ZEREMIAH 31:7 - Mara Bible RV (BSI)

⁷ Abeipa ta hetana heta a tah: “Zakaw châta thaphapa ta hla sa u la, Phopi rônah chaipa châta thata awh teh u; Tlâh awhpa ta reithai u la, ‘Hy Abeipa na phopi he pachha la, Izarei laibâhpa he pachha mah y,’ tah teh u.

ZEREMIAH 31:7 ပူးပေါင်းရင်းမြစ်များ

HLAZY 106:47

Hy Abeipa eima Khazohpa, Miah pachha la, Râh to tawhta miah pakhy heih mah y; Chatanachata na moh pathaihpa chô liata alyna bie reih aw pi ta, Na moh reithaipa ta eima cha parônahsa aw.

HLAZY 126:2

Cha nota eima pakah cha pahneina ta biepa ta, Eima paleih thaphapa ta awh ta, Phopizy ta, “Abeipa ta hmo rônahpa a taopa ei,” ama tah.

HLAZY 14:7

Hy, Zaio tawhta Izarei pachhana vaw pua bâ sala ei tah kaw dia! Abeipa ta a phopi vânoh a patosa heih tita, Zakaw a ly sala, Izarei thaphapa ta y mawh sy.

HLAZY 28:9

Na phopi he pachha la, Na ryuto he byhnâ pie mah y; Âmo cha pasa la, Chhâzaw ta hrôbieh mah y.

HLAZY 67:1

Khazohpa ta miah ngiachhie sala, Byhnâ miah pie sala, Eima chô liata a hmia pakhaihsa mawh sy. Selah

HLAZY 69:35

Khazohpa ta Zaio cha pachha aw ta, Zudâh khihpizy a padua aw; Cha liata a chyhsazy pahrâ aw ei ta, Râh cha ama hnei aw.

ISAI 1:9

Pheisaihzy Abeipa ta Laibâhpa chyhta miah pahlôhpa vei mawh sala; Sawdawmâ hawhna khata châ aw pi ta, Kawmawrâ hawhna khata eima y aw.

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 37:31

Zudâh pathla laibâhpazy cha a ry lâ thari thla aw ei ta, a chô lâta thei ama pathei heih aw.

ISAI 37:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake biezy kha Abeipa na Khazohpa ta thei aw ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta ta.

ISAI 44:23

Abeipa ta chatlaina tao ha ta, Chavâta, Hy avâzy saih u, hla sa u la, Hy alei su a thupazy saih u, awh teh u. Hy tlâhpizy saih u, hla paryh u la, Hy râhmâhpa nata a chhôh liata tho to saih u, hla paryh teh u! Abeipa ta Zakaw cha chatlai ha ta, A rônahna Izarei liata a paluahsa haw.

ISAI 52:8

Na riahvaituhpazy ama ao papua ei ta, Â raohpa ta alyna hla ama sa. Zaio lâ Abeipa a vaw kua tita, Hmiachhy ta ama hmô aw.

ISAI 61:9

Ama sawzy cha, Râhzy hry liata pahnopa châ aw ei ta; Ama pathlazy cha, Phopizy hry liata pahnopa ama châ aw. A hmôpa maihta âmo cha, Abeipa byhnâ piepa chipathla ama châ tahpa ama pahno aw.

ZEREMIAH 20:13

Abeipa lâ hla sa u la, Abeipa cha reithai teh u! Hmo pha leipa a taotuhpazy ku tawhta Dyhchhiepazy hrona a pabohsa ha hih.

ZEREMIAH 23:3

“Ei mietaku zaw laibâhpazy cha âmo ei tona râh zydua tawhta a vaw chhi heih aw na ta, ama sadô liata pangia heih aw na ta, chi hluhpi pathla aw ei ta, ama pôh aw.

ZEREMIAH 3:23

Hmeiseih ta la tlâhthlôhzy he dôveina dei châ ei ta, Tlâhpizy chô liata pyu paropazy chhao dôveina dei ama châ. Hmeiseihta ta la, Izarei pachhana cha, Abeipa eima Khazohpa lia deita ta a y.

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

CHAPHÔHTUNA 1:1

Chyhsa ta a bie tyhpa khihpi kha, Yrupa ta dia â tyu ha bâ! Phopizy hry liata phopi rônahpa kha, Nôhmei hawhta dia a châ ha bâ! Râhzy hry liata abei sawchanô kha, Sei lâta dia â lie haw!

EZEKIA 6:8

“‘Chatahrasala laibâhpazy ei cha pahlôh aw ei. Râhzy nata phopizy hry liata hiepatlapa ta nama y tita, thokha cha zaozi nama khôkhâh aw.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

ZÔELA 2:32

“Abeipa moh a padopa maih cha, Pachhapa ama châ aw; Abeipa ta a reipa hawhta, Zaio Tlâh nata Zerusale liata laibâhpazy y aw ei ta; Laibâhpazy hry liata, Abeipa ta a awpazy amâ hlao aw.”

AMÔSÂ 5:15

Chhiena a haopa ta phana khoh u la, Thokhy chhikao liata ryureina dopa padua teh u; Cha hawhta nama tao khiahta cha, Zehôvâh, Pheisaihzy Khazohpa ta Zawsi chi laibâhpazy cha, A ngiachhie thei ngyu aw.

MIKÂ 2:12

Hy Zakaw y, nama zydua ta cha awpakhy tlai aw ei na ta, Izarei laibâhpazy cha ei pakhy aw; Mietaku o liata mietakuzy hawhta Cha pahmaohpakhy aw ei na ta, Sibiepa su liata mietakuzy hawhta Ei pahmaohpakhy aw ei; Zasâh manôh ama châpa vâta, Kalihpi ama to aw.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

ZEPHANIA 2:9

Chavâta ei hrona reipa ta ei reih,” Pheisaihzy Abeipa, Izarei Khazohpa ta a tah. “Môabâ cha Sawdawmâ hawhta châ aw ta, Amawna mo cha Kawmawrâ hawhta ama châ aw; Sipopa su nata alôh khaoh lâta a lie aw ei ta, Chhâzaw ta roryhrapa ta ama y aw. Ei phopi laibâhpazy ta âmo cha hrao aw ei ta, Ei râh liata a hroh tlakaihpazy ta Ama râh cha ryu ta ama to aw.

RAWMA 11:5

Cha hawhna chata, tahmâ chhao laibâhpazy ama y. Âmo cha ngiachhiena ta â tlyhpazy ama châ.

RAWMA 9:27

Isai chhao ta Izarei kyh liata, “Izarei sawzy cha tilaipi sadi zie ta hluh hra ei sala, laibâhpa deita pachhapa ama châ aw.

RYHPACHANEINA 28:13

Tanoh ta bie ei cha piepa ei, Abeipa nama Khazohpa biepiepazy he zyhpa ta, pakhâta nama tao khiahta cha, Abeipa nama Khazohpa ta chaolahmei châ leipa ta, luh ta cha tao aw ei ta; a ry châ leipa ta, a chô ta a cha tao aw ei.

RYHPACHANEINA 32:43

“Hy avâzy saih u, Abeipa phopi a lykhei u la; Hy khazohzy saih u, A hmia liata a bôh teh u; Ana cha a chakaotuhpazy thisaih phuhlatuhpa châ ta, A khakhaipazy chô liata viari a thôtuhpa a châ. Ano a haotuhpazy viarithô aw ta, A râh nata a phopi châta chatlaina a tao aw.”