ZEREMIAH 32:17 - Mara Bible RV (BSI)

¹⁷ Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

ZEREMIAH 32:17 ပူးပေါင်းရင်းမြစ်များ

ÂTHAONA 18:14

Abeipa châta hmo ru tupa a y ma? Daihti raopa liata nâ lâ a vy heih aw na ta, hâhkô tahmâ ti heta Sârâ ta sawchapaw a sa aw” tah ta.

2 ABEIZY 19:15

Hezekia cha Abeipa hmia­kô liata thlahchhâ ta, “Hy Abeipa, Izarei Khazohpa, cherubizy chô liata beidyuchhai liata a tyuhpa y, nâ cha Khazohpa châ chi ta, nâma deita he lei liata khinarâh zydua Khazohpa na châ. Nâ ta alei nata avâ he na tao.

2 ABEIZY 3:18

Cha cha Abeipa pachâ ta hmo chyhpata dei a châ. Môabâ mo cha nama ku liata a cha pie aw ei.

NEHEMIAH 9:6

Nâ cha Abeipa châ chi ta, nâma deita he Abeipa cha na châ. Avâzy tao chi ta, avâzy avâ nata cha liata a ypa zydua na taopa a châ. Alei nata a chô liata a ypa zydua tao chi ta, tilaipi nata a chhôh liata a ypa zydua chhao na taopa sai a châ. Cha zydua cha hrona pie chi ta, avâ liata a ypazy ta ama châ chhy.

ZAWBÂ 42:2

“Ato na tao thei tahpa ei pahno, Nâ chhuah hapa cha khâpa hmah pakhâ theipa châ vei.

HLAZY 102:25

Leilô abôna he hlâno ta na vaw bô hapa châ ta, Avâzy khi na kuzô a châ.

HLAZY 136:12

Ku thatlôpa nata bâh pazawhpa ta Izarei a chhi papuatuhpa hnohta alyna bie reih teh u, A kyhpachâna tlyzaw ta a daihpa a châ.

PUASAINA 20:11

Noh charu chhôh ta Abeipa ta avâ nata alei, tilaipi nata a chhôh liata a ypa zydua tao ta, noh sarina noh cha â pahâpa vâta, Abeipa ta Pahânoh cha byhnâ pie ta a pathaisa.

ISAI 42:5

Avâzy taopa ta parai ta, Alei nata a chhôh tawhta a puapazy pakawh ta, Alei chô liata a ypa chyhsazy hnohta husona piepa ta, A chô liata a chareipa chyhsazy hnohta thlahpa a pietuhpa, Khazohpa, Abeipa ta hetana heta a tah:

ISAI 44:24

Abeipa, châ chatlaituhpa ta hetana heta tah ta, Chhi tawhta châ paduatuhpa ta hetana heta a tah: “Kei he Abeipa, ato zydua taotuhpa ei châ; Avâzy a paraituhpa a y chhôhpa châ na ta, Alei a pazawhtuhpa a y chhôhpa ei châ.

ISAI 45:12

Alei he kei ta tao na ta, A chô liata chyhsapa ei paysa. Avâ a paraipa kha keima ku he châ ta, Vâ pheisaih zydua bie a pietuhpa chhao, Keima tlai he ei châ.

ISAI 59:1

Pachâ teh u, Abeipa ku cha, Pachha thei lei awpa ta pachhohsapa châ leipa ta, A nah chhao thei thei lei awpa ta pâ vei.

ZEREMIAH 1:6

Kei ta, “Âh, Abeipa Zehôvâh, moh tua, hawtipa deita châ na ta, bie reizie chhao thai va na,” tah na ta.

ZEREMIAH 14:13

Chatawhcha kei ta, “Âh, Abeipa Zehôvâh, pachâ tua, hrohsopazy ta ama hnohta, ‘Zaozi a tyh leipa aw ei chi ta, chakâhna y hra leipa aw ta, he su liata thlalôhna tlao ei cha pie aw ei,’ ama tah tyh,” tah na ta.

ZEREMIAH 21:2

“Babylaw bei Nebukaneza ta miah â dyuh ha hih. Abeipa miah a saohiahpa teh. Hmo noâhpa a tao tyhpa Abeipa ta miah bao aw ta, Nebukaneza he a pakuasa thlah ha ngyu aw lah,” tahpa ta a pachhosa no ei ta Zeremiah hnohta Abeipa bie a vaw tlôpa a châ.

ZEREMIAH 27:5

“Alei nata a chhôh liata a ypa chyhsapa nata sazy he, kei ta ei hmotaotheina rônah ngaitapa nata ei bâh pazawhpa ta ei taopazy châ ei ta, pie tlâhpa ta ei raopazy hnohta ei pie ei.

