ZEREMIAH 31:14 - Mara Bible RV (BSI)

¹⁴ Theihthaipazy hro cha, Sa thawhpa ta lôhrâpatlôsa aw ei na ta; Ei phopi chhao, Ei phana ta lôhrâtlôpa ta ama y aw,” Abeipa ta a tah.

ZEREMIAH 31:14 ပူးပေါင်းရင်းမြစ်များ

2 THÂTIHZYRONA 6:41

“Hy Zehôvâh Khazohpa y, Tahmâ thyu la, Na thatlôna Byh chhaota, Nâ pahâna su lâ sie mah y. Hy Zehôvâh Khazohpa y, Na theihthaipazy pachhana ta tobi la, Na mopathaihpazy na phana liata y mawh ei sy.

NEHEMIAH 10:39

Sâh, kresawhti nata sathaw thyupazy cha, Izarei sawzy nata Livai pathlazy ta supathaihpa hmobaoh sona, chakaotuhpa theihthaipazy, chhikao vaituhpazy nata hlasathaipazy yna chhôh­padâhpa liata ama soh lymâ aw. Eima Khazohpa o cha uasa leipa ta y aw ma pi,” tahpa ta bie amâ taih.

HLAZY 107:9

Ano cha hro dâhphina papaituhpa châ ta, Hmo phapazy ta hro nodipa rih a pabie tyh.

HLAZY 132:16

A theihthaipazy pachhana ta tobi aw ei na ta, A mopathaihpazy thaphapa ta ama rahao aw.

HLAZY 132:9

Na theihthaipazy siana ta a tobi ei sala, Na mopathaihpazy thaphapa ta rahao mawh ei sy.

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

HLAZY 36:8

Na o liata ativyna zawhzi ta lôhrâtlôpa ta y ei ta, Nâ lyna chavahzy tawhta do awpazy na pie tyh ei.

HLAZY 63:2

Chavâta su pathaihpa liata cha moh na ta, Na hmotaotheina nata na rônahna ei moh thlâh haw.

HLAZY 63:5

Sa thawhpa nata nie pahâhpa nie nota lôhrâtlôpa hawhta, Ei hro he nâma liata a lôhrâtlô aw ta, Ei pakah ta thaphana hmao ta a cha reithai aw.

HLAZY 63:6

Ei rakhô chô liata châ thei na ta, Zâ vaina daihtizy liata na thâtih ei pachâ tyh.

HLAZY 65:4

Na dôhpachhôh tlyhmia liata pahrâ awpa ta, A tlyh chi ta, na kiapâh lâ nâ chhipazy cha, Ama nohlao kaw dia! Na o phana vâta lôhrâtlôpa ta y aw pi ta, Nâma Achhyna o pathaihpa vâta lôhrâtlôpa ta eima y aw.

HLAZY 85:13

Abeipa hmia lâta siana sie aw ta, A hniezy cha lâpi ta a tao aw.

HLAZY 90:14

Na kyhpachâna tleih beih leipa ta, My chareih lôhrâ miah patlô la; Chatanachata eima hro chhôh noh zydua liata, Alypa nata thaphapa ta eima y lymâ aw.

HLAZY HLA 5:1

Ei sadô, ei sietanô, ei myuh lâ cha a ngia na ta, Ei deiryh nata ropahâhpa lapakhypa ta, Ei kheihti nata ei kheihthlawh nie na ta, Ei sâhpiti nata ei kresawhti cha ei doh. Hy viasazy, niepa ta, doh u la, Kyhpachâna paripa ta y muh vy!

ISAI 25:6

He tlâh liana heta, Pheisaihzy Abeipa ta phopi zydua châta kyhchhi a tao aw; Pati pahâhpa to niena kyhchhi châ aw ta, Kresawhti hlôpa dona kyhchhi a châ aw; Sa rupa lathli bawna kyhchhi châ aw ta, Kresawhti suapa dona kyhchhi a châ aw.

ISAI 61:6

Nâmo deikua cha, Abeipa theihthaipazy tahpa châ aw ei chi ta, Eima Khazohpa chakaotuhpazy ama cha tah aw. Râh hropazy hneirôna nie aw ei chi ta, Ama rônahna namâ palaikhei aw.

ZEREMIAH 31:25

Hro thachhâpazy lôhrâ patlô aw ei na ta, hro panaopa maih ama tha ei patlô aw ei.”

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

ZEREMIAH 50:19

Izarei cha a tlaih tyhna su lâ a chhi heih aw na ta, Kâmel nata Bâsanâ liata tlaih heih aw ta, Epharai tlâhzy nata Kilia liata Hro lôhrâtlôpa ta a y heih aw.

EZEKIA 34:14

Sibiepa phapa suzy liata pasa aw ei na ta, Izarei tlâh sâhpazy cha ama lao bâna su a châ aw. Mietakuzy tlaihna su phapa liata a byu aw ei ta, sibiepa phana Izarei tlâhpizy liata ama lao ama bâ tyh aw.

HÂKAI 2:19

Sawvâ liata chi a y chy ma? Hmeiseihta cha, Kre zôh, theiku kô, pawmikarânâ nata ôli kô zy pathei tlâ khao veih ei. Tanoh tawhta deikua cha, byhnâ ei cha pie aw ei,” tah ta.

MATHAI 5:6

“Siana khopa vâta nodi dâhphipazy ama nohlao na, ama aoh a vei awpa vâta.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

EPHESI 3:19

Novâhna hlâta a sâh viapa Krista kyhpachâna pahno aw ei chi ta, Khazohpa pakina ta pabiepa nama châ aw.

RYHPACHANEINA 33:23

Nâthalai châta byhnâ awna: “Hy Nâthalai, khokheina vâta lôhrâtlôpa ta y chi ta, Abeipa byhnâ to a topa na châ; Notla râhzy pahrâ la, Chho râhzy pahrâ mah y.”

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

BIEPHUAH 5:10

Âmo cha eima Khazohpa châta khinarâh ta padua chi ta, Theihthaipazy ta na tao ei; Alei liata ryu ama reih aw,” tahpa ta hla thiehpa ma sa ei ta.