Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ZEREMIAH 30:18 - Mara Bible RV (BSI)

18 “Abeipa ta hetana heta a tah: Moh tua, Zakaw poh ozy cha, Vânoh patosa heih aw na ta, A pahrâna suzy ei ngiachhie aw; Khihpi cha a raona â pachona su liata padua pathipa châ aw ta, Abei o chhao a y tyhna su liata â duah heih aw.

အခန်းကိုကြည့်ပါ။ ကော်ပီ




ZEREMIAH 30:18
38 ပူးပေါင်းရင်းမြစ်များ  

Chatawhcha Bei Dâvi ta zawpi ahmaohpakhypa zydua hnohta, “Ei sawchapawpa Sawlawmaw he, ano deita he Khazohpa ta â tlyhpa châ ta, châhrasala hawtipa a châ chypa vâta hmo pahno tu mâh vei. O rônahpa sa awpa cha chyhsapa châta châ leipa ta, Zehôvâh Khazohpa châta a châpa vâta rai lai ngaitapa châ ta.


Ei sawchapawpa Sawlawmaw he, na biepiepazy, na ryhpa biezy nata na bieraopazy zyhpa ta, a zydua ta tao khai sala, o rônahpa cha a chhaichhi hmobaohzy ei chhuanoh hapa hawhta a sa thei nawpa ta, palôh phapakipa paphaosa mah y,” tah ta.


Khihpi cha kawh ta, lai ngaita ta, a chhôh liata a ypazy deikua a chyhta châ ei ta, ozy chhao paduapathipa châ tlâ mâh vei.


Thyu aw chi ta, Zaio cha zawh nâ ngiah aw; He he Zaio khokheina daihti châ ta, Daihti raopa a vaw tlô haw.


Châ chakaotuhpazy ta Zaio lôzy pasô ei ta, A dohlei chhao ama ngiachhie ngaita.


Na thokhyzy chhôh liata thlalôhna y sala, Na o sâhpazy liata abohna y mawh sy!”


Chhâ a vaw y awpazy chho awpa ta, Khôtho lâ tawhta thokhy pathopazy pachâ u la, Abei o thokhyzy chahryh teh u.


Khazohpa cha thokhy ta dôhpa abei ozy liata pahrâ ta, Ano tlai cha abohna thokhy a châzie a palâsa.


A supathaihpa cha avâzy hawhta sa ta, Tlyzaw châta a paduapa alei hawhta a sa.


Hy Abeipa, na râh khokhei chi ta, Zakaw cha vânoh na patosa heih.


Nâ chakaotuhpazy bie pa-i na ta, Ei lyuhchâpazy ryhraopa a patlôsatuhpa ei châ. Zerusale kyh liata, ‘Cha liata chyhsa ama pahrâ heih aw,’ tah na ta, Zudâh khihpizy kyh liata, ‘Paduapathipa châ aw ei ta, Roryhrapa khihpizy ei paduapathi aw ei,’ A tahtuhpa ei châ.


Kôresâ kyh liata, ‘Ano cha ei mietaku vaituhpa châ ta, Ano ta ei chhuahna zydua pi a patloh aw,’ A tahtuhpa ei châ. Zerusale kyh liata, ‘Paduapathipa a châ aw,’ tah na ta, Achhyna o kyh liata, ‘Nâ bôna lôbô bôpa a châ aw,’ A tahtuhpa ei châ.”


“Ei mietaku zaw laibâhpazy cha âmo ei tona râh zydua tawhta a vaw chhi heih aw na ta, ama sadô liata pangia heih aw na ta, chi hluhpi pathla aw ei ta, ama pôh aw.


Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.


Eina hmô aw ei chi,” Abeipa ta a tah. “Vânoh cha patosa heih aw ei na ta, ei cha pasiesana phopi to nata su to tawhta cha pakhy aw ei na ta, sei ta ei cha patusana su lâ tlai kha ei châ chhi pakhua heih aw ei, Abeipa ta a tah.


Moh teh, ei phopi Izarei nata Zudâh vânoh tona ei paduapathi heih nawpa nohzy a vaw tlô hai. Âmo pathlatuhpazy ei piepa râh lâ a chhi pakhua heih aw ei na ta, cha râh cha ama hnei heih aw,’ Abeipa ta a tah.”


Pheisaihzy Abeipa, Izarei Khazohpa ta hetana heta a tah: “Vânoh ei patosa heih ti ei ta cha, he reikahzy he Zudâh râh nata a khihpizy liata ama hmâh heih aw: “‘Hy siana pahrâna su, Abeipa ta byhnâ cha pie sala; Hy tlâh pathaihpa, Abeipa ta byhnâ cha pie mawh sy!’ tahpa ta.