ZEREMIAH 32:27

“Pachâ teh, kei Abeipa he hmohrohneipa zydua Khazohpa ei châ. Ei châta hmo a ru tupa a y ma?

ZEREMIAH 33:3

Na aw la, châ chhy aw na ta, hmo rônahpa nata hmo nyupa na pahno beih leipazy ei cha chho aw.

ZEREMIAH 4:10

Chatawhcha kei ta, “Hy Abeipa Zehôvâh, he phopi nata Zerusale he dua thata na dôvei haw! ‘Thlalôhpa ta nama y aw,’ tah chi ta, châhrasala ama rao liata zaozi ta mopâpa ama châ ha he zaw,” tah na ta.

ZEREMIAH 51:15

“A hmotaotheina ta alei tao ta, A sona ta khizaw padua ta, A novâhna ta avâ a parai.

ZEREMIAH 51:19

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh Pheisaihzy Abeipa a châ.

EZEKIA 11:13

Hrohsona bie ei phuah hai nota, Benai sawchapawpa Pelatiah cha thi ha ta. Â khu lâta paopa ta, ao paro ngaitapa ta awh na ta, “Âh, Abeipa Zehôvah! Izarei laibâhpa cha na pamua dâhdei aw ma?” tah na ta.

EZEKIA 9:8

Zerusale khihsawzy ama thie hai nota, keima deita ta vaw y thlâh ha na ta. Â khu lâta pao na ta, “Âh, Abeipa Zehôvah! Na hiehâhna Zerusale chô liata na lei thlupa liana heta, Izarei laibâhpazy chhao na pahleipadia khai aw ei ma?” tahpa ta awh na ta.

DÂNIAH 2:22

Hmo a thupa nata a nyupazy palâhâh ta, Zohna liata a ypa pahno ta, A hnohta khaihna a pahrâ.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

ZEKARIA 12:1

He he Izarei kyh liata Abeipa bietapa a châ. Abeipa, avâzy a paraituhpa, alei a bôtuhpa nata chyhsapa chhôh liata thlahpa a taotuhpa ta hetana heta a tah:

ZEKARIA 8:6

Pheisaihzy Abeipa ta hetana heta a tah: Kha daihti nota, he phopi laibâhpa châta hmotheileipa a lyupa kha, keima châta cha hmotheileipa a châ hlei rai ma? Pheisaihzy Abeipa ta a tah.

MALUHREINA 11:23

Abeipa ta Mawsi hnohta, “Abeipa cha a ku a chyuta ma? Ei bie hawhta na chô liata a vaw tlô nata tlô lei na pahno aw,” tah ta.

MATHAI 19:26

Zisu ta âmo cha moh ta, ama hnohta, “Cha hmo cha chyhsapa châta la, tao thei rimâ awpa châ vei. Khazohpa châta deikua cha, ato tao theipa a châ,” tah ta.

MÂKA 10:27

Zisu ta âmo cha moh ta, ama hnohta, “Cha cha chyhsapa châta la tao thei rimâ awpa châ leipa ta, Khazohpa châta deikua cha, tao thei leipa hmo châ vei. Khazohpa châta cha, ato tao theipa a châ,” tah ta.

LUKA 1:37

Khazohpa châta tao thei leipa hmo y vei,” tah ta.

LUKA 18:27

Zisu ta, “Chyhsapa tao thei leipa he Khazohpa châta cha tao theipa a châ,” tah ta.

HMOTAOPAZY 14:15

“Pupa saih u, he hmozy he khazia nama tao? Keimo he nâmo nôchâ hawhpa a phaohpa chyhsapa eima châ hra. He hmo khâpa hraoleipazy he a heihsaipa ta, avâ nata alei nata tilaipi nata a chhôh liata a ypa zydua a taotuhpa Khazoh hrohpa lâ a heih awpa ta, nama hnohta thâtihpha eima vaw tlôkhei.

HMOTAOPAZY 15:18

Hlâno tawhta pahnopa Abeipa ta a tah,’ tahpa ta ama vaw chho haw.

HMOTAOPAZY 17:24

Khizaw nata a chhôh liata hmo a ypa zydua a taotuhpa Khazohpa cha, alei nata avâ Beipa a châpa vâta, ku ta sapa achhyna ozy liata pahrâ vei.

BIEPHUAH 4:11

“Hy Eima Beipa nata Khazohpa, Nâ cha rônahna zy, palyupalihna zy, hmotaotheina zy A to tlâh na châ na; Hmo to tao chi ta, Na bie hawhta vaw y ei ta, Na bie hawhta paysapa ama châ,” tahpa ta chhâzaw nata tlyzaw ta a hroh thlâhpa cha amâ chhy.