ZEREMIAH 32:25 - Mara Bible RV (BSI)

²⁵ Chatanachôta Hy Abeipa Zehôvâh y, nâ ta ei hnohta, ‘Tâkâ ta lyu chalei la, pahnokheituhpazy hnei mah y,’ na tah chi ta. Khihpi cha Kaldia mo ku liata piepa a châ hapa chhao ta, lyu chalei awpa ta eina chhopa chi a châ,” tah ta.

ZEREMIAH 32:25 ပူးပေါင်းရင်းမြစ်များ

HLAZY 77:19

Na lâpi ta tilaipi siepahlie ta, Na lâthlôh ta ti lai ngaitapazy a siepahlie; Chatanachôta na pheihniezy hmô awpa y vei.

HLAZY 97:2

Meihdo nata zoh kaluhpa ta Abeipa chadô ei ta, Siana nata adona cha a beidyuchhai abôna a châ.

ZEREMIAH 24:10

Âmo nata âmo pathlatuhpazy ei piepa râh tawhta tlokhuh pahleipadia khaipa ama châna taihta, ama chô liata zaozi, chakâhna nata potlana zy ei tuah lymâ aw.”

ZEREMIAH 32:15

Pheisaihzy Abeipa, Izarei Khazohpa ta hetana heta a tah: He râh liana heta ozy, lyuzy nata kre sadôzy chaleina a y heih aw,’ tah na ta.

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

ZEREMIAH 32:26

Chatawhcha Abeipa bie Zeremiah hnohta vaw tlô ta:

ZEREMIAH 32:43

‘Chyhsapa nata râhsa y leina roryhrapa râh, Kaldia mo ku liata pie hapa râh,’ nama tahpa râh liana heta, lyuzy nama chalei heih aw.

ZEREMIAH 32:8

Chatanachata ei heinawhpa Hâname cha Abeipa bie hawhta, vaituhpa dôhpachhôh tlyhmia liata kei lâ a vy ta, ei hnohta, ‘Benzami râh Anathô liata ei lyu he nâ ta chalei mah y, ryuto a pakhy theipa na châpa vâta, nâ ta na chatlai awpa a châ,’ tah ta. Chatanachata cha cha Abeipa bie kha a châ tahpa pahno ha na ta.

ZEREMIAH 34:17

“Chavâta Abeipa ta hetana heta a tah: Nama unawhpa nata nama vaih châta khotalaina phuah awpa kyh liata, chyhsa to ta ei bie zyh veih ei chi. Nathlie teh u, nâmo châta khotalaina ei phuah. Cha khotalaina deikua cha, zaozi nata potlana nata chakâhna zy a tyh awpa khotalaina a châ aw. Khizaw khinarâh zydua ta rarôh y ama tah awpa ta ei cha tao aw ei, Abeipa ta a tah.

ZAWHÂNA 13:7

Zisu ta a chhy ta, “Ei hmotaopa he tahmâ pahno ngyu va chi, châhrasala noh hro ta na pahno aw,” tah ta.