ZEREMIAH 31:18 - Mara Bible RV (BSI)

¹⁸ “Epharai chapa ao hetana heta ei thei: ‘Na chhorei chi ta, Viahchao dawpa hriepa hawhta Eina chhorei chi. Paduapathipa ei châ thei nawpa ta, Nâ chhi pakhua heih mah y, Abeipa ei Khazohpa mah na châ tâh.

ZEREMIAH 31:18 ပူးပေါင်းရင်းမြစ်များ

ZAWBÂ 5:17

“Moh tua, Khazohpa chhoreipa chyhsa cha thlaochhipa ta a y tyh, Chavâta Atotaotheipa chhoreina cha saw ta rei leipa ta y khah y.

HLAZY 118:18

Abeipa ta thata na chhorei ta, Thina lâ deikua na hlâ vei.

HLAZY 119:67

Pasa pataosapa ei châ hlâ tawh chhao ta, Cha tleisai ha na ta; Tahmâ deikua cha na bie ei zyh lymâ.

HLAZY 119:75

Hy Abeipa, na pachianazy â do tahpa pahno na ta, Pasa eina pataosapa chhao chi he â dopa a châ.

HLAZY 31:15

Ei daihtizy na ku liata y ta, Ei chariahpazy ku tawhta na pachha la, Nâ taolatuhpazy ku tawhta na pachha mah y!

HLAZY 32:9

Novâhna a hnei leipa arâ tlyma, sabaitu hawhta tlyma y khuh vy; Chazy cha chhâri pabaw awpa amâ ngiah tyh, Chataleipatala nama kiapâh liata y aw veih ei.”

HLAZY 80:19

Hy Zehôvâh Khazohpa Atotaotheipa, Miah paduapathi heih mah y! Pachhapa ta eima y thei nawpa ta, Na hmia vaw pakhaihsa mah y!

HLAZY 80:3

Hy Khazohpa, miah paduapathi heih la, Pachhapa ta eima y thei nawpa ta, Na hmia vaw pakhaihsa mah y!

HLAZY 80:7

Hy Khazohpa Atotaotheipa, Miah paduapathi heih la; Pachhapa ta eima y thei nawpa ta, Na hmia vaw pakhaihsa mah y!

HLAZY 85:4

Hy eima pachhana Khazohpa, Miah paduapathi heih la, Eima chô liata na ruchhôna papai mah y!

HLAZY 94:12

Hy Abeipa, na chhoreipa chyhsa cha nohlao ta, Na ryhpa na pachupa chyhsa chhao a nohlao na.

BIESOZY 26:3

Chheina ri cha arâ châta châ ta, Chhâri cha alâ châta châ ta, Sôsi cha ahrupa ky châta a châ.

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

BIESOZY 3:11

Ei sawchapawpa y, Abeipa chhoreina cha, Papeisa leipa ta y leipa la; A cha ra tita, Na palôh pasa khah sy.

ISAI 1:5

Khazia hmo parao lymâpa ta, Tupa ta khâ nama y aw? Na luh zydua pasa ta, Na palôh tlokhuh a panao haw.

ISAI 51:20

Na sawchapawzy panao ei ta, Sao liata sathawh a aopa hawhta, Khiliah chaki to liata amâ zia; Abeipa pathiiana ta bie ei ta, Na Khazohpa rana ta ama bie.

ISAI 53:7

Ano cha tlybaipa ta y ta, Châhrasala anosasyh ta a panawh ta, A pakah â vei. Mietakutaw thie awpa amâ chhipa  chalih thlâh hapa hawhta, Ano chhao â chalih thlâh haw; Mietaku hmi ngyutuhpa hmiakô liata, Mietaku â chalih thlâh hapa hawhta, Ano chhao â chalih thlâh haw; A pakah â vei.

ISAI 63:16

Abarahâ ta miah pahno vei hra sala, Izarei ta miah pachâ vei hra sala, Nâ cha eima Paw mah na châ tâh. Hy Abeipa, nâ cha eima Paw châ chi ta, Na moh cha hlâno tawhta miah Chatlaituhpa a châ.

ISAI 9:13

Izarei phopi ta âmo a tutuhpa lâ a heih leipa ei ta, Pheisaihzy Abeipa cha tlua hra veih ei.

ZEREMIAH 17:14

Hy Abeipa, na patlâh mah y, Chatanachata ei vaw tlâh ha aw; Na pachha mah y, Chatanachata pachhapa ta ei y aw; Nâma deita he reithaina ei hlâ tyhpa cha na châ.

