ZEREMIAH 31:2 - Mara Bible RV (BSI)

² Abeipa ta hetana heta a tah: “Zaozi ta thie bâhpazy cha, Râhchawhpa liata ngiachhiena ama to; Izarei ta apahâna tlua ta,

ZEREMIAH 31:2 ပူးပေါင်းရင်းမြစ်များ

HLAZY 78:52

A phopi deikua cha mietaku hawhta puakhei ta, Mietaku zaw hawhta râhchawhpa liata a chhihtha ei.

HLAZY 95:11

Chavâta pathi iapa ta bie a taih na ta, “Ei pahâna liata a ngia aw veih ei,” Ei vaw tah hapazy ama châ.

PUASAINA 1:16

Izi bei ta ama hnohta, “Hebrai chanôzy nawh nama pay tita, nawh yna rakhô liata moh u la, sawchapaw a châ khiahta cha, thie aw ei chi ta, sawchanô a châ khiah deikua cha, pahlôh awpa a châ,” tah ta.

PUASAINA 1:22

Chatawcha Phiraoh ta a phopi zydua hnohta, “Hebrai sawchapaw a pihpa maih Nile chavah liata thy lymâ aw ei chi ta, sawchanô deikua nama pahlôh aw,” tahpa ta biepie ta.

PUASAINA 12:37

Izarei sawzy cha Râmese khih tawhta Sukô lâ pangaipa ta sie ei ta, chanô nata hawtizy rei leipa ta, chapaw pitlohpa sai ta 600,000 phei ta ama sie.

PUASAINA 2:23

Daihti vâropi a châ tawhta, Izi bei cha thi ha ta. Izarei sawzy cha ama seichâna vâta a hrô ei ta, baotuhpa aw ei ta. Ama seichâna tawhta pachha awpa ta ama awna ao cha Khazohpa kô kaw tlô ta.

PUASAINA 33:14

Abeipa ta, “Ei ypâna nama hnohta sie aw ta, ei cha pahâsa aw ei,” tah ta.

PUASAINA 5:21

ama hnohta, “Abeipa ta cha moh ei sala, cha pachia mawh ei sy. Phiraoh nata a chakaotuhpazy mohmô liata roh chhiepa ta miah tao ei chi ta, miah thie awpa ta ama ku liata zaozi nama chabasa ha hih,” tah ei ta.

ZEREMIAH 2:2

“Sie la, Zerusale nah theina liata, Abeipa ta hetana a tah,” kei tah mah y: “Na thyutlia nota na ngâchhihzie kha a thei thlâh ha na ta, Myuh hawhta kyh eina pachâzie chhao chi kha ei thei thlâh haw; Râhchawhpa liata na zi laih chi ta, Chi chei leina râh liata chhao eina zi lymâ chi.

EZEKIA 20:35

Phopi hrozy râhchawhpa lâ châ chhi aw ei na ta, cha liata hmiachhypa ta ei cha pachia aw ei.

HÔSIA 11:4

Phana chaori ta a chhi ei na ta, Kyhpachâna bâlia ta ei chahry ei. Ama raopaky pahluhpa ei na ta, Âmo lâ a bôh na ta pati ei paniesa ei.

MALUHREINA 10:33

Chatanachata Abeipa tlâh tawhta pua ei ta, noh thôh lâsie taih sie ei ta. Amâ pahâ nawpa su tlua awpa ta, Abeipa Biehrai Byh cha noh thôh chhôh ama hmia lâta sie ta.

MALUHREINA 14:20

Abeipa ta, “Na bie hawhta ei ngiahthai ei.

MATHAI 11:28

Nâmo, hriapasapa nata phaohripa zydua saih u, kei lâ a vy u la, ei cha pahâsa aw ei.

RYHPACHANEINA 1:30

Nama hmia lâta a siepa Abeipa nama Khazohpa ta, Izi râh liata nama mohmô lia tlai ta nama châta a taopa hawhna khata, a châ dyuhpa aw ei.

RYHPACHANEINA 1:33

Nama poh o parai nawpa tluapa ta nama hmia lâta sie ta, zâ ta mei ta, nohchhô ta meihdo ta cha chhihthapa ta, nama siena lâpi châ pahmôtuhpa Abeipa nama Khazohpa cha ngâ veih ei chi.

RYHPACHANEINA 12:9

Abeipa nama Khazohpa ta a pahâ nawpa nata ryu châta a cha piepa ei râh nama tlô mâh leipa vâta.

RYHPACHANEINA 2:7

Abeipa nama Khazohpa ta nama ku raihria zydua liata byhnâ cha pie tyh ei ta, he râhchawhpa kawh ngaitapa nama siepahliezie haipa chhao a pahno. Kô sypalih chhôh zydua Abeipa nama hnohta y ta, khâpa hmah a phahla veih ei chi,” tah mah y,’ tah ta.

RYHPACHANEINA 8:16

Châ pathlatuhpazy ta ama pahno beih leipa mânâ ta cha pasa ei ta, a chhâna liata nama pha nawpa ta, cha panawh ei ta, a cha pasia ei.

ZAWSUA 1:13

“Abeipa chakaotuhpa Mawsi ta nama hnohta, ‘Abeipa nama Khazohpa ta apahâna su cha pie ei ta, he râh he a cha pie aw ei,’ tahpa ta bie a cha piepa ei kha a thei thlâh ha muh vy.