ZEREMIAH 31:3 - Mara Bible RV (BSI)

³ Lâhlapi tawhta a hnohta Abeipa â vaw luah. Tlyzaw kyhpachâna ta kyh cha pachâ na ta, Chavâta ei ngâchhihna na chô liata ei palâsa lymâ.

ZEREMIAH 31:3 ပူးပေါင်းရင်းမြစ်များ

1 ABEIZY 10:9

Na chô liata a ly ta, Izarei beidyuchhai liata châ patyutuhpa Abeipa na Khazohpa cha reithaipa ta y maw sy! Abeipa ta Izarei he chhâzaw ta kyhpachâ ta, chavâta adona nata siana ta ryu na reih thei nawpa ta bei ta a cha tao hih,” tah ta.

HLAZY 103:17

Abeipa kyhpachâna tleih beih leipa deikua cha, Ano a chituhpazy chô liata chhâzaw nata tlyzaw ta y ta, A siana chhao ama samohzy taihta a y.

HLAZY 25:6

Hy Abeipa, na zawngiahna a thei la, Na ngâchhihna a thei mah y; Hlâno tawhta a y hapa châ tlôh ei ta.

HLAZY HLA 1:4

Na ku ta nâ kei la, A râ ei suh u. Abei ta a chhôhpadâhpazy lâ einâ ngiakhei haw. Nâ liata a lypa ta eima thapha aw ta, Na kyhpachâna cha kresawhti hlâta eima cheihchalo via aw; Ama cha khoh kaw saipa he â vaw do tlai na.

ISAI 43:4

Ei mohmô liata sôh ngaita chi ta, Zachhihpa châ chi ta, Kyh ei cha pachâpa vâta, Nâma vyuhpa ta chyhsazy pie na ta, Na hrona vyuhpa ta phopizy ei pie.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 49:14

Châhrasala Zaio ta, “Abeipa ta na siesai ha ta, Ei Khazohpa ta eina my haw,” a tah.

HÔSIA 11:1

A hawti no tawhta Izarei cha kyhpachâ na ta; Izi râh liata a y no tawhta, “Ei sawchapawpa” tahpa ta ei aw.

HÔSIA 11:4

Phana chaori ta a chhi ei na ta, Kyhpachâna bâlia ta ei chahry ei. Ama raopaky pahluhpa ei na ta, Âmo lâ a bôh na ta pati ei paniesa ei.

MALAKHAI 1:2

“Kyh ei cha pachâ ei” Abeipa ta a tah. Châhrasala nâmo ta, “Kheih hawhta ma kyh cha miah na pachâ?” nama tah. “Esaw kha Zakaw unawhpa châ vei ma? Châhrasala Zakaw kyhpachâ na ta,

RAWMA 8:30

A rao chhieliepazy cha aw ta, a awpazy thai pachâsa ta, thai a pachâsapazy cha a palyupalih ei.

RAWMA 9:13

“Zakaw kyh pachâ na ta, Esaw deikua ei hao,” tahpa ropa a châ hra.

RYHPACHANEINA 10:15

Cha hawhpa Abeipa chata châ pathlatuhpazy chô liata a palôh tlâh ta, ama kyhpachâ ta, tanoh nama châna hawhna heta, nâmo, ama pathlazy cha phopi zydua chô lâta cha sopa ta, a châ tlyhpa ei a châ hih.

RYHPACHANEINA 33:26

“Hy Zesuruh, Khazohpa hawhpa he ahy hmah y veih ei; Ano cha cha bao awpa ta avâzy chô liata kiah ta, A rônahpa ta avâpi chô a kiahpa a châ.

RYHPACHANEINA 33:3

A châ na, a phopi kyhpachâ kaw ta, A mopathaihpa zydua a ku liata ama y. Na pheihniezy cha pazi ei ta, Na biepiepazy ama zyh tyh.

RYHPACHANEINA 4:37

Châ pathlatuhpazy kyh a pachâpa vâta, âmo hnôh lâta ama pathlazy a tlyh ta, a ypâna nata a hmotaotheina rônahpa ta Izi râh tawhta a châ chhi papua ei.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

1 PITY 1:3

Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,

1 ZAWHÂNA 4:19

Ano ta kyh miah a pachâ tuapa vâta a kyh eima pachâ hra.