ZEREMIAH 30:10 - Mara Bible RV (BSI)

¹⁰ “Chavâta Hy nâ chakaotuhpa Zakaw y, chi leipa la, Hy Izarei y, ngiarohpa ta y khah y,” Abeipa ta a tah. “Pachâ teh, lâhlapi tawhta cha pachha aw na ta, Na pathlazy ama seichâna râh tawhta ei pachha aw ei. Zakaw cha kua heihpa ta sidiapa nata chhôhmohpa ta y aw ta, Ahy ta hmahta pachisa khao aw veih ei.

ZEREMIAH 30:10 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

ISAI 14:3

Chatawhcha hetana heta a vaw châ aw. Nama pachârôhna, namâ tymâna nata rai ru ngaitapa ama cha pahriasapa zy tawhta apahâna Abeipa ta a cha pie ti ei ta,

ISAI 35:9

Cha lâpi liata cha, Chakeibarôhneipa y leipa aw ta, Sahrâhpa a vy aw vei; Chazy cha, cha liata hmô awpa y leipa aw ta, Chatlaipazy ta, cha lâpi cha amâ chhih aw.

ISAI 43:5

Chi khah y, na hnohta ei y mâh tâh. Nochhi lâ tawhta na chipathla a vaw chhi aw na ta, Notla lâ tawhta ei cha pakhy aw.

ISAI 44:1

“Tahmâ deikua cha, Hy nâ chakaotuhpa Zakaw y, nathlie la, Ei tlyhpa Izarei y, thei mah y!

ISAI 44:2

Cha tao ta, nô chhi chhôh tawhta cha padua ta, Châ bao lymâ awpa Abeipa ta hetana heta a tah: Hy nâ chakaotuhpa Zakaw y, chi leipa la, Hy ei tlyhpa Zesuruh y, chi khah y.

ISAI 46:11

Nochhi lâta sahei a niepa pavaw aw aw na ta, Râh hlapi liata ei chyhsa ryhraotuhpa ei aw aw. Reih ha na ta, Ei vaw patlôsa aw; A chhuah ha na ta, Ei tao aw.

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

ISAI 49:12

Moh teh u, lâhlapi tawhta ei phopi amâ vy huh; Maw lâ tawhta a vy ei ta, Notla lâ tawhta a vy ei ta, Sini mo râh tawhta amâ vy.”

ISAI 49:25

Abeipa ta hetana heta a tah: “Pasaipha seizy chhupa châ aw ei ta, Pahnietuhpa hraona sôhzy la pakhuapa a châ aw. Châ dyuhtuhpazy a dyuh aw ei na ta, Na sawzy ei pachha aw ei.

ISAI 54:4

“Chi khah y, Maophyuh khao aw va chi; Na no za khah sy, Hmiachhiepa ta y khao aw va chi. Na thyutlia nota na maophyuhna kha my aw chi ta, Na nôhmeina moh chhiena a thei khao aw va chi.

ZEREMIAH 23:3

“Ei mietaku zaw laibâhpazy cha âmo ei tona râh zydua tawhta a vaw chhi heih aw na ta, ama sadô liata pangia heih aw na ta, chi hluhpi pathla aw ei ta, ama pôh aw.

ZEREMIAH 23:4

Âmo a vaih awpa mietaku vaituhpa soh aw na ta, chi khao leipa aw ei ta, ama nôpo khao leipa aw ta, a leipa y khao aw veih ei,” Abeipa ta a tah.

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 23:8

‘Maw lâ râh tawhta nata âmo a tona râh zydua tawhta Izarei pathla sawzy chhihtha ta a pakuasatuhpa Abeipa hrona reipa ta ei reih,’ tlao tah bâ aw ei ta, âmo râh lia tlai ta ama pahrâ aw,” Abeipa ta a tah.

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

ZEREMIAH 29:14

Eina hmô aw ei chi,” Abeipa ta a tah. “Vânoh cha patosa heih aw ei na ta, ei cha pasiesana phopi to nata su to tawhta cha pakhy aw ei na ta, sei ta ei cha patusana su lâ tlai kha ei châ chhi pakhua heih aw ei, Abeipa ta a tah.

