niepa hlânazy, deiryhzy ropahâhpazy nata alyna biereina hlânazy Abeipa o lâ ama vaw cheih aw.

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

ZEREMIAH 31:24

Zudâh nata a khihpi zydua cha, cha liata hmaohkha ta pahrâ aw ei ta, lyutaopazy nata sahroh pasatuhpazy chhao hmaohkha ta ama pahrâ aw.

ZEREMIAH 32:15

Pheisaihzy Abeipa, Izarei Khazohpa ta hetana heta a tah: He râh liana heta ozy, lyuzy nata kre sadôzy chaleina a y heih aw,’ tah na ta.

ZEREMIAH 36:29

Zudâh bei Zehôki kyh liata cha, hetana heta na tah aw, ‘Abeipa ta hetana heta a tah, “Khazia Babylaw bei a vy tlai aw ta, râh he pahleipadiapa ta, râh tawhtapa he chyhsapa nata râhsazy a chhawh pathlah khai aw ei, tahpa ta châbu liata na roh,” tah chi ta, châbu cha mei ta na vaw rao hapa kha a châ.

ZEREMIAH 50:6

“Ei phopi cha mietaku a leipa ama châ. Âmo vaituhpazy ta paviasa ei ta, Tlâhpizy lâta amâ chhi; Tlâhpi tawhta tlâhthlôh lâta viavi laih ei ta, Amâ syna mietaku o ama my haw.

ZEREMIAH 51:62

‘Hy Abeipa y, he su kyh liata, chhawh pathlahpa châ aw ta, chyhsapa tlyma râhsa tlyma, khâpa hmahta pahrâ khao leipa ta, chhâzaw ta roryhrapa ta a y awpa kyh na rei hapa kha a châ,’ tah mah y.

EZEKIA 36:35

Chatanachata, ‘He râh, roryhrapa ta a y hapa râh he, Idâh sadô hawhta vaw châ ha ta, khihpi rypa nata roryhrapa nata a rao hapazy cha chyhsa pahrâna thokhy khihpizy ama vaw châ ha heih,’ ama tah awh.

HÂKAI 1:4

“He o a rao khai ha nota, nâmo deikua nama o pha ngaitapazy liata nama pahrâpa cha a daihti a châ ma?