ZEREMIAH 3:3 - Mara Bible RV (BSI)

³ Chavâta vâsua pakhâpa châ ta, Châhvâ avâ suah khao vei. Chatanachôta âzuahnô hmia phaoh chy chi ta, Nozana châh chhao pahno va chi.

ZEREMIAH 3:3 ပူးပေါင်းရင်းမြစ်များ

ÂTHAONA 19:34

A mylâ ta a uhtheinô ta a nawhtanô hnohta, “Zâhnia zâ kha ei paw hnohta kei a zia na ta, tazâ chhao kresawhti padosa heih sih la, nâ a ngia la, a hnohta a zia hra mah y. Chatanachata eima paw tawhta chipathla eima pazao thei aw,” tah ta.

NEHEMIAH 9:17

Na biepiepazy zyh khoh leipa ei ta, ama hry liata hmonoâhpa na taopazy chhao pahno khoh khao veih ei. Ama rao pachyu ei ta, ama seichâna Izi râh lâ kua heih awpa ta chhituhpa ama rao. Châhrasala nâ cha a ngiahthai awpa ta a mâ thlâh hapa, ngiachhiena nata zawngiahna a hneipa, a hiehâh a rupa nata kyhpachâna a ipa a hneipa Khazohpa châ chi ta, âmo cha a heihsai va chi.

BIESOZY 21:29

Chyhsa moleipa cha hmiakawh kawpa ta y ta, Chyhsa dopa deikua cha a lâpizy a phapa ta a pachâ tyh.

ISAI 5:6

Sadô rypa ta tao aw na ta, A chiahzy taipa châ khao leipa aw ta, A lyu thlyupa châ khao hra leipa aw ta, Diahsai nata ahlohzy tlao a pyu awh. Sadô chô liata avâ suah lei awpa ta, Meihdozy chhao bie ei pie ha aw ei.

ZEREMIAH 14:1

He he nohkâhna kyh liata Zeremiah hnohta a vaw tlôpa Abeipa bie a châ:

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

ZEREMIAH 14:3

Chhituhpazy ta chakaotuhpazy ti pathaisa ei ta, Tikhaohzy yna lâ ama pangai; Châhrasala ti hmô leipa ei ta, Ama tibeihzy aruapa ta kuakhei ei ta, Nozapa nata vâsâhpa ta ama luh amâ khu.

ZEREMIAH 14:4

Râh liata vâsua rai y leipa ta, Chhaohlei a kai khai hapa vâta, Lyutaopazy nozapa ta y ei ta, Ama luh amâ khu.

ZEREMIAH 36:2

“Châbu la la, na hnohta bie ei rei pathaona Zôsia daihti tawhta tanoh taihta Zerusale nata Zudâh nata phopi zydua thâtih na hnohta ei reipa zydua kha, châbu liata roh khai mah y.

ZEREMIAH 5:24

‘A daihti ta avâ pasuasa ta, Chasipaw avâ nata châhvâ avâzy pasuasapa ta, Sâh hria daihti liata avâ a pahiasatuhpa, Abeipa eima Khazohpa cha chi ei suh u,’ Tahna châh ama palôh ta pahno vei.

ZEREMIAH 5:25

Nama paraonazy ta vâsuazy pakuasa ta, Nama moleinazy ta hmo phapa a cha paky ei.

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

ZEREMIAH 6:15

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata thy pathlahpa ama châ aw,” Abeipa ta a tah.

ZEREMIAH 8:12

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

ZEREMIAH 9:12

He hmo pahno thai awpa ta a so kawpa chyhsa cha ahy ma a châ tly? Phuah pachhuah awpa ta, ahy hnohta ma Abeipa pakah ta bie â chho tly? Khâpa vâta ma râh he rao khai ha ta, ahy hmahta chapia chahreih lei awpa râhchawhpa hawhta a y ha tly?

EZEKIA 3:7

Izarei pathlazy deikua cha, khi châpa nata palôh kuhchhapa ama châpa vâta, ei bie nathlie khoh leipa ei ta, nâma bie chhao nathlie khoh aw veih ei.

THEIHTHAINA 26:19

Nama thatlôna namâ palaikheipa thlie pachhô aw na ta, nama chô lâta avâzy cha thua hawhta tao aw na ta, nama ry lâta alei dawh hawhta ei tao aw.

AMÔSÂ 4:7

“Sâh hria daihti thla thôh a y chy nota, Vâsua cha pakhâpa ei na ta; Khihpi miakha liata avâ pasuasa na ta, Khihpi hropa liata avâ ei pakhâ; Lyu miakha ta avâ hmô ta, Avâ a hmô leipa lyu cha a chawh tyh.

AMÔSÂ 4:8

Chavâta khihpi miano miathôh ta Ti do awpa tluapa ta, Khihpi miakha lâ sie ei ta, Châhrasala ama lôhrâ tlô hlei vei; Chatanachôta kei lâ vaw kua veih ei chi,” Abeipa ta a tah.

ZEPHANIA 2:1

Hy nozana a pahno leipa phopi, A hmaoh u la, a hmaohpakhy teh u;

ZEPHANIA 3:5

A chhôh liata a ypa Abeipa cha sia ta, Hmo doleipa tao beih vei; My chareih ta a ryureina dopa palâsa ta, Â doleipa ta ryureih beih vei. Chyhsa doleipa deikua cha, Nozana châh chhao pahno vei.

HÂKAI 1:11

Alei chô liata zy, tlâh chô liata zy, sâh thiehpa chô liata zy, kresawhti thiehpa chô liata zy, sathaw thiehpa nata chhaohlei thei a pathei awpa zydua chô liata zy, chyhsapa nata sahroh zydua chô liata nata hriapasana theilâpa zydua chô liata noh ei pakâhsa khai haw,” tah ta.

RYHPACHANEINA 28:23

Nama luh chô lâta avâzy cha dawh châ aw ta, nama ry lâta alei cha thua a châ aw.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!