ZEREMIAH 30:3 - Mara Bible RV (BSI)

³ Moh teh, ei phopi Izarei nata Zudâh vânoh tona ei paduapathi heih nawpa nohzy a vaw tlô hai. Âmo pathlatuhpazy ei piepa râh lâ a chhi pakhua heih aw ei na ta, cha râh cha ama hnei heih aw,’ Abeipa ta a tah.”

ZEREMIAH 30:3 ပူးပေါင်းရင်းမြစ်များ

EZRÂ 3:1

Thla sarina vaw tlô ta, Izarei sawzy ama khih chyu liata ama pahrâ khai nahta, zawpizy reihkha tlapa ta Zerusale liata a hmaohpakhy ei ta.

EZRÂ 3:12

O hmiatuapa a vaw hmô hapa theihthai pawpipa, Livai chi pawpipa nata pho pawhrâhpa hluhpizy deikua cha, o lôbô bôpa ama hmô nahta, chyhsa hluhpi a lypa ta ama awh hai nota, aoh tlili ta ama cha.

EZRÂ 3:8

Zerusale liata Khazohpa o ama tlô tawhta kô nona, thla nona liata, Siati sawchapawpa Zerubâbe nata Zôzadâ sawchapawpa Zesua nata ama heinawh theihthaipazy, Livai pathlazy nata seichâna tawhta Zerusale lâ a vaw liepa zydua ta Achhyna o paduapathina rai hria pathao ei ta. Kô kih tawhta chô lâ Livai pathlazy cha Abeipa o sana raihria hyutuhpazy ta ama rao.

HLAZY 126:4

Hy Abeipa, Neke chavahzy hawhta, Vânoh miah patosa heih mah y!

HLAZY 53:6

Izarei pachhana cha, Zaio tawhta vaw pua sala ei tah kaw dia! Khazohpa ta a phopi vânoh a patosa heih tita, Zakaw cha a ly sala, Izarei cha thaphapa ta y mawh sy!

ZEREMIAH 16:15

Izarei sawzy cha âmo pathlatuhpazy hnohta ei piepa âmo râh lâ ei chhi pakhua heih awpa vâ ei ta, ‘Izarei sawzy Maw lâ râh tawhta nata âmo a chadai paina râh zydua tawhta a vaw chhi papuatuhpa Abeipa hrona reipa ta ei reih,’ ama tah tyh bâ aw.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 27:11

Babylaw bei raopakypa a kypa ta, ano a chakaopa phopi deikua cha, ama râh ualua liata paysa aw ei na ta, cha liata lyu tao aw ei ta, cha liata ama pahrâ lymâ aw,” Abeipa ta a tah.

ZEREMIAH 27:22

Babylaw lâ siekheipa châ aw ei ta, âmo ei vaw tly hlâlei ei cha, cha liata ama y aw. Cha khai tawhta vaw phaoh pakhua aw ei na ta, he su liata ei soh heih aw ei,” Abeipa ta a tah.

ZEREMIAH 29:10

“Abeipa ta hetana heta a tah: Babylaw atâhna kô sysari a tloh nahta, cha vaw tly aw ei na ta, nama hnohta bie ei taihpa kha patlô aw na ta, he su lâ he ei châ chhi pakhua heih aw ei.

ZEREMIAH 29:14

Eina hmô aw ei chi,” Abeipa ta a tah. “Vânoh cha patosa heih aw ei na ta, ei cha pasiesana phopi to nata su to tawhta cha pakhy aw ei na ta, sei ta ei cha patusana su lâ tlai kha ei châ chhi pakhua heih aw ei, Abeipa ta a tah.

ZEREMIAH 3:18

Cha nohzy liata, Zudâh pathlazy cha Izarei pathlazy a pahlyh aw ei ta, maw lâ râh tawhta ama pathlatuhpazy hnohta ryuto châta ei piepa râh lâ hmaohkha ta amâ zu aw.