“Moh teh u, Hânane Osâhpa tawhta Achaki Chhikao taihta Abeipa châta khihpi paduapathi nawpa nohzy a vaw tlô hai,” Abeipa ta a tah.


Hy Izarei laihsa kôpa! Cha padua pathi heih aw na ta, Â ipa ta paduapa na châ aw. Khohzy ta a tobi heih aw chi ta, Thaphana noh lâna suzy liata nâ hlao aw.


Athipa ri nata buchâh thyna saikao zydua nata nochhi lâta Arâ Chhikao chaki liata a ypa Kidaraw vahtiepa taihta lyu zydua cha, Abeipa châta pathaihpa a châ aw. Khihpi cha khati ta hmahta phiapa nata paraopa châ khao aw vei.”


Pheisaihzy Abeipa, Izarei Khazohpa ta hetana heta a tah: He râh liana heta ozy, lyuzy nata kre sadôzy chaleina a y heih aw,’ tah na ta.


“Ama seichâna tawhta pakuasapa ta vânoh ei patosa heih awpa vâ ei ta, Benzami râh liata zy, Zerusale chheipâh suzy liata zy, Zudâh khihpizy liata zy, tlâh râh khihpizy liata zy, Sephelâ bypi râh khihpizy liata nata Neke chho râh khihpizy liata, chyhsazy ta tâkâ ta lyuzy chalei aw ei ta, chaleina ryuchâzy roh aw ei ta, moh chahnaona ta chahnao pa-ipa ta, pahnokheituhpazy ta ama pahnokhei aw,” Abeipa ta a tah.


Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.


Zudâh nata Izarei cha vânoh patosa heih aw ei na ta, hmiatua ta ei paduapa hawhna ei khata ei padua heih aw ei.


“Nâ deikua cha, Hy Zakaw, Nâ chakaotuhpa y, chi leipa la, Hy Izarei, riahchhiepa ta y khah y. Pachâ teh, lâhlapi tawhta cha pachha aw na ta, Na chipathlazy cha, Ama seichâna râh tawhta ei pachha aw ei. Zakaw cha vaw kua aw ta, Sidiapa nata chhôhmohpa ta a y aw; Ahy ta hmah pachisa khao aw veih ei.


“Noh hnôhlâzy liata deikua cha, Elâmi cha vânoh ei patosa heih aw,” Abeipa ta a tah.


“Cha khai tawhta deikua cha, Amawna mo cha vânoh ei patosa heih aw ei,” Abeipa ta a tah.


Nama chô liata chyhsapa nata sa zy papôhsa aw ei na ta, pôh aw ei ta, thei ama pathei aw. Hlâno hawhna khata nama chô liata chyhsa pahrâsa heih aw ei na ta, khahlâ ta nama duahmo hlâta pha via syulyupa ta ei cha tao aw ei. Chatanachata kei he Abeipa ei châ tahpa nama pahno aw.


Ei phopi Izarei cha, Vânoh ei patosa heih aw; Khih rypazy paduapathi aw ei ta, Cha liata ama pahrâ heih aw; Kre sadôzy tao aw ei ta, Kresawhti ama doh heih aw; Sadôzy tao aw ei ta, A theizy ama nie heih aw.


Abeipa vâlyuhchâpa ta, ‘Hy Pheisaihzy Abeipa, kô sysari chhôh zydua na palôh châ pachhie hapa Zerusale nata Zudâh khihpizy he, khachâ taih ma thapasa khao leipa ta na y aw tly?’ tah ta.


Chavâta Abeipa ta hetana heta a tah: Zawngiahpa ta Zerusale lâ kua heih aw na ta, cha liata ei o sapa châ aw ta, Zerusale chô liata thliena ri parai heihpa a châ aw,’ Pheisaihzy Abeipa ta a tah.


“Cha noh liata, Zudâh chhituhpazy cha thoiah hry liata meithu a kâ ngâpa hawhta tao aw ei na ta, sapiahzy hry liata meirei hawhta ei tao aw ei. Chavei chachâh ta âmo a dôhpa phopizy cha kâ patlô khai aw ei ta, Zerusale cha a su liata, Zerusale lia tlai ta, â duah lymâ aw.


“Dâvi pathlazy nata Zerusale liata a pahrâpazy rônahna cha Zudâh rônahna hlâta a rônah via lei nawpa ta, Abeipa ta Zudâh poh o liata a pahrâpazy hnohta pahniena a pie tua aw ei.


Râh zydua cha Kebâ tawhta Zerusale chho lâta a ypa Rimô taihta paby khaipa a châ aw. Zerusale deikua cha, Benzami Chhikao tawhta chhikao hmiatuapa Achaki Chhikao taihta nata Hânane Osâhpa tawhta bei kresawhti saohna taihta, a y tyhna su liata pasâhpa a châ aw.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