ZEREMIAH 32:8 - Mara Bible RV (BSI)

⁸ Chatanachata ei heinawhpa Hâname cha Abeipa bie hawhta, vaituhpa dôhpachhôh tlyhmia liata kei lâ a vy ta, ei hnohta, ‘Benzami râh Anathô liata ei lyu he nâ ta chalei mah y, ryuto a pakhy theipa na châpa vâta, nâ ta na chatlai awpa a châ,’ tah ta. Chatanachata cha cha Abeipa bie kha a châ tahpa pahno ha na ta.

ZEREMIAH 32:8 ပူးပေါင်းရင်းမြစ်များ

1 ABEIZY 2:26

Abei ta theihthaipa Abiathâ hnoh­ta, “Anathô khih liata na o lâ a di teh. A thi tlâh châ chi ta, châhrasala ei paw Dâvi hmiakô liata Abeipa Zehôvâh Byh a sy tyhpa na châpa vâta nata ei paw rietheitaona zydua liata a vaw taokhei tyhpa na châpa vâta, tahmâ la cha thie mâh aw va na,” tah ta.

1 ABEIZY 22:25

Mikai ta, “Pachâ teh, chhôhpadâhpa chhôh chaipa liata a nyu awpa ta nâ ngia noh ta na pahno aw,” tah ta.

1 THÂTIHZYRONA 6:60

Benzami chi râh tawhta Kibiô khihpi, Kebâ khihpi nata a chheipâh si panyuna suzy, Aleme khihpi nata a chheipâh si panyuna suzy nata Anathô khihpi nata a chheipâh si panyuna suzy piepa ama châ. Arawna pathla phozy châta khihpi piepa zydua cha khi hrawh hleithôh a châ.

ZEREMIAH 1:1

He biezy he Benzami râh Anathô khihpi liata theihthaipazy hry liatapa, Hikia saw­chapawpa Zeremiah biezy a châ.

ZEREMIAH 32:2

Cha daihti liata, Babylaw bei pheisaihzy ta Zerusale cha dôh ei ta. Cha daihti cha Zudâh bei o vaituhpa dôhpachhôh tlyhmia liata hrohsopa Zeremiah â tâh chhôh châ ta.

ZEREMIAH 32:25

Chatanachôta Hy Abeipa Zehôvâh y, nâ ta ei hnohta, ‘Tâkâ ta lyu chalei la, pahnokheituhpazy hnei mah y,’ na tah chi ta. Khihpi cha Kaldia mo ku liata piepa a châ hapa chhao ta, lyu chalei awpa ta eina chhopa chi a châ,” tah ta.

ZEREMIAH 32:7

‘Na paw unawhpa Sâluh sawchapawpa Hâname nâ lâ a vy aw ta, na hnohta, Anathô liata ei lyu he nâ ta chalei mah y. He ei lyu he chaleipa ta chatlai theina cha nâma tovyuh a châ, tahpa ta a cha chho aw,’ tah ta.

ZEREMIAH 33:1

He he vaituhpa dôhpachhôh tlyhmia liata patâhpa a châ thlâh ha chy nota, Zeremiah hnohta Abeipa bie a ei nona ta a vaw tlôpa a châ.

ZEREMIAH 37:12

Zeremiah cha Benzami chi hry liata a ryuto râh a la awpa ta, Zerusale puasaipa ta Benzami râh lâ sie ta.

EZEKIA 12:7

Bie eina piepa hawhta tao na ta. Ei hmo cha seichâna lâ a sie awpa hmo hawhta, nohchhô sawhvaw ta puakhei na ta, zâlâ ta keima ku tlai ta thokhy khaoh khie na ta, ei hmo cha ei ngiatlâh liata khaipa ta, ama mohmô lia tlai ta a zoh chhyhma ta ei puakhei.

ZEKARIA 11:11

Cha noh ta biehrai cha phiepa a châ nahta, sahroh zaw hry liata a tlâhleipa nâ vaw moh thlâh hapazy ta, cha cha Abeipa Bie a châ tahpa pahno ha ei ta.

ZAWHÂNA 4:53

Zisu ta a hnohta, “Na sawchapawpa cha a hroh aw,” a tahna daihti tlai kha a châpa ta, a paw ta pahno ta, chatanachata ano nata a chhôhkhazy cha ama zydua ta a ngiapâ ha ei ta.