ZEREMIAH 30:17 - Mara Bible RV (BSI)

¹⁷ ‘Thy hapa’ cha tah ei ta, ‘He he ahy hmahta pachâ leipa Zaio a châ hih!’ Ama cha tahpa vâta, Tlâhna cha pie heih aw na ta, Na hmahzy ei patlâh aw,” Abeipa ta a tah.

ZEREMIAH 30:17 ပူးပေါင်းရင်းမြစ်များ

ZAWBÂ 5:18

Ano cha hmah paphao ta, Chahrypa heih tyh ta; Pasasa ta, A ku ta a patlâh heih tyh.

HLAZY 103:3

Ano cha na paraona zydua a ngiathaituhpa châ ta, Na pasana zydua patlâhtuhpa a châ.

HLAZY 107:20

A bie tuapa ta âmo patlâh ta, Ama leidia awpa tawhta a pachha ei.

HLAZY 12:5

“Dyhchhiepazy hraopa châ ei ta, Phahlapazy amâ hrôpa vâta, Tahmâ thyu aw na ta, Âmo a teituhpazy tawhta ei pabohsa aw ei,” Abeipa ta a tah.

HLAZY 142:4

Ei chachâh lâ a heih la moh tua rai, Nâ pahnopa y khao veih ei; Ei chhai nawpa y khao leipa ta, Ei hro kyh a pachâpa y khao veih ei.

HLAZY 23:3

Ei hrona he pahro pathi tyh ta, Ano moh vâta siana lâpizy liata einâ chhi tyh.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

ISAI 11:12

Râhzy lâta ngiana poh chaluahpa ta, Ama râh tawhta papuapa Izarei sawzy pahmaoh aw ta, Zudâh paipatlapazy cha, Alei ki palih tawhta a pakhy aw.

ISAI 30:26

Cha dei châ vei, Abeipa ta a phopi hmahphaopa chahry ta, âmo a tuna hmah a patlâh noh liata, thlâpâ cha noh tlu ta khaih aw ta, noh chhao a lie sari ta khaih aw ta, noh sari chhôh a khaihpa zie a khaih aw.

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ISAI 54:6

Lapinô mapa palôh pasa ngaitapa aw pakhuapa hawhta, Abeipa ta cha aw pakhua ta; Thyutlia daihti lapinô mapa aw pakhuapa hawhta, Abeipa ta a cha aw pakhua, Na Khazohpa ta a tah.

ISAI 56:8

Izarei paipatlapazy a pahmaohpakhytuhpa Abeipa Zehôvâh ta hetana heta a tah: “Ei pahmaohpakhy hapazy thota, Mohropazy chhao ei pahmaohpakhy lymâ aw ei.”

ISAI 57:18

A hroziezy hmô na ta, Châhrasala ei patlâh pyly aw. Ano cha a chhi aw na ta, Thlalôhna ei pie heih aw; Ano châta mâchhie a sapazy chhao, Thlalôhna ei pie heih aw.

ISAI 57:19

Ama hmao liata reithaina ei paysa aw. Lâhla lâhnia liata a ypazy chô liata thlalôhna y sala, Thlalôhna y mawh sy,” Abeipa ta a tah. “Ano cha ei patlâh aw.

ISAI 58:8

“Chatanachata na khaihna cha, My khihdei hawhta khaih aw ta; Na hnatlâna a pha patoh aw. Na siana ta hmia châ sahpa aw ta, Abeipa rônahna ta na hnôh lâ a cha vaih aw.

ISAI 60:15

Pathluapa nata a haopa châ chi ta, Châ chapia chahreihpa chhao ama y khao leipa kha, Chhâzaw ta a palaikheipa ta cha tao aw na ta, Kôzaw ta alyna ta ei cha tao aw.

ZEREMIAH 10:20

Ei poh o raopa ta, Ei poh o hraina chaori zydua chie khai ha ta, Ei sawzy ta na puasai khai ha ei ta, Y tlâ khao veih ei; Ei poh o a parai heih awpa y khao leipa ei ta, Ei pohraipazy a padua heih awpa y khao veih ei.

ZEREMIAH 17:14

Hy Abeipa, na patlâh mah y, Chatanachata ei vaw tlâh ha aw; Na pachha mah y, Chatanachata pachhapa ta ei y aw; Nâma deita he reithaina ei hlâ tyhpa cha na châ.

ZEREMIAH 3:22

“Hy ngiapâ hnôhsypa sawzy saih u, Vaw kua ha muh vy. Namâ ngiapâna hnôhsyna tawhta ei cha pathyu heih aw ei.” “Moh tua, nâ cha Abeipa eima Khazohpa na châpa vâta, Nâ lâ eimâ vy hih.

ZEREMIAH 30:13

Châ duakhei awpa y leipa ei ta, Na hmah châta thohna y hra leipa ta, Na châta tlâhna y vei.

ZEREMIAH 33:24

“He chyhsazy ta, ‘Abeipa ta â tlyhpa phopi miano cha a thy ha ei,’ tahpa ta ama reipa pachâ beih va chi ma? Cha hawhna chata ei phopi cha mohnao ei ta, âmo mohmô liata la phopi tah tlâh chhao châ khao veih ei.

ZEREMIAH 33:6

Chatahrasala hnatlâna nata patlâhna vaw tlôkhei aw na ta, patlâh aw ei na ta, thlalôhna kipa nata abohna ei pahmôsa aw ei.

ZEREMIAH 8:22

Kilia liata tlâhna thohna y vei ma? Cha liata dawhty y veih ei ma? Khazia ei phopi zuah a tlâh thei vei tly?

CHAPHÔHTUNA 2:15

Lâpi liata châ chapiapa zydua ta Ama ku ama cha chabaih chie; Zerusale sawchanô cha hmaotô chiepa ta ama luh chahuah chie ei ta, “He he khihpi chhithai pakipa, Khizaw zydua a palysapa khihpi, Ama tah tyhpa kha châ vei ma?” ama tah.

EZEKIA 34:16

Mietaku a leipa tlua aw na ta, a viavipa a vaw chhi pakhuapa ta, hmaphaohpa chahrypa aw na ta, chiehleipa tha ei patlô aw. Athawhpa nata thatlôpazy chhao ei mohôh aw ei. Mietakuzy cha â khopa ta ei pasa aw ei.

EZEKIA 35:12

Chatanachata Abeipa ei châ tahpa na pahno aw. “‘Roryhrapa ta y ha ei ta, palâ khai awpa ta eima hnohta hlâpa ama châ,’ tahpa ta Izarei tlâhzy na reipachhiena zydua kha ei thei khai.

EZEKIA 36:20

Ama siena râhzy ama tlô nahta, ama tlôna maih liata ei moh pathaihpa papuapalei ei ta, cha hawhta ama ypa vâta chyhsazy ta, ‘Hezy he Abeipa phopi châ ei ta, châhrasala râh tawhta a pua hapazy ama châ hih,’ ama tah tyh.

HÔSIA 11:3

Chatanachôta Epharai cha, Kei ta lâsie pachu na ta; Ama bâh ta ei chaao ei. Châhrasala âmo a patlâhtuhpa cha, Kei ei châ tahpa pahno veih ei.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

BIEPHUAH 22:2

Khihpi lâlai liah liata loh ta. Chavah ngiahkâ chavei chachâh ta, thei chi hrawh hleino a hneipa, thla chareih ta a patheipa hrona tho pyuh ta. Thohnazy cha phopizy tlâh nawpa a châ.