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

ZEREMIAH 3:25

Eima thyutlia daihti tawhta tanoh taihta, keimo nata miah pathlatuhpazy ta Abeipa eima Khazohpa chô liata molei ha pi ta, Abeipa eima Khazohpa bie eima zyh leipa vâta, nozapa ta a zia sih la, eima nohzaona ta miah khu mawh sy.”

ZEREMIAH 31:6

Epharai tlâh râh liata vaituhpazy ta, ‘Thyu teh u, Zaio lâ sie ei sih la, Abeipa eima Khazohpa lâ sie ei suh u,’ Ama tahna nohzy a vaw tlô aw.”

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

CHAPHÔHTUNA 5:21

Hy Abeipa, paduapathipa ta eima y thei nawpa ta, Nâ lâ miah pakuasa heih la, Hlâno daihti hawhna khata eima nohzy pathieh heih mah y.

EZEKIA 20:43

Cha liata nama hroziezy nata nama hmotaopazy ta namâ papuapaleipa zydua kha a thei aw ei chi ta, hmo pha leipa nama taopa zydua vâna khata nâmosasyh ta namâ pasi kaw aw.

DÂNIAH 9:13

Mawsi Ryhpa liata ropa hawhta, he chhiena zydua he eima chô liata vaw tlô ta, châhrasala eima moleinazy a heihsai ta, na bie hmeiseihpa pahno awpa ta, Abeipa eima Khazohpa khokheina tlua hlei ma pi.

HÔSIA 10:11

Epharai cha viahchao zeinô hrie chiehpa châ ta, Sâh tly a khoh kaw tyh. A rao ngyuhpa liata raopaky paky aw na ta, Epharai ta a haoh aw; Zudâh ta alei palie aw ta, Zakaw ta alei tlo a padi aw.

HÔSIA 4:16

Viahchao zeinô chhorupa hawhta, Izarei cha a chhoru kaw; Chavâta Abeipa ta ano cha, Sibiepa su kawhpa liata mietakutaw a pasapa hawhta, Tahmâ he a pasa khoh khao aw vâ ma?

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.

ZAWNA 3:10

Khazohpa ta ama hmotaopa cha hmô ta, ama moleina lâpi amâ heihsaipa a hmô nahta, ama chô liata tao awpa ta a reipa chhiena cha patlôsa khao lei awpa ta a palôh panano ta, tao khao vei.

ZEPHANIA 3:2

Rei a ngiah leipa ta, Chhoreina chhao a pyh khoh vei. Abeipa ngâ leipa ta, A Khazohpa a hnia hra vei.

MALAKHAI 3:16

Chatawhcha Khazohpa a chipazy cha a chhohia raihrie ei ta, Abeipa ta ama biereipazy nathliepa ta thei ta. Chatanachata Abeipa a chipa nata a moh a pasâhsapazy atheithlâhna châbu cha a mohmô liata ropa a châ.

MALAKHAI 4:6

Ano chata pawzy palôh cha ama sawzy lâta paheisa aw ta, sawzy palôh chhao ama pawzy lâta a paheisa aw; chataleipata la, a vy aw na ta, râh he chhiesapa ta ei parao pathlei aw na,” Pheisaihzy Abeipa ta a tah.

MALUHREINA 2:18

“Notla lâta Epharai py y aw ei ta, Epharai pathlazy hyutuhpa cha Amihu sawchapawpa Elisâmâ châ aw ta,

LUKA 1:17

Elaizâh thlahpa nata hmotaotheina ta Khazohpa hmiakô liata sie aw ta, pawzy palôh cha sawzy lâta paheisapa ta, reingiah leipazy cha mosiapazy sona lâta paheisa aw ta, phopi pachhuahpanohpa cha Abeipa châta a mâ chiehpa ta a tao aw,” tah ta.

LUKA 15:20

Chatanachata thyu ta, a paw lâ sie ta. Lâhlapi ta a y nota a paw ta vaw hmô ta, ngiachhie ngaita ta, a kei râ ta, a sawchapawpa cha a pyhpahly ta, a pahnâ ta.

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

PHILIPI 2:13

Ano alynazie tlaichhai ta, a khopa tao awpa ta, nâmo liata hriatuhpa cha Khazohpa a châ.

HEBRAI 12:5

Sawzy chhoreipa hawhta pasyuna biezy kha nama my ha ma? “Ei saw y, Abeipa chhoreina cha, Papeisa leipa ta y leipa la; A cha ra tita, Na palôh pasa khah sy.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.