ZEREMIAH 31:9 - Mara Bible RV (BSI)

⁹ Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

ZEREMIAH 31:9 ပူးပေါင်းရင်းမြစ်များ

1 THÂTIHZYRONA 29:10

Chavâta Dâvi cha zawpi zydua hmia­kô liata Abeipa reithai ta. “Hy Abeipa, miah pathlatuhpa Izarei Khazohpa y, chhâzaw nata tlyzaw ta reithaipa ta y mah y.

HLAZY 107:7

Lâdy lâta âmo cha a chhi ta, Pahrâ nawpa khihpi ama tlô hlâlei â chhi ei.

HLAZY 23:2

Si panyupa suzy liata na pabyusa tyh ta, Ti achalihna kiahzy liata einâ chhi tyh.

HLAZY 89:27

Ei sawchapaw uhtheipa ta tao aw na ta, Lei beizy hry liata chônôchaipa ta ei tao aw.

PUASAINA 4:22

Chatawhcha Phiraoh hnohta, ‘Abeipa ta hetana heta a tah: Izarei cha ei sawchapawpa, ei sawchapaw uhtheipa a châ.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 43:20

Ei phopi atlyhpa hnohta ti do awpa pie awpa ta, Râhchawhpa liata ti paysa na ta, Râh raohpa liata chavahzy ei paysa; Chavâta râhsazy ta na palyupalih aw ei ta, Savai nata pavawpizy ta eina palyupalih aw ei.

ISAI 45:11

Abeipa, Izarei Mo Pathaihpa ta hetana heta tah ta, Izarei a paduatuhpa ta hetana heta a tah: “Hmo vaw tlô awpa kyh na hiahri teh u; Ei sawzy kyh liata na eilawpa ta, Ei ku raihria kyh liata bie eina pie aw ei chi ma?

ISAI 57:14

Abeipa ta hetana heta a tah: “Padua u la, padua u la, Lâpi a chhuahdy teh u; Ei phopi lâpi liata Pakhâpadiena a ypazy thy khai teh u.”

ISAI 63:13

Amâ chapia lei nawpa ta, Arâ hawhta râhchawhpa liata âmo chhihtha ta, Ti a thupazy liata âmo a chhituhpa kha, Khataih liata a y haw?

ISAI 63:16

Abarahâ ta miah pahno vei hra sala, Izarei ta miah pachâ vei hra sala, Nâ cha eima Paw mah na châ tâh. Hy Abeipa, nâ cha eima Paw châ chi ta, Na moh cha hlâno tawhta miah Chatlaituhpa a châ.

ISAI 64:8

Tahmâ deikua cha, Hy Abeipa y, Nâ cha eima Paw na châ. Keimo cha beihlei châ pi ta, Nâ cha miah vituhpa na châ; Eima zydua heta na ku ta a taopa eima châ khai.

ZEREMIAH 3:19

“‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

ZEREMIAH 3:4

Tahmâ tlai kha vei ma na aw chi ta, ‘Ei paw, ei thyutlia no tawhta ei viasa châ chi ta,

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

ZEREMIAH 50:4

“Cha nohzy liata nata cha daihti liata, Izarei sawzy nata Zudâh sawzy hmaohkha ta amâ vy aw; Chana chôta a vy aw ei ta, Abeipa ama Khazohpa ama tlua aw,” Abeipa ta a tah.

HÔSIA 12:4

Vâlyuhchâpa a pia ta a pahnie haw; Chana chôta a khokheina â haw. Bethel liata Khazohpa a tyh ta, Cha liata Khazohpa ta bie miah â chho.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

MALAKHAI 2:10

Paw pakha saw châ khai ma pi ma? Khazohpa pakha ta a taopa châ ma pi ma? Khazia unawh nata unawh likah liata a ngâna pahlei pi ta, miah pathlatuhpazy biehrai eima papuapalei tly?

MALUHREINA 2:18

“Notla lâta Epharai py y aw ei ta, Epharai pathlazy hyutuhpa cha Amihu sawchapawpa Elisâmâ châ aw ta,

MATHAI 3:3

Hrohsopa Isai ta, “Râhchawhpa liata awhpa ao ta, Abeipa lâthlôh a chhuahdy u la, A lâpizy patlâsa teh u,” tahpa ta a vaw reichhieliepa kha, ano he a châ.

MATHAI 5:4

“Pachârôhpazy ama nohlao na, thlapalôhpa ta ama y awpa vâta.

MATHAI 6:9

Chavâta nâmo la hetana heta thlahchhâ tyh muh vy: “‘Eima Paw vârâh liatapa, Na moh zachhih mawh sy.

LUKA 6:21

“Nâmo, tahmâ nota nodipazy saih u, nama nohlao na, nama rih a bie awpa vâta. “Nâmo, tahmâ nota a chapazy saih u, nama nohlao na, nama pahnei awpa vâta.

RAWMA 8:26

Cha hawhna chata, Thlahpa ta eima chiehleinazy liata miah a bao tyh. Thlahchhâ nawpa chybia chhao eima pahno lei nota, Thlahpa ta ahrôna rei hlei thei leipa ta thlah miah a chhâpa tyh.

2 KAWRINI 6:18

Nama paw châ aw na ta, Ei sawchapawzy nata ei sawchanôzy nama châ aw, Abeipa Atotaotheipa ta a tah,” a tahpa hawhna khata.

RYHPACHANEINA 14:1

“Abeipa nama Khazohpa sawzy nama châ. Athihpa châta sasyh namâ â awpa châ leipa ta, nama khipâh sâ ngyupa ta nama patlyh awpa châ vei.

RYHPACHANEINA 32:6

Hy nâmo, ahrupa nata angâpa phopi, Cha hawhta ma Abeipa cha viari nama thô? Ano cha châ taotuhpa nama paw châ ta, Cha tao ei ta nâmo châ paduatuhpa châ vei ma?

HEBRAI 12:13

Pheisypa cha a ru a suhlie leipa ta, patlâhpa a châ thei nawpa ta, nama pheizy châta lâpi patlâpazy tao teh u.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.

HEBRAI 5:7

Sapa pôhpa ta a hro chhôh ta, Zisu cha thina tawhta a pachha theituhpa lâ ao paro ngaitapa ta mothlih chhaota awh ta, thlahchhânazy nata hianazy hlâ ta, Khazohpa a chizana vâta a thlahchhâna cha nathliepa a châ.

BIEPHUAH 7:17

Beidyuchhai liah liata a tyuhpa cha, Âmo vaituhpa a châ aw; Hrona tihnawhzy lâ âmo a chhi aw ta, Ama mo liata mothlih zydua Khazohpa ta a hru khai aw,” tah ta.