ZEREMIAH 32:10 - Mara Bible RV (BSI)

¹⁰ Râh chaleina ryuchâ liata ei moh roh na ta, moh chahnaona ta chahnao pa-i na ta, pahnokheituhpazy pahmaohpa ta, tâkâ cha khopathliahna ta ei pathliah.

ZEREMIAH 32:10 ပူးပေါင်းရင်းမြစ်များ

ÂTHAONA 23:16

Abarahâ ta Epharaw reipa cha a pyh ta, cha daihti liata sôdaohpazy khopathliahna hmâpa ta, tâkâ sekel 400 Epharaw hnohta pie ta.

ÂTHAONA 23:20

Lyu nata a chhôh liata lôpu a ypa cha Hiti mo ta Abarahâ hnohta thlâ su nata ryuto châta hnei awpa ta ama pie haw.

ZAWBÂ 14:17

Ei taopasina cha sykhao chhôh liata hraipa ta y ta, Ei paraona chhao na khu ha aw.

HLAZY HLA 8:6

Na chachôhna liata chahnaona hawhta na soh la, Na ku liata chahnaona hawhta nâ ky mah y; Kyhpachâna cha thina tlu ta a thatlô ta, Hiatliana cha Athihkhih tlu ta â hrâh. Kyhpachâna cha meipaleih hawhta a duah ta, Meipaleih thatlô ngaitapa hawhta a duahpa a châ.

ISAI 30:8

Tahmâ he sie la, cha biezy cha, Ama hmiakô liata lôphiapa liata roh la, Châbu liata chhao roh teh; Chatanachata daihti vaw y awpazy liata, Chhâzaw nata tlyzaw ta pahnokheituhpa a châ aw.

ISAI 44:5

Chyhsa pakha ta, ‘Abeipa eih ei châ,’ tah aw ta, Chyhsa hropa ta Zakaw moh a bi aw ta, Mohropa ta a ku liata ‘Abeipa eih,’ tahpa ropa ta, Anosasyh ta Izarei moh â bi aw.”

ZEREMIAH 32:12

Achaleina ryuchâ cha, ei heinawhpa Hâname moh­mô liata nata ryuchâ liata ama moh a roh hrapa pahnokheituhpazy nata vaituhpa dôhpachhôh tlyhmia liata Zu chyhsa a tyuhpa zydua mohmô ta Mâsei saw­chapawpa Neriah sawchapawpa Bâruka hnohta pie na ta.

ZEREMIAH 32:25

Chatanachôta Hy Abeipa Zehôvâh y, nâ ta ei hnohta, ‘Tâkâ ta lyu chalei la, pahnokheituhpazy hnei mah y,’ na tah chi ta. Khihpi cha Kaldia mo ku liata piepa a châ hapa chhao ta, lyu chalei awpa ta eina chhopa chi a châ,” tah ta.

ZEREMIAH 32:44

“Ama seichâna tawhta pakuasapa ta vânoh ei patosa heih awpa vâ ei ta, Benzami râh liata zy, Zerusale chheipâh suzy liata zy, Zudâh khihpizy liata zy, tlâh râh khihpizy liata zy, Sephelâ bypi râh khihpizy liata nata Neke chho râh khihpizy liata, chyhsazy ta tâkâ ta lyuzy chalei aw ei ta, chaleina ryuchâzy roh aw ei ta, moh chahnaona ta chahnao pa-ipa ta, pahnokheituhpazy ta ama pahnokhei aw,” Abeipa ta a tah.

DÂNIAH 8:26

Zâlâ nata my aluahna reipazy kha â do. Châhrasala aluahna kha chhiehruh ha teh, noh hluhpi tawhta a vaw y awpa kyh a châ,” tah ta.

MATHAI 27:66

Chatanachata vawh ei ta, â boh thei nawpa ta thlâ cha alô ta â i ngaitapa ta pamai ei ta, vaituhpazy soh ei ta.

ZAWHÂNA 3:33

A bie pahnopa a pyhpa cha, Khazohpa cha adopa a châ tahpa ta a moh a chahnao pa-i.

ZAWHÂNA 6:27

Pati a leilô theipa châta hria leipa u la, chhâzaw hrona taihta a y awpa pati, Chyhsa Sawchapawpa ta a cha pie awpa ei châta tlao hria teh u. Paw Khazohpa ta ano cha chahnao pa-i ha tlôh ta,” tah ta.

2 KAWRINI 1:22

Ano eih eima châpa miah ngiatuhpa chhao châ ta, bie ataihna châta a Thlahpa eima palôh liata miah pietuhpa a châ hra.

EPHESI 1:13

Nâmo chhao, nama pachhana thâtihpha biehmeiseihpa thei ei chi ta, namâ ngiapâ ha tawhta cha, ano liana chata bietai Thlahpa Pathaihpa ta pa-ipa nama châ.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

RYHPACHANEINA 32:34

“Chazy cha ei yna liata pahmaoh na ta, Ei ryubyh chhôh liata ei khô ei.

ZAWSUA 18:9

Chyhsazy cha sie ei ta, râh cha chahryh ei ta. Râh cha su sari ta pachhaih ei ta, su to chhôh liata khih zydua cha châbu liata roh khai ei ta. Cha khai tawhta Zawsua yna Silô khihpi liata riehmo lâ a vaw lie ei ta.

BIEPHUAH 7:2

Vâlyuhchâpa hropa pakha, Khazoh hrohpa chahnaona a chabapa nochhi lâ tawhta a vaw puapa hmô na ta. Ano chata vâlyuhchâpa papalih, alei nata tilaipi parao theina biehneina piepazy hnohta ao paro ngaitapa ta,

BIEPHUAH 9:4

Ama khi liata Khazohpa chahnaona a hnei leipa chyhsazy tah leipa ta cha, alei liata sibiepazy, tho hrohpa kheihawhpa rai nata thokô kheihawhpa rai parao lei awpa ta chhopa ama châ.

RUTHI 4:1

Bôaza cha khihpi thokhy chhikao lâ khy ta, cha liata a tyuh ta. Bôaza reipa ama heinawh hniapa cha a vy ta. Bôaza ta a hnohta, “Unawh, he lâ a vy la, a vaw tyuh tua,” tah ta. Cha chyhsa cha vawh ta, a kei tyuh ta.