ZEREMIAH 3:18

Cha nohzy liata, Zudâh pathlazy cha Izarei pathlazy a pahlyh aw ei ta, maw lâ râh tawhta ama pathlatuhpazy hnohta ryuto châta ei piepa râh lâ hmaohkha ta amâ zu aw.

ZEREMIAH 30:3

Moh teh, ei phopi Izarei nata Zudâh vânoh tona ei paduapathi heih nawpa nohzy a vaw tlô hai. Âmo pathlatuhpazy ei piepa râh lâ a chhi pakhua heih aw ei na ta, cha râh cha ama hnei heih aw,’ Abeipa ta a tah.”

ZEREMIAH 30:7

Cha noh rônahzie rimâ cha! Cha noh a lyupa rai y veih ei; Zakaw nôpona noh châ ta, Châhrasala cha tawhtapa cha pachhapa ta a y aw.

ZEREMIAH 33:16

Cha nohzy liata, Zudâh cha pachhapa châ aw ta, Zerusale chhao â bohpa ta a y aw. A moh cha ‘Zehôvâh Sidkenu,’ a châ aw.

EZEKIA 16:52

Na narôzy thai ama châ thei nawpa ta a duakheituhpa lâta na pua hapa vâta, maophyuhna cha na phaoh tlai awpa a châ. Âmo moleina hlâta pasichhih viapa moleinazy na taopa vâta, âmo cha nâma hlâta a do viapa ta na papua ha ei. Chavâta nâ chhao nozapa ta y la, na nohzaona phaoh teh. Na narôzy chyhsa siapa hawhta na tao ha ei hih.

EZEKIA 38:11

‘Thokhy a hnei leipa khihzy yna râh siehnao aw na ta, chhôhmohpa ta a ypa chyhsazy ei tla thlu aw ei. Ama zydua ta thokhy hnei leipa ta a pahrâpazy châ ei ta, thokhy chhikao nata ahraina thuatlai a hnei leipazy ama châ,’ na tah aw.

DÂNIAH 12:1

“Cha daihti liata, na chyhsazy a châhkheituhpa hyutuh rônahpa Mikaila vaw pua aw ta, nôpona daihti, phopi y tua no tawhta a y beih leipa cha a vaw y aw. Châhrasala cha daihti liata, châbu liata a moh ropa ta a ypa na chyhsazy cha pachhapa ta ama y aw.

HÔSIA 2:18

Cha noh liata, Râhsazy chô liata biehrai tao aw na ta, Vâ pavawzy chô liata biehrai ei tao aw; Alei liata âlyhpasazy chô liata chhao, Biehrai ei tao aw. Libaw nata zaozi nata adyuhna zy Râh tawhta pahlei khai aw na ta, Â bohpa ta ei paziasa aw ei.

HÔSIA 2:20

Ngâchhihna ta châ pahawh aw na ta, Abeipa cha na pahno aw.

HÔSIA 6:11

Hy Zudâh y, ei phopi vânoh ei patosa heih tita, Nâma châta chhao sâh hria daihti raopa a châ.

ZÔELA 2:21

“Hy râh y, chi leipa la, Thaphapa ta a ly mah y; Abeipa ta hmo rônahpa a tao ha hih!

MIKÂ 4:9

“Khazia aoh tlili ta na cha? Abei hnei va chi ma? Ryh châ raokheituhpa a leidia ha ma? Chanô sawzeih pasapa hawhta ma, Pasana ta a cha patu haw?

ZEKARIA 3:10

Cha noh liata cha, chyhsa to ta nama kre zôh nata theiku buh ry liata a tyuduah khoh awpa ta, nama opa lyuhrizy nama hrua tyh aw,” Pheisaihzy Abeipa ta a tah.

ZAWHÂNA 12:15

“Hy Zaio sawchanô, chi khah y, Moh teh, alâ taw kiapa ta, Na Beipa cha â vy,” tahpa ta ropa hawhna khata.