ZEREMIAH 32:20 - Mara Bible RV (BSI)

²⁰ Izi râh liata ngianazy nata hmonoâhpazy palâsa chi ta, tanoh taihta Izarei liata nata chyhsapa zydua hry liata palâsa lymâpa ta, tanoh ta hmo a ypa hawh tlaina heta, moh phana nâ tao hapa a châ.

ZEREMIAH 32:20 ပူးပေါင်းရင်းမြစ်များ

2 SAMUELA 7:23

Na phopi Izarei hawhpa he alei chô liata khâpa phopi ma a y? Khazohpa ta a moh rônah nawpa ta phopi miakha a tlyh ta, ano phopi ta tao awpa ta, sie ta a kei chatlaipa phopi ahy ma a y? Na phopi châ awpa ta Izi tawhta na chatlaipa, ama châta hmo rônahpa nata rarôh ypa taopa ta, ama hmiakô tawhta phopi nata a khazohzy na papuapa phopi ahy ma a y?

1 THÂTIHZYRONA 17:21

Na phopi Izarei hawhpa he alei chô liata khâpa phopi ma a y? Khazohpa ta ano phopi ta tao awpa ta, sie ta a kei chatlaipa phopi ahy ma a y? Izi râh tawhta na chatlaipa na phopi, ama hmiakô liata phopizy papuapa ta, na châta moh rônahpa nata noâhchhihpa hmozy châ awpa ta na taopa phopi hawhpa he ahy ma a y?

NEHEMIAH 9:10

Phiraoh nata a chakaotuhpa zydua nata a râ chyhsa zydua ta miah pathlatuhpazy chô liata a palai ngaitapa ta hmo ama taopa na pahnopa vâta, ama chô liata ngiana nata hmonoâhpazy tao chi ta, tanoh eima hmôpa hawhna heta, na moh nâ tao haw.

NEHEMIAH 9:11

Ama hmiakô liata tilaipi pachhaih chi ta, tilaipi liah liata alei hipa liata sie ei ta, âmo a chadaituhpazy cha, ti thatlô ngaitapa liata alô pathlapa hawhta, ti a thu ngaitapa liata na pathla ha ei.

HLAZY 135:9

Hy Izi, ngiana nata hmonoâhpazy na chhôh liata vaw tuah ta, Phiraoh nata a chakaotuhpa zydua chô liata a vaw tuahtuhpa kha Abeipa a châ.

PUASAINA 10:2

Chatanachata na sawchapawpa nata na samohpa nah theina liata Izi râh chô liata ei hmotaoziezy nata ama hry liata hmonoâhpa ei taopazy he chho aw chi ta, kei he Abeipa ei châ tahpa nama pahno thei aw,” tah ta.

PUASAINA 3:20

Chavâta ei ku pazawh aw na ta, Izi râh cha a chhôh liata hmonoâhpa ei tao awpa zydua ta hrie aw na ta, cha khai tawhta a cha pasiesa aw ei.

PUASAINA 7:3

Ngiana nata hmonoâhpazy Izi râh liata ei papôhsapa chhao ta, Phiraoh palôh cha a kuh ei pachhasa ha aw.

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

ISAI 63:12

A bâh rônahpa Mawsi ku chachâh lâta pasiesa ta, Anosasyh ta chhâzaw moh a tao awpa ta, Ama hmiakô liata tizy a pachhaihtuhpa kha, Khataih liata a y haw?

ISAI 63:14

Saikao lâ a pangaipa sahrohzy hawhta, Abeipa Thlahpa ta a phopi cha apahâna pie ta; Nâmasasyh ta moh rônahpa a tao awpa ta, Na phopi na chhihthapa kha.

ZEREMIAH 13:11

Chaisaih ta â saihtuhpa chyhsa chai liata â baipa hawhta, Izarei pathla zydua nata Zudâh pathla zydua cha, keima châta phopi, moh phana, reithaina nata rônahna ama châ thei nawpa ta, keima liata a bai awpa ta tao ei na ta, châhrasala nathlie khoh veih ei,” Abeipa ta a tah.

DÂNIAH 6:28

Chatanachata Dâniah cha Dâria â bei daihti liata nata Persia chyhsa Kôresâ â bei daihti zy liata thlaochhipa ta y lymâ ta.

DÂNIAH 9:15

Hy Abeipa eima Khazohpa, ku thatlôpa ta na chyhsazy Izi râh tawhta a chhi papuatuhpa nata nâma sasyh ta tanoh taihta na moh â parônahsa lymâpa y, molei ha pi ta, hmo thata eima vaw parao haw.

HMOTAOPAZY 7:36

Mawsi chata Izi râh liata zy, Tilaipi Saihpa liata zy, râhchawhpa liata zy, kô sypalih chhôh hmonoâhpa nata ngianazy taopa ta, Izarei sawzy a chhi papua ta.

RYHPACHANEINA 11:3

Izi râh liata Izi bei Phiraoh chô liata nata a râh zydua chô liata hmonoâhpa a taopazy nata a raihriazy a pahno leipa nata a hmô leipa zy hnohta ei reipa châ vei.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 6:22

Abeipa ta ngiana nata hmonoâhpa rônahpa nata nôpochhih ngaitapazy Izi râh nata Phiraoh nata a chhôhkha zydua chô liata eima mohmô ta palâsa ta.

RYHPACHANEINA 7:19

Nama mo tlai ta pasiana rarôh ypa hmô ei chi ta, ngiana nata hmonoâhpazy taopa ta, ku thatlôpa nata bâh pazawhpa ta Abeipa nama Khazohpa ta a châ kaw chhi papuapa hawhna ei khata, Abeipa nama Khazohpa ta nama chi kawpa phopizy chô liata chhao a tao aw.