ZEREMIAH 3:5 - Mara Bible RV (BSI)

⁵ Chhâzaw ta ma na hie a hâh thlâh ha aw? Achhâna taihta ma na pathi a ia aw?’ na tah vei? Pachâ teh, cha hawhta reih tlôh chi ta, Châhrasala molei thei chaipa hawhta na molei lymâ.”

ZEREMIAH 3:5 ပူးပေါင်းရင်းမြစ်များ

2 THÂTIHZYRONA 29:10

Keimo tawhta a hiehâhna ru ngaitapa pakuasapa ta a y thei nawpa ta, Abeipa Izarei Khazohpa hnohta biehrai tao khona palôh ei hnei.

HLAZY 85:5

Chhâzaw ta ma eima chô liata na hie a hâh aw? Chhâ zydua taihta ma na hie a hâh ngâ thlâh ha aw?

HLAZY 85:6

Na phopi he nâma liata â ly thei nawpa ta, Miah pahra heih aw va chi ma?

ISAI 57:16

Chhâzaw ta a dyuh leipa aw ei na ta, Ei pathi khâ ia aw vei. Chataleipatala thlahpa cha, Ei hmiakô lia tlai ta panao aw ta; Keima tlai ta ei taopa hrona hu chhao, A panao pathlei aw na.

ISAI 64:9

Hy Abeipa y, hiehâh ngaitapa ta y leipa la, Eima moleinazy cha, Chhâzaw ta a thei thlâh ha khah y. Ngiachhiepa ta miah moh tua, Eima zydua ta na chyhsa sai eima châ hih.

ZEREMIAH 3:12

Sie la, he biezy he maw lâ kaw phuah la, ama hnohta, “‘Hy ngiapâ hnôhsypa Izarei y, Vaw kua ha mah y,’” Abeipa ta a tah. “‘Zawh a ngiah theipa châ na ta, Hiehâhpa ta cha moh khao leipa aw na ta, Chhâzaw ta ei hiehâh aw vei,’” Abeipa ta a tah.

ZEREMIAH 8:5

Cha hawhta a châpa tlai ta, Khazia ma he phopi heta lâpi tlei ei ta, Hnôh amâ sy pathlah ha tly i? Dôveina khâchâ patu ei ta, Kua khoh khao veih ei.

ZEREMIAH 8:6

A phapa ta nathlie na ta, Ama biereipa ei thei; Biedopa reih leipa ei ta, Ahy hmahta, ‘Khâpa ma ei vaw tao ha tly?’ Tahpa ta ama paraona ro a chhuah veih ei. Chyhsa to ta âmo lâpi lâ sai a heih ei ta, Adyuhna su liata arâ a thluah ngâpa ama lyu.

EZEKIA 22:6

“Moh teh, nâma liata a ypa Izarei beimachâzy cha, ama zydua ta ama hmotaotheina lymâ hawhta, thisaih palo a hmâhpa sai ama châ.

MIKÂ 2:1

Hmo pha leipa patuapaluapa ta, Ama rakhô liata moleina a pachâpadypazy cha, Ama hu a po na! Ama ku liata a ypa biehneina a châpa vâta, My khih a vaw dei nahta ama hriapazi tyh.

MIKÂ 7:3

Ama kuzy ta moleina hmo taopa a saomâ kaw ta, Beimachâ nata ryureituhpa zy ta Panaopapana amâ hnaw; Molaipa ta a palôh ta moleina hmo a tao khohpa reih papua ta, Cha hawhna chata ama patipatyh khoh tyh.