ZEREMIAH 32:18 - Mara Bible RV (BSI)

¹⁸ Sâh hluhpi chô liata kyhpachâna tleih beih leipa palâsa chi ta, pawzy paraona chhao, âmo hnôhlâ ta ama sawzy chô liata na thô tyh. Hy Khazoh rônahpa nata thatlôpa, na moh cha Pheisaihzy Abeipa châ ta,

ZEREMIAH 32:18 ပူးပေါင်းရင်းမြစ်များ

ÂTHAONA 49:24

Châhrasala Zakaw Khazohpa Thatlôpa ku ta, Vaituhpa Izarei Lôpanô baona ta, A libaw pachyu ta, A bâh thapatlôpa ta a y.

2 ABEIZY 9:26

Abeipa ta, ‘Zâhnia Nâbô thisaih nata a sawchapaw­zy thisaih ei hmô. He su liana tlai heta viari ei cha thô aw,’ a vaw tah hapa a châ. Chavâta tahmâ Abeipa bie hawhta, chalo la, he lei su liana tlai heta thy teh,” tah ta.

NEHEMIAH 1:5

“Hy Abeipa, avâ Khazohpa, Khazohpa rônahpa nata zachhihpa, kyh cha pachâ ta, na biepiepa a zyhtuhpazy chô liata biehrai patlôpa ta, ngiachhiena a palâsatuhpa y,

HLAZY 50:1

Abeipa, Khazohpa Atotaotheipa ta bie reih ta, Noh chhina tawhta noh tlana taihta, Leilô zydua a awpakhy.

HLAZY 89:9

Tilaipi a lai lymâpa chô liata ryureih chi ta, Tichatlaopa a pathluah ngâpazy na chalihsa tyh.

PUASAINA 34:6

Abeipa cha Mawsi hmiakô liata vaw sie ta, “Abeipa, Abeipa, zawngiahna nata ngiachhiena Khazohpa, hiehâh rupa, kyhpachâna nata ngâchhihna ta a biepa,

PUASAINA 34:7

chyhsa sâh hluhpi chô liata ngiachhiena palâsa ta, taopasina nata paraona nata moleinazy a ngiahthai ta, thailei a châpazy deikua hrie leipa ta a pakhôsa leipa, pawzy hmoparaona cha saw nata samoh sahlâhzy chô liata patlôsa ta, chhâ thôhna nata chhâ palihna taihta a patlôsapa,” tahpa ta a phuah ta.

ISAI 10:21

Laibâhpazy vaw kua aw ei ta, Zakaw laibâhpazy cha Khazohpa thatlôpa lâ ama kua heih aw.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 10:16

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh cha Pheisaihzy Abeipa a châ.

ZEREMIAH 10:6

Hy Abeipa, nâ hawhpa he ahy hmah y veih ei; Nâ cha rônahpa châ chi ta, Thatlôna liata mohpathâhpa na châ.

ZEREMIAH 20:11

Châhrasala Abeipa cha, Pasaipha chichhihpa hawhta ei hnohta y ta, Nâ taolatuhpazy cha pao aw ei ta, Na pahnie aw veih ei. Ama hlao a tloh lei awpa vâta, Nozapa ta ama y aw. Ama chhâzaw nohzaona cha, Mypa ta y beih aw vei.

ZEREMIAH 31:35

Nohchhô khaihna châta noh a pietuhpa, Zâ khaihna châta thlâpâ nata awhsizy yzie awpa a raotuhpa, Tilaipi chatlaosa ta, Tichatlaopazy a paaohsatuhpa, A moh Pheisaihzy Abeipa ta hetana heta a tah:

ZEREMIAH 33:2

“Alei tao ta, pizie hneipa ta paysa ta a paduatuhpa Abeipa, a moh Zehôvâh ta hetana heta a tah:

ZEREMIAH 50:34

Châhrasala âmo Chatlaituhpa cha, Thatlôpa châ ta; A moh Pheisaihzy Abeipa a châ. Ano ta âmo chhâh a châ aw ta, Khizaw liata thlalôhna a paysa aw; Babylaw chyhsazy chô liata deikua cha, Tymâna a patlôsa aw.

DÂNIAH 2:45

Chyhsa ku ta châ leipa ta, tlâh tawhta ano kho ta zâ chakhiapa alô na hmôpa hawhta nata, cha chata thua zy, dawh zy, beihlei zy, tâkâ zy, ngôh zy a pakeichheih khaipa na hmôpa hawhna khata a châ aw. Khazohpa rônahpa ta he tawhta hmo a vaw tlô awpa abei hnohta a pahnosapa a châ. Mâsapa he a hmeiseihpa châ ta, a chhopasiana chhao â dopa a châ,” tahpa ta chho ta.

HABAKU 1:12

Hy Abeipa ei Khazohpa, Ei Mo Pathaihpa, Nâ cha tlyzaw tawhtapa châ va chi ma? Thi aw ma pi. Hy Abeipa, âmo cha Pachiatuhpa châta rao chi ta; Hy Lôpanô, âmo cha, Chhoreituhpa châta na chahnao ei.

MALUHREINA 14:18

‘Abeipa cha hiehâhna kyh liata nainôsôpa châ ta, kyhpachâna hnei hluh ngaita ta, moleina nata hmoparaonazy a ngiahthai theipa a châ. Thailei a châpazy deikua cha, hrie leipa ta y beih vei. Pawzy hmoparaona ty sawzy chô liata patlôsa ta, chhâ thôhna nata chhâ palihna taihta a patlôsapa a châ,’ tahpa ta vaw reih ha chi ta.

MATHAI 27:25

Zawpi zydua ta, “A thisaih maoh cha keimo chô liata nata eima pathlazy chô liata y mawh sy!” tahpa ta a chhy ei ta.

LUKA 6:38

Pie teh u, chatanachata piepa ta nama y aw. Hnaohpa ta nata chalyupa ta nata a khô ngâpa ta panuana phapa cha, nama kalachhôh liata sopa a châ aw. Panuana nama hmâpa hawhta ama cha panuapa hra aw,” tah ta.

RYHPACHANEINA 10:17

Abeipa nama Khazohpa cha khazohzy Khazohpa, beizy Beipa, Khazoh rônahpa, Khazoh thatlôpa nata chichhihpa, khokhei hlei hnei leipa nata panaopapana hmo a la beih leipa a châ.

RYHPACHANEINA 7:21

Âmo cha nama chi awpa châ vei. Abeipa nama Khazohpa, Khazoh rônahpa nata chichhihpa nama hnohta a y.