ZEREMIAH 33:11 - Mara Bible RV (BSI)

¹¹ Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

ZEREMIAH 33:11 ပူးပေါင်းရင်းမြစ်များ

1 THÂTIHZYRONA 16:34

Abeipa lâ alyna bie hlâ teh u; Ano cha pha ta, A kyhpachâna a tleih beih leipa a châ.

1 THÂTIHZYRONA 16:8

Abeipa lâ alyna bie hlâpa ta a moh pado u la, Phopizy hry liata a hmotaopazy pahnosa teh u!

2 THÂTIHZYRONA 20:21

Zawpi a pasyu khai nahta, pheisaihzy hmia lâta siepa ta, Abeipa lâta hla sa ta, “Abeipa hnohta alyna bie reih teh u, A zawngiahna chhâzaw ta y tlôh ta,” tahpa ta, Abeipa pathaihna rônahzie a reithai awpazy a rao ei.

2 THÂTIHZYRONA 29:31

Hezekia ta, “Tahmâ cha Abeipa châta a pathai ha ei chi ta, a vaw hnia u la, Abeipa o lâta atheihnazy nata alyna bie reina hmohlâpazy vaw hlâ teh u,” tah ta. Zawpizy ta atheihnazy nata alyna bie reina hmohlâpazy vaw cheih ei ta, palôh khona a hneipa maihta raopa hlânazy vaw cheih hra ei ta.

2 THÂTIHZYRONA 5:13

Chiahmie tôtuhpazy nata hlasatuhpazy cha â raohpa ta, ao kha hawhta ao papuapa ta, Abeipa reithaipa ta alyna hla sa ei ta. Hla a vaw puapa nahta, chiahmie pyu, paotlâ pyu nata pyungiapa chhaichhi pyu hropazy vaw pua ta, “Ano cha pha ta, A zawngiahna cha chhâzaw ta a y aw,” tahpa ta Abeipa ama reithai nahta, Abeipa o cha meihdo ta vaw bi ha ta;

2 THÂTIHZYRONA 7:3

Izarei saw zydua ta avâ tawhta mei a za tlapa nata Achhyna o chô liata Abeipa rônahna cha ama hmô nahta, lôphia phawpa siphiah chô liata ama hmia alei lâ a khupa ta a bôh ei ta, “Abeipa cha pha ta, A zawngiahna chhâzaw ta a y aw,” tahpa ta Abeipa cha a chhy ei ta, ano lâ alyna bie ama reih.

EZRÂ 6:22

Thinô pahlao leipa Viahchhâ Kyhchhi cha noh sari chhôh a ly ngaitapa ta hmâh ei ta. Abeipa ta Asuria bei palôh âmo lâ paheisa ta, Izarei Khazohpa o sana liata ama ku tha a patlôpa vâta, Abeipa liata amâ ly ngaita.

NEHEMIAH 12:43

Cha noh liata atheihna hluhpi hlâ ei ta. Khazohpa ta alyna rônahpa a patosapa vâ ei ta, chanô nata hawtizy chhaota a ly ngaitapa ta y ei ta. Zerusale alyna cha lâhlapi tawh chhao ta thei theipa a châ.

NEHEMIAH 8:12

Ama hnohta bie phuahpazy ama pahno thaipa vâta, zawpizy cha niedo awpa nata mohropazy niedo paphao awpa nata alyna rônahpa tao awpa ta, ama o lâ chyu a di ha ei ta.

HLAZY 106:1

Abeipa cha reithai u la, Alyna bie hlâ teh u! Ano cha pha ta, A kyhpachâna a tleih beih leipa a châ.

HLAZY 107:1

Abeipa cha pha ta, A kyhpachâna tlyzaw ta a tleih beih leipa a châpa vâta, Alyna bie hlâ teh u!

HLAZY 107:22

Alyna biereina atheihnazy hlâ ei sala, Alyna hlazy ta a hmotaopazy chho mawh ei sy!

HLAZY 116:17

Alyna bierei atheihna cha vaw hlâ aw na ta, Abeipa moh cha ei pado aw.

HLAZY 147:13

Ano ta na thokhy chhikao lâhreizy pa-isa ta, Na chhôh liata na sawzy byhnâ a awpa tyh ei.

HLAZY 85:7

Hy Abeipa, na ngâchhihna miah pahmôsa la, Na pachhana miah pie mah y.

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 51:11

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ISAI 52:8

Na riahvaituhpazy ama ao papua ei ta, Â raohpa ta alyna hla ama sa. Zaio lâ Abeipa a vaw kua tita, Hmiachhy ta ama hmô aw.

ISAI 52:9

Hy Zerusale su rypazy saih u, Hmaohkha ta ly hla paryh teh u, Abeipa ta a phopi thlapalôh ha ta, Zerusale a chatlai haw.

ZEREMIAH 16:9

Abeipa Atotaotheipa, Izarei Khazohpa ­ta hetana heta a tah: Pachâ teh u, nama hro chhôh nama mohmô lia tlai ta, alyna pyu zy, thaphana pyu zy, myuhneituhpa ao nata myuh ao zy he su liata ei chalihsa khai aw.

