ZEREMIAH 32:29 - Mara Bible RV (BSI)

²⁹ He khihpi a dyuh ngâpa Kaldia mo a vy aw ei ta, khihpi he mei ta rao aw ei ta, ama pakâ khai aw. Ei hie pahâh nawpa ta, vâphuhzy tawhta Bâlâ lâta amâ theih tyhna nata khazoh hropazy lâta dopa hlâna ama patlai tyhna ozy chhao mei ta ama rao khai aw.

ZEREMIAH 32:29 ပူးပေါင်းရင်းမြစ်များ

2 ABEIZY 25:9

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

2 THÂTIHZYRONA 36:19

Khazohpa o cha mei ta rao ei ta, Zerusale thokhy pacho ei ta, a chhôh liata abei o zydua mei ta rao ei ta, hmobaoh sôhpa zydua ama parao khai haw.

NEHEMIAH 8:16

Chatanachata zawpizy cha sie ei ta, thobuh chiahzy vaw cheih ei ta, ama o chô liata zy, ama tlyhmia liata zy, Khazohpa o tlyhmia liata zy, Ti Chhikao tlyhmia tlyliah liata zy, Epharai Chhikao tlyhmia tlyliah liata zy, ama byureih cha tu chyu ei ta.

ISAI 22:1

He he aluahna saikao kyh chhochhieliena bie a châ: Khâpa ma châ patypamâ ei tly, Vâphuh lâ dia nama kia khai haw?

ZEREMIAH 11:17

Izarei pathlazy nata Zudâh pathlazy ta hmo pha leipa tao ei ta, Bâlâ lâta atheihna hlâpa ta ei hie eina pahâhpa vâ ei ta, nâma châ lohtuhpa Pheisaihzy Abeipa ta na chô liata chhiena patlôsa awpa ta a phuah haw.”

ZEREMIAH 17:27

Châhrasala Pahânoh pathaihsa awpa na­ta Pahânoh ta hmo phao lei awpa nata Zerusale thokhy chhikaozy liata a hmo phao a ngiakhei lei awpa ky liata ei bie nama nathlie vei khiahta deikua cha, khihpi thokhy chhikaozy liata mei patih awh na ta, Zerusale abei ozy kâ khai aw ta, pachhaipa châ aw vei.’”

ZEREMIAH 19:13

Zerusale ozy nata Zudâh beizy ozy, avâ liata hmozy lâta hmohlâpazy hlâna vâphuh to nata khazoh hropazy lâta dopa hlâna patlaina vâphuh to cha, Tôphe su hawhta papuapaleipa a châ aw.’”

ZEREMIAH 21:10

Phana châta châ leipa ta, chhiena châta, he khihpi lâ he a heih ha na ta, Babylaw bei ku liata hlâpa châ aw ta, ano ta mei ta a rao aw, Abeipa ta a tah.’

ZEREMIAH 30:14

Na kyhpachâpazy ta cha my khai ha ei ta, Cha pachâ khao veih ei; Na thaileichâna lai tu ha ta, Na moleina a hluh tupa vâta, Chariah tu ta cha tu na ta, Zawngiahna a hnei leipa khakhaipa hawhta ei cha hrie.

ZEREMIAH 32:3

He hawhta hrohsona bie a phuahpa vâta Zudâh bei Zedekia ta a patâhpa a châ: “Abeipa ta hetana heta a tah: He khihpi he Babylaw bei ku liata hlâ aw na ta, ano ta a la aw.

ZEREMIAH 34:2

“Zehôvah, Izarei Khazohpa ta hetana heta a tah: Vawh la, Zudâh bei Zedekia hnohta hetana heta kei chho teh, ‘Abeipa ta hetana heta a tah: Pachâ teh, he khihpi he Babylaw bei ku liata hlâ aw na ta, ano ta mei ta a rao aw.

ZEREMIAH 39:8

Kaldia mo ta abei o nata khihsaw o zydua mei ta rao ei ta, Zerusale thokhyzy cha parao ei ta.

ZEREMIAH 44:25

Pheisaihzy Abeipa, Izarei Khazohpa ta hetana heta a tah: Nâmo nata nama lapinôzy ta, ‘Avâ beinô lâ ropahâhpazy raopa ta, ano lâ dopa hlânazy patlai awpa ta, avâ beinô liata eima bietaizy cha eima tao tlai aw,’ tahpa ta nama pakah ta reih ei chi ta, nama ku ta pi nama patlohsa haw. Nama bietaizy cha pa-i u la, nama bietaizy cha tao lâlao teh u.

ZEREMIAH 52:12

Babylaw bei Nebukaneza abeina kô hrawh hleichakina, cha kô thla pangawhna, noh hrawhna noh liata, abei vaituhpazy hyutuhpa, Babylaw bei chakaotuhpa Nebuzarâdâ cha Zerusale a ngia ta.

ZEREMIAH 52:13

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

ZEREMIAH 7:17

Zudâh khihpizy liata nata Zerusale khiliahzy liata ama hmotaopazy hmô va chi ma?

ZEREMIAH 7:18

Sawzy ta tho pakhy ei ta, pawzy ta mei patih ei ta, chanôzy ta Avâ Beinô châta viahchhâ tao nawpa viahdie neih ei ta, ei hie na pahâh awpa ta, khazoh hropazy lâta dopa hlânazy ama hlâ tyh.

CHAPHÔHTUNA 4:11

Abeipa ta a pathiiana papua ta, A hiehâhna ru ngaitapa a patlai haw; Zaio liata mei patih ta, Â bônazy a kâ khai haw.

EZEKIA 23:47

Zawpi ta alô ta vawh aw ei ta, ama zaozi ta ama chhawhsao aw. Ama sawchapawzy nata ama sawchanôzy thie aw ei ta, ama ozy mei ta ama rao aw.

MATHAI 22:7

Abei cha a hiehâh ngaita ta, a pheisaihzy tuah ta, cha liany cheituhpazy cha pahleipadia ei ta, ama khih chhao rao ei ta.

HMOTAOPAZY 10:9

A mylâ ta, Kawnilia tuapa chyhsazy cha sie ei ta, khihpi ama tlô chy ta, Pity cha nohchhô locho ta thlahchhâ awpa ta vâphuh lâ kiah ta.

HEBRAI 3:16

Cha khiahta la pahno thlâh tlôh ta ano a dyuhpazy kha ahyzy ma ama châ? Mawsi chhihthapa ta Izi râh tawhta a kaw puapa zydua kha châ veih ei ma?