ZEREMIAH 30:10

“Chavâta Hy nâ chakaotuhpa Zakaw y, chi leipa la, Hy Izarei y, ngiarohpa ta y khah y,” Abeipa ta a tah. “Pachâ teh, lâhlapi tawhta cha pachha aw na ta, Na pathlazy ama seichâna râh tawhta ei pachha aw ei. Zakaw cha kua heihpa ta sidiapa nata chhôhmohpa ta y aw ta, Ahy ta hmahta pachisa khao aw veih ei.

ZEREMIAH 30:18

“Abeipa ta hetana heta a tah: Moh tua, Zakaw poh ozy cha, Vânoh patosa heih aw na ta, A pahrâna suzy ei ngiachhie aw; Khihpi cha a raona â pachona su liata padua pathipa châ aw ta, Abei o chhao a y tyhna su liata â duah heih aw.

ZEREMIAH 30:4

Hezy he Izarei nata Zudâh kyh liata Abeipa biereipazy cha a châ:

ZEREMIAH 31:16

Abeipa ta hetana heta a tah: “Chana ta na ao papua leipa la, Na mo tawhta mothlih loh khah sy; Na hmotaopa vâta lymâ piepa châ aw chi ta, Na sawzy cha chariahpa râh tawhta ama vaw kua aw,” Abeipa ta a tah.

ZEREMIAH 31:23

Pheisaihzy Abeipa, Izarei Khazohpa ta hetana heta a tah: “Vânoh ei patosa heih ti ei ta cha, he reikahzy he Zudâh râh nata a khihpizy liata ama hmâh heih aw: “‘Hy siana pahrâna su, Abeipa ta byhnâ cha pie sala; Hy tlâh pathaihpa, Abeipa ta byhnâ cha pie mawh sy!’ tahpa ta.

ZEREMIAH 31:27

“Pachâ teh u, Izarei râh nata Zudâh râh liata chyhsapa chi nata sahroh chi ei tu nawpa nohzy a vaw tlô hai,” Abeipa ta a tah.

ZEREMIAH 31:31

“Pachâ teh u, Izarei pathlazy nata Zudâh pathlazy hnohta biehrai thiehpa ei tao nawpa nohzy a vaw tlô hai,” Abeipa ta a tah.

ZEREMIAH 31:38

“Moh teh u, Hânane Osâhpa tawhta Achaki Chhikao taihta Abeipa châta khihpi paduapathi nawpa nohzy a vaw tlô hai,” Abeipa ta a tah.

ZEREMIAH 32:37

Moh teh u, ei hiehâhna, ei pathiiana nata ei ruchhôna ru ngaitapa ta âmo ei to papua hana râh zydua tawhta pakhy heih aw ei na ta, he su lâ he a vaw chhi pakhua aw ei na ta, â bohpa ta ei paysa aw ei.

ZEREMIAH 32:44

“Ama seichâna tawhta pakuasapa ta vânoh ei patosa heih awpa vâ ei ta, Benzami râh liata zy, Zerusale chheipâh suzy liata zy, Zudâh khihpizy liata zy, tlâh râh khihpizy liata zy, Sephelâ bypi râh khihpizy liata nata Neke chho râh khihpizy liata, chyhsazy ta tâkâ ta lyuzy chalei aw ei ta, chaleina ryuchâzy roh aw ei ta, moh chahnaona ta chahnao pa-ipa ta, pahnokheituhpazy ta ama pahnokhei aw,” Abeipa ta a tah.

ZEREMIAH 33:26

Zakaw chipathlazy nata nâ chakaotuhpa Dâvi chipathlazy cha thy aw ei na ta, a chipathlazy hry liata pakha cha, Abarahâ nata Aisika nata Zakaw chipathlazy chô liata ryureituhpa châta a tlyh aw va na. Chavâta vânoh patosa heih aw ei na ta, zawh ei ngiah heih aw ei.”