ZEREMIAH 17:26

Zudâh khihpizy nata Zerusale chheipâhzy tawhta chyhsazy a vy aw ei ta, Benzami râh tawhta zy, Sephelâ bypi râh tawhta zy, tlâh râh tawhta nata Neke chho râh tawhta zy a vy aw ei ta, raopa hlânazy, atheihnazy, niepa hlânazy, deiryhzy ropahâhpazy nata alyna biereina hlânazy Abeipa o lâ ama vaw cheih aw.

ZEREMIAH 25:10

“Cha dei châ vei, alyna nata thaphana pyuzy, myuhneituhpa nata myuh aozy, sâh chariehna pyu nata meiôh khaihna zy âmo tawhta ei la khai ha aw.

ZEREMIAH 29:14

Eina hmô aw ei chi,” Abeipa ta a tah. “Vânoh cha patosa heih aw ei na ta, ei cha pasiesana phopi to nata su to tawhta cha pakhy aw ei na ta, sei ta ei cha patusana su lâ tlai kha ei châ chhi pakhua heih aw ei, Abeipa ta a tah.

ZEREMIAH 30:19

Ama hry tawhta alyna bie reina hlazy vaw pua aw ta, Thaphapa ta awhna pyuzy a vaw pua aw. Ama maluh papôh aw na ta, Maluh chyhta châ aw veih ei; Parônahsa aw ei na ta, Anawhpa châ aw veih ei.

ZEREMIAH 30:3

Moh teh, ei phopi Izarei nata Zudâh vânoh tona ei paduapathi heih nawpa nohzy a vaw tlô hai. Âmo pathlatuhpazy ei piepa râh lâ a chhi pakhua heih aw ei na ta, cha râh cha ama hnei heih aw,’ Abeipa ta a tah.”

ZEREMIAH 32:44

“Ama seichâna tawhta pakuasapa ta vânoh ei patosa heih awpa vâ ei ta, Benzami râh liata zy, Zerusale chheipâh suzy liata zy, Zudâh khihpizy liata zy, tlâh râh khihpizy liata zy, Sephelâ bypi râh khihpizy liata nata Neke chho râh khihpizy liata, chyhsazy ta tâkâ ta lyuzy chalei aw ei ta, chaleina ryuchâzy roh aw ei ta, moh chahnaona ta chahnao pa-ipa ta, pahnokheituhpazy ta ama pahnokhei aw,” Abeipa ta a tah.

ZEREMIAH 33:26

Zakaw chipathlazy nata nâ chakaotuhpa Dâvi chipathlazy cha thy aw ei na ta, a chipathlazy hry liata pakha cha, Abarahâ nata Aisika nata Zakaw chipathlazy chô liata ryureituhpa châta a tlyh aw va na. Chavâta vânoh patosa heih aw ei na ta, zawh ei ngiah heih aw ei.”

ZEREMIAH 33:7

Zudâh nata Izarei cha vânoh patosa heih aw ei na ta, hmiatua ta ei paduapa hawhna ei khata ei padua heih aw ei.

ZEREMIAH 7:34

Zudâh khihpizy liata nata Zerusale khiliahzy liata palaona pyu, thaphana pyu, myuhneituhpa ao nata myuhthieh ao zy chalihsa khai ha aw na ta, râh cha roryhrapa ta a y aw.

AMÔSÂ 9:14

Ei phopi Izarei cha, Vânoh ei patosa heih aw; Khih rypazy paduapathi aw ei ta, Cha liata ama pahrâ heih aw; Kre sadôzy tao aw ei ta, Kresawhti ama doh heih aw; Sadôzy tao aw ei ta, A theizy ama nie heih aw.

ZAWNA 2:9

Kei deikua cha alyna ao chhaota Atheihna cha hlâ aw na ta, Bie ei taih hapa cha ei pie aw. Pachhana cha Abeipa eih a châ,” tah ta.

NÂHU 1:7

Abeipa cha pha ta, Nôpona noh ta thokhy a châ; Ano liata chhaipazy a pahno ei.

ZEPHANIA 3:14

Hy Zaio Sawchanô y, hla sa la, Hy Izarei, thata awh teh! Hy Zerusale Sawchanô, Na pathipalôh zydua ta a ly la, Thaphapa ta y mah y!

ZEKARIA 10:7

Epharai pathlazy cha, Pasaipha hawhta vaw châ aw ei ta; Kresawhti do no hawhta Ama palôh â ly kaw aw. Ama sawzy ta hmôpa ta ama thapha aw ta, Abeipa liata ama palôh â ly aw.

ZEKARIA 8:19

“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.

ZEKARIA 9:17

Kho amâ chhih awpazie nata amâ ngia awpazie rimâ cha! Kôvei phapa ta satliazy pasosâhsa aw ta, Kresawhti thiehpa ta laihsazy a pasosâhsa aw.

ZAWHÂNA 3:29

Myuh a hneipa cha myuhneituhpa a châ. Myuhneituhpa viasa, myuhneituhpa pahnokhei awpa ta a duahpa cha, myuhneituhpa ao a theipa ta a palysa ngaita. Chavâta tahmâ ei lyna pakipa a châ haw.

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

BIEPHUAH 18:23

Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.