ZEREMIAH 31:1 - Mara Bible RV (BSI)

¹ “Cha daihti liata, kei he Izarei pho zydua châta Khazohpa cha aw na ta, âmo cha ei phopi ama châ aw,” Abeipa ta a tah.

ZEREMIAH 31:1 ပူးပေါင်းရင်းမြစ်များ

2 SAMUELA 7:24

Chatanachata na phopi Izarei cha chhâzaw ta nâma phopi châ awpa ta padua chi ta, nâma tlai cha, Hy Abeipa, ama Khazohpa na vaw châ haw.

HLAZY 144:15

Cha hawhpa byhnâ ta vaoheipazy cha ama hu â hieh na! Abeipa ama Khazohpa ta a hneipazy cha ama hu â hieh na!

HLAZY 48:14

Ano cha Khazohpa cha châ ta, Chhâzaw nata tlyzaw ta eima Khazohpa a châ; Thina khô lâ taihta miah a chhihtha aw.

ISAI 20:6

Cha noh liata, he tilaipi kiah liata a pahrâpazy heta, ‘Moh tua u, eima hnabeiseihna nata Asuria bei tawhta miah pachha awpa ta eimâ râna cha, he hawhta tlâ a châ hih! Kheihta ma eimâ boh thei aw?’ ama tah awh,” tah ta.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 3:18

Cha nohzy liata, Zudâh pathlazy cha Izarei pathlazy a pahlyh aw ei ta, maw lâ râh tawhta ama pathlatuhpazy hnohta ryuto châta ei piepa râh lâ hmaohkha ta amâ zu aw.

ZEREMIAH 30:10

“Chavâta Hy nâ chakaotuhpa Zakaw y, chi leipa la, Hy Izarei y, ngiarohpa ta y khah y,” Abeipa ta a tah. “Pachâ teh, lâhlapi tawhta cha pachha aw na ta, Na pathlazy ama seichâna râh tawhta ei pachha aw ei. Zakaw cha kua heihpa ta sidiapa nata chhôhmohpa ta y aw ta, Ahy ta hmahta pachisa khao aw veih ei.

ZEREMIAH 30:22

Chatanachata ei phopi châ aw ei chi ta, Nama Khazohpa ei châ aw,” Abeipa ta a tah.

ZEREMIAH 30:24

A palôh achhuahnazy patlôpa ta a tao khai hlâlei cha, Abeipa hiehâhna ru ngaitapa cha kua aw vei. Noh hnôhlâzy liata cha, Cha hmozy cha nama pahno thai aw.

ZEREMIAH 30:3

Moh teh, ei phopi Izarei nata Zudâh vânoh tona ei paduapathi heih nawpa nohzy a vaw tlô hai. Âmo pathlatuhpazy ei piepa râh lâ a chhi pakhua heih aw ei na ta, cha râh cha ama hnei heih aw,’ Abeipa ta a tah.”

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEREMIAH 32:38

Ei phopi châ aw ei ta, kei ama Khazohpa ei châ aw.

ZEREMIAH 33:14

“Pachâ teh, Izarei pathlazy nata Zudâh pathlazy hnohta bie ei taihpa ei patlô nawpa nohzy a vaw tlô hai,” Abeipa ta a tah.

ZEREMIAH 33:7

Zudâh nata Izarei cha vânoh patosa heih aw ei na ta, hmiatua ta ei paduapa hawhna ei khata ei padua heih aw ei.

ZEREMIAH 50:4

“Cha nohzy liata nata cha daihti liata, Izarei sawzy nata Zudâh sawzy hmaohkha ta amâ vy aw; Chana chôta a vy aw ei ta, Abeipa ama Khazohpa ama tlua aw,” Abeipa ta a tah.

EZEKIA 11:20

Chatanachata ei bieraopazy a chhih aw ei ta, ei ryhpazy a vaopa ta ama zyh aw. Ei phopi châ aw ei ta, kei ama Khazohpa ei châ aw.

EZEKIA 34:24

Kei Abeipa he ama Khazohpa châ aw na ta, nâ chakaotuhpa Dâvi cha âmo bei a châ aw. Kei Abeipa ta ei reih haw.

EZEKIA 34:31

Nâmo cha ei sibiepa su liata ei mietakuzy nama châ. Chyhsapazy he ei mietakuzy cha châ ei chi ta, kei he nama Khazohpa ei châ, Abeipa Zehôvâh ta a tah.”

EZEKIA 36:28

Châ pathlatuhpazy hnohta râh ei piepa liata pahrâ aw ei chi ta, ei phopi châ aw ei chi ta, nama Khazohpa ei châ aw.

EZEKIA 39:22

Cha noh tawhta cha, Izarei pathlazy ta kei he Abeipa ama Khazohpa ei châ tahpa ama pahno ha aw.

EZEKIA 39:25

“Chavâta Abeipa Zehôvâh ta hetana heta a tah: Tahmâ cha Zakaw vânoh patosa heihpa ta, Izarei pathla zydua zawh a ngiah heih aw ei na ta, ei moh pathaihpa cha liahsa ei pabohsa ha bâ aw.

HÔSIA 1:11

Zudâh chyhsa nata Izarei chyhsazy a hmaohpakhy aw ei ta, chhituhpa pakha rao aw ei ta, râh tawhta ama khy aw. Zezari noh rônahzie awpa rimâ cha!”

THEIHTHAINA 26:12

Nama hry liata y aw na ta, nama Khazohpa châ aw na ta, ei phopi nama châ aw.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

HEBRAI 12:16

Apatlana moleina a taopa y leipa ta, Esaw hawhta pathaih leipa ama y lei nawpa ta, pakhâta ta moh teh u. Esaw cha pati ei kha nie ta sawchapaw uhtheipa châna a zuahpa kha a châ.