ZEREMIAH 30:11 - Mara Bible RV (BSI)

¹¹ Cha pachha awpa ta na hnohta khâ y na ta, Ei cha papaina phopi zydua tlokhuh ei pachhâsa aw ei; Nâ deikua cha tlokhuh ta cha pachhâsa aw va na. Hrie leipa ta cha paysa cheita leipa aw na ta, Châhrasala â daihpa rakha ta ei cha hrie aw,” Abeipa ta a tah.

ZEREMIAH 30:11 ပူးပေါင်းရင်းမြစ်များ

2 SAMUELA 24:12

“Vawh la, Dâvi hnohta, ‘Abeipa ta hetana heta a tah: A tlyh awpa hmo miathôh cha pie na ta, miakha a tlyh aw chi ta, cha cha ei cha taopa aw, a tah na,’ tahpa ta na kei chho aw,” tah ta.

HLAZY 6:1

Hy Abeipa, na hiehâhpa ta na ra leipa la, Na pathi iapa ta na chhorei khah y.

PUASAINA 34:7

chyhsa sâh hluhpi chô liata ngiachhiena palâsa ta, taopasina nata paraona nata moleinazy a ngiahthai ta, thailei a châpazy deikua hrie leipa ta a pakhôsa leipa, pawzy hmoparaona cha saw nata samoh sahlâhzy chô liata patlôsa ta, chhâ thôhna nata chhâ palihna taihta a patlôsapa,” tahpa ta a phuah ta.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 8:10

Pachânazy cha reih pahmaoh teh u, Châhrasala khâpa hmah châ aw vei; Bie cha reih teh u, Châhrasala a duah aw vei, Khazohpa eima hnohta a ypa vâta.

ZEREMIAH 1:19

Cha pachha awpa ta na hnohta ei ypa vâta, châ dyuh aw ei ta, châhrasala cha pahnie aw veih ei, Abeipa ta a tah,” tah ta.

ZEREMIAH 1:8

Âmo cha chi khah y, Cha pachha awpa ta na hnohta ei y aw, Abeipa ta a tah,” tah ta.

ZEREMIAH 10:24

Chavâta Hy Abeipa y, Na pado mah y; Na hiehâhna ta deikua châ leipa sala, Adona ta na pado mah y; Chataleipatala eina pahlei pathlei aw chi na.

ZEREMIAH 15:20

He phopi châna heta, Dawh thokhy pâhchhô ta ei cha tao aw; Cha pachha awpa nata cha pabohsa awpa ta, Na hnohta ei ypa vâta, Châ dyuh aw ei ta, Cha pahnie aw veih ei, Abeipa ta a tah.

ZEREMIAH 4:27

Abeipa ta hetana heta a tah: “Râh pôhpalôhpa roryhrapa ta y aw ta, Chatahrasala chhâ pathlahna patlôsa aw va na.

ZEREMIAH 5:10

“A kre sadôzy lâ khypa ta kaw parao u la, A chhâna taihta deikua parao khuh vy. A chiahzy chhao Abeipa eih ama châ leipa vâta, Thlâ khai ha muh vy.

ZEREMIAH 5:18

“Châhrasala cha nohzy liana chhao chata, cha pamua pathlah aw veih ei na,” Abeipa ta a tah.

CHAPHÔHTUNA 3:22

Chhawh pathlahpa ta eima y leipa he Abeipa kyhpachâna vâta châ ta, A zawngiahna a chhâ beih leipa vâta a châ.

EZEKIA 11:13

Hrohsona bie ei phuah hai nota, Benai sawchapawpa Pelatiah cha thi ha ta. Â khu lâta paopa ta, ao paro ngaitapa ta awh na ta, “Âh, Abeipa Zehôvah! Izarei laibâhpa cha na pamua dâhdei aw ma?” tah na ta.

EZEKIA 6:8

“‘Chatahrasala laibâhpazy ei cha pahlôh aw ei. Râhzy nata phopizy hry liata hiepatlapa ta nama y tita, thokha cha zaozi nama khôkhâh aw.

HÔSIA 11:9

Ei hiehâhpa ta hmo tao khao leipa aw na ta, Kuahnaopa ta Epharai cha parao khao aw va na. Chyhsapa châ leipa na ta, Khazohpa ei châ; Nama hnohta a ypa Pathaihpa châ na ta, Pathi iapa ta a vy aw va na.

THEIHTHAINA 26:44

Chatahrasala ama chariahpazy râh liata ama y no chhao ta, âmo pahleipadia awpa nata ama hnohta ei biehrai parao awpa ta, âmo cha thy leipa aw ei na ta, a hao hra aw veih ei na, kei he Abeipa ama Khazohpa châ tlôh na ta.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

HMOTAOPAZY 18:10

Na hnohta ei y mâh tâh, cha pasasa awpa ta ahy hmahta na chô liata ama ku hy aw veih ei, he khihpi liata chyhsa hluhpi ei hnei,” tah ta.

RYHPACHANEINA 4:31

Abeipa nama Khazohpa cha zawngiah theipa Khazohpa a châ. Cha pathlua leipa aw ei ta, cha pahleipadia hra leipa aw ei ta, châ pathlatuhpazy hnohta bie â taihpa a biehrai my aw vei.

2 TIMAWTHY 4:22

Abeipa cha na thlahpa hnohta y mawh sy. Ngiachhiena nama hnohta y mawh sy.