ZEREMIAH 3:2 - Mara Bible RV (BSI)

² “Awphy tlâh lakizy lâ khi ua la, sai tua rai, Ama châ ziakhei leina su a y ma? Râhchawhpa liata Arabia chyhsa hawhta, Na khopawzy hâpa ta lâkiahzy liata a tyuh tyh chi ta, Na sihryhna moleinazy ta râh na papuapalei haw.

ZEREMIAH 3:2 ပူးပေါင်းရင်းမြစ်များ

ÂTHAONA 38:14

A nôhmei chysia pahluh ta, poh a khupa ta, a pahly ta, Timnâ lâpi liata a ypa Enai khih angiana chhikao liata a tyuh ta. Selâh pitloh ha ta, châhrasala ano cha a lapinô ta a pahneisa leipa vâta a châ.

1 ABEIZY 11:3

Abei sawchanô sai ta nôbei 700 hnei ta, nôtho 300 a hnei. A lapinôzy heta a palôh ama patleisa hapa a châ.

2 ABEIZY 23:13

Izarei bei Sawlawmaw ta Sidaw mo khazoh pasichhihpa Astarô châta zy, Môabâ mo khazoh pasichhihpa Khemô châta zy, Amawna mo khazoh pasichhihpa Mikô châ zy ta Zerusale nochhi lâ, raona tlâh chho lâta su sâhpa a sapazy chhao Bei Zôsia ta parao khai ta.

HLAZY 106:38

Paraona a hnei leipa thisaih palo ei ta, Ama sawchapawzy nata sawchanôzy thisaih palopa ta, Kâna khazoh nothlahpazy lâ amâ theih tyh; Chavâta râh cha thisaih ta papuapaleipa ta a y.

BIESOZY 23:28

Hraotuhpa hawhta chyhsa a byh ta, Chyhsapazy hry liata ngâchhih leina a papôhsa.

BIESOZY 7:11

Reih hluhpa nata lieluh pâpaw a zohpa châ ta, O liata a phei ngia a ryh leipa a châ.

ZEREMIAH 12:12

Râhchawhpa awphy tlâh lakizy liata, Paraotuhpa vaw tlô ha ta, Râh chhâna hiakha lâ tawhta hiakha lâ taihta, Abeipa zaozi ta a palâ khai haw; Thlalôhpa ta ahy hmah y thei khao veih ei.

ZEREMIAH 2:20

“Hlâno tawhta na raopaky thliepa ta, Na bâliazy chhie na ta, Châhrasala, ‘Cha chakao aw va na,’ tah chi ta, Tlâh sâhpa to nata tho hrohpa ry to liata, Âzuahnô hawhta nâ bôh tyh.

ZEREMIAH 2:23

Kheihta ma, “Pathaih leipa châ va na, Bâlâ chhao pazi beih va na,” na tah thei tly? Saikao liata na yzie kha moh la, Na hmotaopa kha pachâ tua: Râraoseihpa zeinô paw khohpa hawhta, Hao lâ he lâ a râhreih chi ta,

ZEREMIAH 2:7

A râh kôvei nata hmo phapazy nie awpa ta, Râh pha ngaitapa lâ ei cha chhihtha ei. Châhrasala nama tlô nahta, Ei râh cha papuapalei ei chi ta, Ei ryuto cha hmo pasichhihpa ta nama tao.

ZEREMIAH 3:1

“Chyhsa ta a lapinô ma sala, A lapinô cha o tawhta pua ta, Vahpa hropa a hnei ha khiahta cha, A lapinô cha a hnei heih aw ma? Cha hawhta taopa cha, Thata râh papuapaleipa châ aw vei ma? Na khopaw hluhpi liata nâ zuah khai tawhta ma, Kei lâ vaw kua heih nâ chhuah?” Abeipa ta a tah.

ZEREMIAH 3:13

“‘Nâ deikua cha na thaileichâna a pahno mah y: Abeipa na Khazohpa a dyuhpa ta, Tho hrohpa ry to liata chihropazy khokhei chi ta, Ei bie zyh va chi,’” Abeipa ta a tah.

ZEREMIAH 3:21

Izarei sawzy cha ama lâpi pavia ei ta, Abeipa ama Khazohpa ama my hapa vâta, Awphy tlâh lakizy liata ao theipa châ ta, Izarei sawzy chana nata ahawna aozy theipa a châ.

ZEREMIAH 3:9

Sihryhpa ta a ypa a papeisa leipa vâta, lô nata tho zy liata a pheipa ta râh a papuapalei lymâ.

ZEREMIAH 7:29

“Hy Zerusale y, na sâ a ngyupa ta thy la, Awphy tlâh lakizy liata chaphôhtu teh; Abeipa hie a pahâhtuhpa chhâ moleipa he, Abeipa ta dytha ta a siesai haw.”

EZEKIA 16:16

Na chysia thokha hmâpa ta, su sâhpa chapaicharupazy tao chi ta, cha liata nâ zuah tyh. He hawhpa he y beih leipa ta, y beih khao aw vei.

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

HÔSIA 2:5

Ama nô ta sihryhpa ta y ta, Âmo a phaohtuhpa ta Nozana chhao pahno leipa ta, ‘Ei khopawzy ei chadai aw ei; Ei viahchhâ nata ei ti, Ei sahmi chysia nata pala rih dipa poh, Ei sathaw nata ei dopa Nâ pietuhpazy ei chadai aw ei,’ a tah.

LUKA 16:23

Athihkhih liata thata pasa tao ta, avâ kaw ua ta, lâhlapi liata Abarahâ kei hmô ta, Lâzarâh cha a kalachhôh liata vaw y thlâh ha ta.

RYHPACHANEINA 12:2

Nama pho awpa phopizy ta tlâh sâhpazy nata tlâh byuhpazy liata nata tho hrohpa to ry liata ama khazohzy ama chakaona su zydua nama parao khai awpa a châ.