ZEREMIAH 51:60

Zeremiah ta Babylaw chô liata chhiena a tlô awpa zydua, Babylaw kyh liata he bie zydua he châbu liata roh ta.

EZEKIA 20:42

Châ pathlatuhpazy hnohta pie awpa ta ku chaluahpa ta bie ei taihpa râh, Izarei râh lâ ei châ chhi ti ei ta cha, Abeipa ei châ tahpa nama pahno aw.

EZEKIA 34:13

Phopizy tawhta a chhi papuapa ta, râh to tawhta pakhy aw ei na ta, ama râh lâ tlai ei chhi aw ei. Chatanachata Izarei tlâhpizy, chavah kiahzy nata chyhsa pahrâna su zydua liata ei pasa aw ei.

EZEKIA 36:24

Phopizy hry tawhta cha lapa ta, râh to tawhta cha pakhy aw ei na ta, nama râh lâ tlai ei châ chhi aw ei.

EZEKIA 47:14

Châ pathlatuhpazy hnohta pie awpa ta ku chaluahpa ta bie ei taihpa râh cha, â khopa ta namâ rai awpa a châ. Cha râh cha nama ryuto râh a châ aw.

ZÔELA 3:1

“Pachâ teh u, cha nohzy nata cha daihti liata, Zudâh nata Zerusale cha, Vânoh ei patosa heih aw.

ZEPHANIA 2:7

Cha râh cha Zudâh pathla laibâhpazy ta ama hnei aw; Cha liata ama sahrohzy pasa aw ei ta, Zâlâ ta Askelaw ozy liata amâ zia tyh aw. Abeipa ama Khazohpa ta âmo cha pachâ aw ta, Vânoh a patosa heih aw ei.

ZEPHANIA 3:20

Cha daihti liata châ chhi pakhua aw ei na ta, Cha daihti liata ei cha pahmaohpakhy aw ei. Nama mohmô lia tlai ta Vânoh ei cha patosa heih ti ei ta cha, Khizaw phopi zydua hry liata Moh phapa ta cha tao aw ei na ta, Palyupalihpa ta ei cha tao aw ei,” Abeipa ta a tah.

LUKA 17:22

Chatawhcha pachupazy hnohta, “Chyhsa Sawchapawpa hro nohzy he, noh kha chhâ hmô heih awpa nama khona nohzy a vaw tlô aw. Châhrasala hmô khao aw veih ei chi.

LUKA 19:43

Na chariahpazy ta diahsua cha dôhkhâhpa ta, cha chadô aw ei ta, su to tawhta ama châ dyuh nawpa nohzy a vaw tlô hai.

LUKA 21:6

“He alô â pachopa nama hmôpazy he, a zydua ta parao khaipa ta a y nawpa nohzy a vaw tlô aw,” tah ta.

RYHPACHANEINA 30:3

Abeipa nama Khazohpa ta nama seichâna tawhta cha pakuasa aw ei ta, a cha ngiachhie aw ei. Abeipa nama Khazohpa ta a cha papaipatlana râh phopizy tawhta cha pakhy aw ei ta, a cha pakuasa aw ei.

RYHPACHANEINA 30:5

Châ pathlatuhpazy râh hneipa lâ Abeipa nama Khazohpa ta châ chhi heih aw ei ta, cha râh cha nama hnei aw. Châ pathlatuhpazy hlâta Abeipa ta nâmo byhnâ cha pie via aw ei ta, a cha papôhsa via aw ei.

HEBRAI 8:8

Sei nawpa ama hneipazy Khazohpa ta hmô ta, hetana heta a tah: “Pachâ teh u, Nohzy a vaw tlô hai, Abeipa ta a tah. Cha nohzy liata, Izarei phopi hnohta biehrai thiehpa tao aw na ta, Zudâh phopi hnohta chhao ei tao aw.