ZEREMIAH 31:4 - Mara Bible RV (BSI)

⁴ Hy Izarei laihsa kôpa! Cha padua pathi heih aw na ta, Â ipa ta paduapa na châ aw. Khohzy ta a tobi heih aw chi ta, Thaphana noh lâna suzy liata nâ hlao aw.

ZEREMIAH 31:4 ပူးပေါင်းရင်းမြစ်များ

2 ABEIZY 19:21

He he Senâkeri kyh Abeipa ta a reipa bie a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

HLAZY 149:3

Lâpa ta a moh reithai ei sala, Khoh nata totâ chhaota ano reithaipa ta sa mawh ei sy!

HLAZY 30:11

Ei mâchhiesana cha lâna lâta pachâsapa ta, Ei latho poh na pahluhpa chi ta, Thaphana ta ei chai eina saih ha chi.

HLAZY 51:18

Nâ lynazie hawhta Zaio chô liata hmopha tao la, Zerusale thokhyzy padua mah y.

HLAZY 69:35

Khazohpa ta Zaio cha pachha aw ta, Zudâh khihpizy a padua aw; Cha liata a chyhsazy pahrâ aw ei ta, Râh cha ama hnei aw.

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 30:32

Abeipa ta chôchahrei rao chiehpa hmâpa ta âmo a tuna maih liata, paotlâ nata totâ zy ta patla panô tyh aw ei ta, a chôchahrei hmâpa ta âmo cha â dyuh aw ei.

ISAI 37:22

he he Senâkeri kyh Abeipa ta a reipa a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

ZEREMIAH 1:10

Tanoh he phopizy nata khinarâhzy chô liata cha soh na ta, Phia awpa nata phie awpa ta ei cha soh; Pahleipadia awpa nata thy awpa ta cha soh na ta, Sa awpa nata lo awpa ta ei cha soh,” tah ta.

ZEREMIAH 14:17

“Ama hnohta he bie he na reih awpa a châ: ‘A chhô zâ ta ei mothlih loh sala, Hi beih khah sy. Ei phopi zuah laihsa kôpa cha thata tupa châ ta, Hmah laipa a phaoh ha hih.

ZEREMIAH 18:13

“Chavâta Abeipa ta hetana heta a tah: Phopizy hiahri tua rai u, Cha hawhpa hmo cha ama thei beih ma? Laihsa kônô Izarei ta hmo rarôh y ngaitapa a tao ha hih.

ZEREMIAH 24:6

Ama pha nawpa ta ama chô liata ei mo tawpâ aw ei na ta, he râh lâ he ei vaw chhi pakhua heih aw ei. Âmo cha padua aw ei na ta, phie khao aw veih ei na; loh aw ei na ta, phia khao aw veih ei na.

ZEREMIAH 31:13

Chatawhcha laihsa kôpazy a lypa ta lâh aw ei ta, Satliapazy nata machâpazy thaphapa ta ama y aw; Ama mâchhiesana cha, Alyna pachâsa aw na ta; Thlapalôh aw ei na ta, Pachârôhna vyuhpa ta thaphana ei pie aw ei.

ZEREMIAH 31:21

“Lâpi ngianazy a tao la, Lâpi pahnona tôhzy a bô teh; Lâlai cha a phapa ta ngia la, Lâpi nâ chhihpa cha a phapa ta ngia mah y. Hy Izarei laihsa kôpa, vaw kua la, Na khihpizy lâ he vaw kua ha mah y.

ZEREMIAH 31:38

“Moh teh u, Hânane Osâhpa tawhta Achaki Chhikao taihta Abeipa châta khihpi paduapathi nawpa nohzy a vaw tlô hai,” Abeipa ta a tah.

ZEREMIAH 33:7

Zudâh nata Izarei cha vânoh patosa heih aw ei na ta, hmiatua ta ei paduapa hawhna ei khata ei padua heih aw ei.

ZEREMIAH 46:11

Hy Izi sawchanô laihsa kôpa y, Kilia lâ khy la, sathaw thohna a kaw la teh! Thohna hluhpi hmâh ha chi ta, Châhrasala hraoleipa sai châ ei ta, Na châta tlâhna rai y vei.

CHAPHÔHTUNA 1:15

“Ei pasaipha zydua kha, Abeipa ta a thy khai ha ei; Nâ dyuh awpa ta pakhypi aw ta, Ei satliazy pahleipadia awpa ta pakhypi a aw; Zudâh sawchanô laihsa kôpa cha, Kre saohna liata kre thei tlypa hawhta Abeipa ta a tly haw.

CHAPHÔHTUNA 2:13

Hy Zerusale sawchanô y, Na châta khâpa bie reih aw na ta, khâpa nata ma ei cha pakhopâ aw? Hy Zaio sawchanô laihsa kôpa y, Thlah ei cha palôh thei nawpa ta khâpa ma ei cha palyusa aw? Na raona tilaipi hawhta kawh ta, Ahy châ patlâh thei aw?

AMÔSÂ 5:2

“Laihsa kôpa Izarei cha pao ha ta, Thyu heih thei khao vei; A râh liata siesaipa châ ta, A pathyu awpa y veih ei.”

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

LUKA 15:23

Viahchao taw thawhpa kha kei la u la, thie teh u. Thapha ngaitapa ta nie suh u.

HMOTAOPAZY 15:16

“‘Cha khai tawhta kua aw na ta, Dâvi poh o a cho hapa kha Ei sa pathi heih aw; A raonazy sa pathi aw na ta, Ei paduapathi aw.

RYUREITUHPAZY 11:34

Zephathâ cha Mizpâ liata a o lâ a lie ta. Moh teh u, a sawchanô vaw pua ta, paotlâzy nata lâpa ta a paw cha vaw dy ta. Ano he a saw matlupa châ ta, ano leipa ta sawchapaw nata sawchanô hropa rai hnei vei.