ZEREMIAH 32:22 - Mara Bible RV (BSI)

²² he sâhpiti nata kheihti lona râh, âmo pathlatuhpazy hnohta pie awpa ta bie nâ vaw taihpa râh he na pie ei.

ZEREMIAH 32:22 ပူးပေါင်းရင်းမြစ်များ

ÂTHAONA 13:15

Râh na hmôpa zydua nâma nata na pathlazy hnohta chhâzaw châta ei cha pie aw ei.

ÂTHAONA 24:7

Avâ Khazohpa Abeipa, ei paw o tawhta nata ei pina râh tawhta na chhihthapa ta, bie na chho ta, ‘He râh he na pathlazy ei pie aw,’ tahpa ta bie nâ taihtuhpa tlai chata a vâlyuhchâpa na hmia lâta pasiesa aw ta, cha tawhna chata ei sawchapawpa châta lapinô na hiapa aw.

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

NEHEMIAH 9:15

Ama nodi nota avâ tawhta viahchhâ pie chi ta, ama dâhphi nota lôpanô tawhta ti papua chi ta, âmo pie awpa ta na bâh avâ lâ pazawhpa ta bie nâ taihpa râh a ngia ta, hnei awpa ta na chho ei.

PUASAINA 13:5

Abeipa ta nâmo cha pie awpa ta châ pathlatuhpazy hnohta bie â vaw taihpa Kâna mo, Hiti mo, Amawri mo, Hivi mo nata Zebu mozy pahrâna râh, sâhpiti nata kheihti lona râh a cha tlôkhei ti ei ta, he thla liana heta, he chakaona he nama hmâ tyh awpa a châ.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

ZEREMIAH 11:5

Châ pathlatuhpazy hnohta sâhpiti nata kheihti lona râh pie awpa ta bie ei taihpa kha, tanoh ta nama hmôpa hawhna heta, ei pa-i aw,’” tah ta. Kei ta, “Cha ta sy, Abeipa,” tah na ta.

EZEKIA 20:15

Cha dei châ vei, ama hnohta râh ei piepa ei, sâhpiti nata kheihti lona râh, râh zydua hry liata râh ngia chaipa lâ a chhi lei awpa ei ta, râhchawhpa liana khata chyhu sapa ei ta.

EZEKIA 20:6

Izi râh tawhta a chhi papuapa ta, âmo châta râh ei tlua papuapa, sâhpiti nata kheihti lona râh, râh zydua hry liata râh ngia chaipa lâ a ngiakhei awpa ei ta, ku chaluahpa ta, cha noh liata bie ei taih ei.

MALUHREINA 14:16

‘Abeipa ta he zawpizy he ama hnohta pie awpa ta bie â taihpa râh lâ a tlôkhei thei leipa vâ ei ta, râhchawhpa liata a thie ha ei,’ ama tah pathlei aw.

MALUHREINA 14:30

Bâh pazawhpa tlai ta nama pahrâ nawpa tao awpa ta bie ei châ taihpa ei râh cha, Zephune sawchapawpa Kâlebâ nata Nunâ sawchapawpa Zawsua tah leipa ta cha ahy hmah a ngia aw veih ei chi.

RYHPACHANEINA 1:35

‘He chhâ moleipazy hry tawhta ahy hmahta châ pathlatuhpazy hnohta pie awpa ta bie ei taihpa râh phapa cha hmô aw veih ei.

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 6:10

“Abeipa nama Khazohpa ta châ pathlatuhpa Abarahâ, Aisika nata Zakaw hnohta pie awpa ta bie â vaw taihpa râh, nama padua leipa khihpi rônahpa nata phapazy,

RYHPACHANEINA 6:18

Thlaochhipa ta nama y thei nawpa nata Abeipa ta châ pathlatuhpazy hnohta bie â vaw taihpa râh phapa lâ siepa ta nama hnei thei nawpa ta, Abeipa mohmô ta hmo dopa nata hmo phapa nama tao awpa a châ.

RYHPACHANEINA 6:23

Keimo deikua cha miah pathlatuhpazy hnohta bie â vaw taihpa râh lâ miah a chhipa ta, cha râh cha miah pie awpa ta Izi râh tawhta miah â kaw chhi papua.

RYHPACHANEINA 7:13

Nama Khazohpa ta kyh cha pachâ aw ei ta, byhnâ cha pie aw ei ta, maluh a cha papôhsa aw ei. Cha pie awpa ei ta châ pathlatuhpazy hnohta bie â vaw taihpa râh liana cha nama chhi theizy, nama lei theizy, nama sâhzy, nama kresawhtizy nata nama sathawzy byhnâ pie aw ta, nama viahchao nata mietaku zawzy a papôhsa aw.

RYHPACHANEINA 8:1

“Tanoh ta bie ei cha piepa zydua ei he pakhâta ta nama tao awpa a châ. Chatanachata hroh aw ei chi ta, pôh aw ei chi ta, châ pathlatuhpazy hnohta Abeipa ta bie â taihpa râh liata a ngia aw ei chi ta, râh cha nama hnei aw.

ZAWSUA 1:6

“Thatlôpa nata riahphapa ta y teh. He sahlao he ama pathlatuhpazy hnohta pie awpa ta bie ei taihpa râh cha ryu ta na patosa aw ei.

ZAWSUA 21:43

Cha hawhna chata Abeipa ta Izarei sawzy cha, ama pathlatuhpazy hnohta pie awpa ta bie â vaw taihpa râh zydua pie ta. Chatanachata râh cha hnei ei ta, cha liata pahrâ ei ta.