ZEREMIAH 3:22 - Mara Bible RV (BSI)

²² “Hy ngiapâ hnôhsypa sawzy saih u, Vaw kua ha muh vy. Namâ ngiapâna hnôhsyna tawhta ei cha pathyu heih aw ei.” “Moh tua, nâ cha Abeipa eima Khazohpa na châpa vâta, Nâ lâ eimâ vy hih.

ZEREMIAH 3:22 ပူးပေါင်းရင်းမြစ်များ

HLAZY HLA 1:4

Na ku ta nâ kei la, A râ ei suh u. Abei ta a chhôhpadâhpazy lâ einâ ngiakhei haw. Nâ liata a lypa ta eima thapha aw ta, Na kyhpachâna cha kresawhti hlâta eima cheihchalo via aw; Ama cha khoh kaw saipa he â vaw do tlai na.

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 27:8

Izarei cha a dyuh chi ta, A râh tawhta papuapa ta, Na papaipatla haw. Nochhi thlih hrâhpa pathli no hawhta, Abeipa hu thatlôpa ta Izarei cha phaoh ta, A pasie haw.

ISAI 31:6

Hy Izarei sawzy saih u, thata nama chakhia hapa lâ kua heih teh u.

ISAI 57:17

 do leipa ta athôhna a hmôpa vâta, Hiehâhpa ta tu na ta; Hiehâhpa ta ei hmia ei nyusai ha aw. Chatanachôta ano palôh khopa lâ sie ta, Chhorupa ta a y lymâ.

ZEREMIAH 3:12

Sie la, he biezy he maw lâ kaw phuah la, ama hnohta, “‘Hy ngiapâ hnôhsypa Izarei y, Vaw kua ha mah y,’” Abeipa ta a tah. “‘Zawh a ngiah theipa châ na ta, Hiehâhpa ta cha moh khao leipa aw na ta, Chhâzaw ta ei hiehâh aw vei,’” Abeipa ta a tah.

ZEREMIAH 30:17

‘Thy hapa’ cha tah ei ta, ‘He he ahy hmahta pachâ leipa Zaio a châ hih!’ Ama cha tahpa vâta, Tlâhna cha pie heih aw na ta, Na hmahzy ei patlâh aw,” Abeipa ta a tah.

ZEREMIAH 31:18

“Epharai chapa ao hetana heta ei thei: ‘Na chhorei chi ta, Viahchao dawpa hriepa hawhta Eina chhorei chi. Paduapathipa ei châ thei nawpa ta, Nâ chhi pakhua heih mah y, Abeipa ei Khazohpa mah na châ tâh.

ZEREMIAH 33:6

Chatahrasala hnatlâna nata patlâhna vaw tlôkhei aw na ta, patlâh aw ei na ta, thlalôhna kipa nata abohna ei pahmôsa aw ei.

ZEREMIAH 4:1

“Hy Izarei y, na kua awpa khiahta la, Kei lâ vaw kua mah y,” Abeipa ta a tah. “Na pasichhihnazy ei mohmô tawhta pasie la, Na palôh a zawvaw leipa sala,

EZEKIA 18:30

“Chavâta Hy Izarei pathlazy saih u, chyhsa to nama hrozie chyu hawhta ei cha pachia aw ei,” Abeipa Zehôvâh ta a tah. “Ro u la, nama paraona zydua a heihsai ha muh vy. Chataleipatala paraona cha nama raona a châ pathlei aw na.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

HÔSIA 13:4

Châhrasala Izi râh tawhna khata, Kei he nama Khazohpa cha ei châ; Keima leipa ta Khazohpa hropa pahno leipa ei chi ta, Keima leipa ta pachhatuhpa hropa y veih ei.

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

HÔSIA 14:4

“Ama paosaina patlâh aw na ta, A saipa ta ama kyh ei pachâ aw; Ei hiehâhna ta a kuasai ha ei.

HÔSIA 14:5

Izarei châta diati hawh châ aw na ta, Ano cha lilipaw hawhta pawh aw ta, Lebanaw tho hawhta thari a thla aw.

HÔSIA 14:8

“Hy Epharai, Nothlahpazy cha khâpa ma ei taona aw? Kei he châ chyh-eituhpa cha châ na ta, Châ mohôhtuhpa ei châ. Meisah tho hrohpa hawhta châ na ta, Keima tawhta na theizy na hmô.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

ZÔELA 2:12

“Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.