ZEREMIAH 30:8 - Mara Bible RV (BSI)

⁸ “Chatawhcha hetana heta a vaw châ aw. Cha noh liata ama raopaky thlie pachhô aw na ta, ama rao tawhta ei pahluh aw. Ama bâliazy chhao chhie aw na ta, chihropazy ta sei ta tao khao aw veih ei.

ZEREMIAH 30:8 ပူးပေါင်းရင်းမြစ်များ

HLAZY 107:14

Zohna nata thina nohpahli tawhta âmo cha a chhi papua ta, Ama chahrynazy a chhiepa ei.

ISAI 10:27

Cha noh liata, Asuria phaohri cha na ngiatlâh tawhta pachhôpa châ aw ta, a raopaky chhao na rao tawhta pahluhpa a châ aw. Na thawhpa vâta a raopaky cha na thlie pachhô aw.”

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 14:25

Asuria cha ei râh lia tlai ta parao aw na ta, Ei tlâhzy liata phei ta ei tlypâ aw; A raopaky cha ei phopi tawhta pahluhpa châ aw ta, A phaohri ama ngiatlâh tawhta pachhôpa a châ aw,” Tahpa ta bie a taih ha ta.

ISAI 14:3

Chatawhcha hetana heta a vaw châ aw. Nama pachârôhna, namâ tymâna nata rai ru ngaitapa ama cha pahriasapa zy tawhta apahâna Abeipa ta a cha pie ti ei ta,

ISAI 9:4

Midia mo pahnie noh hawhna khata, A raopaky phaohri thlie pachhô chi ta, A ngiatlâh liata sômasi chhao thlie pachhô chi ta, A tlybaituhpa chôchahrei chhao na thlie pachhô khai haw.

ZEREMIAH 2:20

“Hlâno tawhta na raopaky thliepa ta, Na bâliazy chhie na ta, Châhrasala, ‘Cha chakao aw va na,’ tah chi ta, Tlâh sâhpa to nata tho hrohpa ry to liata, Âzuahnô hawhta nâ bôh tyh.

ZEREMIAH 25:14

Phopi hluhpi nata bei rônahpazy ta Babylaw mo chhao tlai cha sei ta tao aw ei ta, ama hmotaopa lymâ hawhta nata ama ku rai hriapa lymâ hawhta ei thô aw ei,” Abeipa ta a tah.

ZEREMIAH 27:2

Abeipa ta ei hnohta hetana heta a tah: “Raopaky nata a rizy tao la, na rao liata a ky la,

ZEREMIAH 27:7

Ano râh daihti chhâna a tlô hlâta cha, phopi zydua ta ano nata a sawchapawpa nata a samohpa chakao aw ei ta, cha hnôhlâ ta deikua cha, phopi hluhpi nata bei rônahpazy ta ano cha sei ta ama tao aw.

ZEREMIAH 28:10

Hrohsopa Hânaniah ta hrohsopa Zeremiah a kypa raopaky cha la ta, thlie pachhô ta.

ZEREMIAH 28:13

“Sie la, Hânaniah hnohta kei chho teh, ‘Abeipa ta hetana heta a tah: Tho raopaky tlâhzy thlie pachhô chi ta, châhrasala a vyuhpa ta thua raopaky tlao na tao hapa a châ.

ZEREMIAH 28:4

Babylaw bei raopaky thlie aw na ta, Zehôki sawchapawpa Zudâh bei Zekôniah nata Zudâh tawhta Babylaw lâ sei ta a siepa zydua kha, he su lâ he ei vaw chhi pakhua heih aw ei, Abeipa ta a tah,” tah ta.

EZEKIA 30:18

Tehâphanehe liata Izi raopaky thlie aw na ta, Â palaikhei kaw tyhpa a thatlôna ei pachhâsa tita, Tehâphanehe liata noh a zoh aw; Khihpi cha meihdo ta khu aw ta, A sawchanôzy seichâna lâ ama sie aw.

EZEKIA 34:27

Lyu liata thozy ta ama thei pathei aw ei ta, alei ta kôvei papua aw ta, ama râh liata â bohpa ta ama y aw. Ama raopaky thliepa ta, sei ta a taotuhpazy ku tawhta ei pachha ti ei ta, kei he Abeipa ei châ tahpa ama pahno aw.

NÂHU 1:13

Tahmâ cha a raopaky cha thliepa aw na ta, Na bâliazy ei chhie pachhô bâ aw.”