ZEREMIAH 32:5 - Mara Bible RV (BSI)

⁵ Zedekia cha Babylaw lâ a chhi aw ta, ano ei vaw tly hlâlei cha, cha liata a y thlâh ha aw. Kaldia mo cha a dyuh hra u la, pahnie aw vei ei chi, Abeipa ta a tah.”

ZEREMIAH 32:5 ပူးပေါင်းရင်းမြစ်များ

2 THÂTIHZYRONA 13:12

Pachâ teh u, eima hnohta y ta, keimo miah chhituhpa cha Khazohpa châ ta, a theihthaipazy ta ama chiahmiezy tô ei ta, nâmo a dyuh awpa ama pahrua. Hy Izarei sawzy saih u, Abeipa châ pathlatuhpazy Khazohpa cha a dyuh cheita khuh vy. Nama hlaotloh aw vei,” tah ta.

2 THÂTIHZYRONA 24:20

Chatawhcha theihthaipa Zehôdâ sawchapawpa Zekaria chô liata Khazohpa Thlahpa vaw tlô ta, zawpi chô lâta a duah ta, ama hnohta, “Khazohpa ta hetana heta a tah, ‘Khazia vânoh to thai khao lei awpa taihta Abeipa biepiepa nama parao? Abeipa namâ heihsaipa vâta, ano chhao ta a châ heihsai ha ei,’” tah ta.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ZEREMIAH 2:37

Abeipa ta nâ ngâchhâpazy dytha ha ta, Âmo vâta vânoh na to khao lei awpa vâta, Na kuzy na luh liata khaihpa ta, Cha su tawhta na pua aw.”

ZEREMIAH 27:22

Babylaw lâ siekheipa châ aw ei ta, âmo ei vaw tly hlâlei ei cha, cha liata ama y aw. Cha khai tawhta vaw phaoh pakhua aw ei na ta, he su liata ei soh heih aw ei,” Abeipa ta a tah.

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

ZEREMIAH 32:6

Zeremiah ta reih ta, “Abeipa bie ei hnohta vaw tlô ta,

ZEREMIAH 33:5

Kaldia mo a dyuh awpa ta a vy taraw ei ta, châhrasala ozy cha ei hiehâhna nata ei pathiiana ta ei thiepa rizy ta pabiepa tlao châ ei ta, ama moleina zydua vâta, he khihpi he ei hmia ei nyusai hapa kha a châ.

ZEREMIAH 37:10

Châ dyuhtuhpa Kaldia pheisaih zydua pahnie khai ha u la, hmahphaohpazy deita ama poh o chhôh liata ama ypa chhao ta, vaw thyu aw ei ta khihpi he mei ta ama rao pyly aw.’”

ZEREMIAH 39:4

Zudâh bei Zedekia nata pheisaih zydua ta âmo cha ama hmô nahta, a râ ei ta. Thokhy â pathopa mianozy likawh liata a ypa chhikao lâ tawhta a zo ta khihpi cha puasaipa ta, Arabâ lâ pangai ei ta.

ZEREMIAH 39:5

Châhrasala Kaldia pheisaihzy ta a chadai ei ta, Zerikô bypi liata Zedekia cha pha ha ei ta. Patu ei ta, Hâmathi râh Riblâ liata a ypa Babylaw bei Nebukaneza lâ a chhi ei ta. Cha liata Nebukaneza ta a thâtih pachia ta.

ZEREMIAH 39:7

Zedekia cha a mozy thaoh ta, Babylaw lâ a chhi awpa ta bâliazy ta chahry ta.

CHAPHÔHTUNA 1:14

“Ei paraona cha raopaky liata chahry pâpa châ ta, Abeipa ta ano ku tlai ta a chahry pâ haw; Ei rao liata pakypa châ ta, Ei tha a pazeisa khai haw; Ei pahnie thei lei awpazy ku liata, Abeipa ta eina hlâ haw.

EZEKIA 12:12

Chatawhcha ama hry liata abei ta a zoh chhyhma ta a hmo a ngiatlâh liata khaih aw ta, a vaw pua aw. Ama puakhei nawpa ta thokhy khaoh khie aw ei ta, a mokhaoh ta râh a hmô lei nawpa ta, a hmia â khu ha awpa a châ.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

EZEKIA 17:15

Châhrasala Babylaw bei cha a dyuh ta, Izi râh lâ a lyuhchâpazy tuah ta, arâzy nata pheisaih hluhpi ama vaw tuapa awpa ta â haw ei. A hlao a tloh aw ma? Cha hawhpa hmo a taopa chyhsa cha, â boh thei aw ma? Biehrai a paraopa chyhsa cha â boh thei aw ma?

MALUHREINA 14:41

Mawsi ta, “Khazia Abeipa biepiepa nama parao, nama hlaotloh khao aw vei.