ZEREMIAH 32:19 - Mara Bible RV (BSI)

¹⁹ ryhrao thai ngaitapa nata hmotao thei ngaitapa na châ. Chyhsapa sawzy hrozie zydua na mo ta a hmôtuhpa châ chi ta, chyhsa to ama hrozie nata ama hmotaopazy theilâpa hawhta lymâ a pietuhpa na châ.

ZEREMIAH 32:19 ပူးပေါင်းရင်းမြစ်များ

1 ABEIZY 8:32

vârâh tawhta vaw nathlie la, châ chakaotuhpazy cha pachia la, thailei a châpa cha a hmotaopa a luh chô liata patlôsapa ta viarithô la, mosiapa cha thaipachâsa la, a siana yzie hawhta lymâ pie mah y.

2 THÂTIHZYRONA 16:9

Abeipa mo cha, ano lâta palôh tlokhuh a paheihpazy thatlôpa ta bao awpa ta, khizaw zydua a tawpâ thlâh ha mâh tâh. Hru kawpa ta hmo tao chi ta, tahmâ tawhta cha, chariah a dyuh awpa khâ na hnei aw,” tah ta.

ZAWBÂ 34:11

Chyhsapa cha a hmotaopa hawhta viarithô aw ta, A yzie hawhta a chô liata a patlôsa aw.

ZAWBÂ 34:21

“A mo ta chyhsapa lâpizy tawpâ ta, A phei chakâpa zydua a hmô khai.

HLAZY 111:2

Abeipa hmotaopazy cha rônah ta, A hmotaopazy chô liata a lypazy ta, A hmotaopazy kyh amâ chu tyh.

HLAZY 34:15

Abeipa mo cha mosiapazy lâ a heih ta, Ama awna lâ a nah a pachôh tyh.

HLAZY 62:12

Hy Abeipa, ngâchhihna cha nâma eih a châ. Chyhsa to ama hmotaopa lymâ hawhta na thô tyh.

HLAZY 92:6

Ahrupa ta pahno thai leipa ta, Angâpa ta he kyh he a novâh vei:

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

BIESOZY 5:21

Chyhsapa lâpizy cha Abeipa hmiakô liata y ta, A siena lâ maih Abeipa ta a moh tyh.

BIESOZY 8:14

Ryhrao thaina nata sona dopa zy cha kei eih châ ta, Novâhna hnei na ta, thatlôna ei hnei.

BIECHHOTUHPA 12:14

Khazohpa ta hmo taopa zydua, a phapa chhao, a chhiepa chhao, pachia khai aw ta, arulâta taopa zydua chhao a pachia khai aw.

ISAI 28:29

Cha pahnona chhao cha, Pheisaihzy Abeipa tawhta a vypa a châ; Ano cha ryhraotuh noâchhihpa châ ta, Sona kipa a hneipa a châ.

ISAI 40:13

Ahy ma Abeipa palôh pahno ta, A ryhraokheituhpa hawhta, Ano cha cha pachâna a pie beih tly?

ISAI 59:18

Ama hmotaopazy hawhta, A chariahpazy viari thô aw ta; A khakhaipazy chhao, Hiehâhna ta viari a thô aw; A chariahpazy viari thô aw ta, Tilaipi kiah râhzy chhao viari a thô aw ei.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 16:17

Ama hrozie zydua ei hmô khai. Kei tawhta a nyu thei leipa ei ta, ama paraona chhao ei mo tawhta a nyu thei vei.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 21:14

“Nama hmotaopa theilâpa lymâ hawhta cha hrie aw ei na ta, A râhmâhpa liata mei patih aw na ta, A chheipâh liata a ypa zydua a kâ khai aw,” Abeipa ta a tah.

ZEREMIAH 23:24

“Ei hmô thei lei nawpa ta, su nyupazy liata a nyu theipa ama y ma?” Abeipa ta a tah. “Avâ nata alei he kei ta bie thlâh ha va na ma?” Abeipa ta a tah.

ZEREMIAH 25:14

Phopi hluhpi nata bei rônahpazy ta Babylaw mo chhao tlai cha sei ta tao aw ei ta, ama hmotaopa lymâ hawhta nata ama ku rai hriapa lymâ hawhta ei thô aw ei,” Abeipa ta a tah.

DÂNIAH 2:45

Chyhsa ku ta châ leipa ta, tlâh tawhta ano kho ta zâ chakhiapa alô na hmôpa hawhta nata, cha chata thua zy, dawh zy, beihlei zy, tâkâ zy, ngôh zy a pakeichheih khaipa na hmôpa hawhna khata a châ aw. Khazohpa rônahpa ta he tawhta hmo a vaw tlô awpa abei hnohta a pahnosapa a châ. Mâsapa he a hmeiseihpa châ ta, a chhopasiana chhao â dopa a châ,” tahpa ta chho ta.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

ZEKARIA 9:1

Abeipa aluahna bie ta Hâdarâh râh a dyuh ta, Dâmaskâ cha â pahâna su a châ. Abeipa mokhaoh cha chyhsapa chô liata a choh ta, Izarei chi zydua chô liata â choh thlâh haw.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

ZAWHÂNA 5:29

ama kaw thyu khai aw. Hmopha a taopazy cha hrona to awpa ta thyu aw ei ta, moleina hmo a taopazy deikua cha, thailei châ awpa ta ama thyu aw.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

EPHESI 1:11

Keimo cha Khazohpa ryhraopa hawhta rao chhieliepazy châ pi ta, Krista liata Khazohpa ryutozy eima châ. Ano ta a khozie hawhta ryhrao ta, hmo to a tao.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

BIEPHUAH 22:12

Abeipa Zisu ta,“Nathlie teh, ei vy patoh aw. Chyhsa to ama hmotaopa lymâ hawhta pie awpa lymâ ei hnohta a y.