ZEREMIAH 3:19 - Mara Bible RV (BSI)

¹⁹ “‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

ZEREMIAH 3:19 ပူးပေါင်းရင်းမြစ်များ

HLAZY 106:24

Râh khochhihpa dytha ei ta, A bietai zo khao veih ei.

HLAZY 16:6

Su khochhihpazy liata ei râhri na pakhâhpa chi ta, Ryu ngia ngaitapa eina patosa chi.

HLAZY 89:26

Na aw aw ta, ‘Ei Paw châ chi ta, Ei Kha­zohpa nata ei pachhana lôpanô na châ,’ Eina tah aw.

BIESOZY 3:35

Asopazy cha palyupalihna ryu to aw ei ta, Ahrupazy deikua cha nohzaona ama to aw.

ISAI 63:16

Abarahâ ta miah pahno vei hra sala, Izarei ta miah pachâ vei hra sala, Nâ cha eima Paw mah na châ tâh. Hy Abeipa, nâ cha eima Paw châ chi ta, Na moh cha hlâno tawhta miah Chatlaituhpa a châ.

ISAI 64:8

Tahmâ deikua cha, Hy Abeipa y, Nâ cha eima Paw na châ. Keimo cha beihlei châ pi ta, Nâ cha miah vituhpa na châ; Eima zydua heta na ku ta a taopa eima châ khai.

ZEREMIAH 12:10

Mietaku vaituhpa hluhpi ta Ei kre sadô parao ei ta, Ei tovyuh ama tlypâ; Ei tovyuh pha ngaitapa cha, Râhchawhpa roryhrapa ama pachâsa haw.

ZEREMIAH 3:17

Cha daihti liata, Zerusale cha Abeipa beidyuchhai tahpa châ aw ta, cha liata phopi zydua Abeipa hmiakô liata Zerusale liata a hmaoh aw ei ta, ama palôh moleina zipa ta kuhchhapa ta y khao aw veih ei.

ZEREMIAH 3:4

Tahmâ tlai kha vei ma na aw chi ta, ‘Ei paw, ei thyutlia no tawhta ei viasa châ chi ta,

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

ZEREMIAH 31:9

Chana chôta ta a vy aw ei ta, Zawngiah awpa ta amâ hawna chôta Ei chhi pakhua aw ei. Izarei châta paw châ na ta, Epharai cha ei sawchapaw uhtheipa a châ; Chavâta vahtie ti lona kiahzy liata pasiesa aw ei na ta, Amâ chapia lei nawpa ta lâpi palâpa liata ei chhi aw ei.

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

ZEREMIAH 5:7

“Kheihta ma ei châ ngiahthai thei aw? Na sawzy ta na siesai ei ta, Khazoh a châ leipazy moh reipa ta bie amâ taih hapa cha. Ama rihbiena taihta ei pasapa chhao ei ta, Nâ pheisai pyly ei ta, Âzuahnôzy o lâ a hripi ta ama ngai tyh.

EZEKIA 20:6

Izi râh tawhta a chhi papuapa ta, âmo châta râh ei tlua papuapa, sâhpiti nata kheihti lona râh, râh zydua hry liata râh ngia chaipa lâ a ngiakhei awpa ei ta, ku chaluahpa ta, cha noh liata bie ei taih ei.

DÂNIAH 11:16

Chho bei a dyuhtuhpa ta a khozie hawhta tao aw ta, a hmiakô liata ahy hmah a duah thei aw veih ei. Râh Ngiapa liata a duah aw ta, a ku liata parao theina a y aw.

DÂNIAH 11:41

Râh Ngiapa liata chhao â ngia aw. Râh hluhpi pao aw ei ta, châhrasala Edôma, Môabâ nata Amawna pathla chhituhpazy cha a ku tawhta pachhapa ta ama y aw.

DÂNIAH 11:45

Tlâh pathaihpa ngia ngaitapa nata tilaipi likawh liata â bei poh ozy rai aw ta, châhrasala a chhâna tlô aw ta, ano a bao awpa ahy hmah y aw veih ei.

DÂNIAH 8:9

Ki palih hry liata ki kha tawhta ki chyhpata vaw pachiah ta, chho lâ, nochhi lâ nata Râh Ngiapa lâzy a heipa ta thata kaw seih ta.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

KALATIA 3:26

Ngiapâna vâta, nama zydua ta Krista Zisu liata Khazohpa sawzy nama châ.

EPHESI 1:5

ano khozie nata â lyzie hawhta, Zisu Krista liata a sawzy ta tao awpa ta miah a vaw rao chhielie haw.

RYHPACHANEINA 14:1

“Abeipa nama Khazohpa sawzy nama châ. Athihpa châta sasyh namâ â awpa châ leipa ta, nama khipâh sâ ngyupa ta nama patlyh awpa châ vei.

HEBRAI 10:39

Châhrasala keimo la, leidia awpa ta hnôh a sypa sahlao liatapa châ ma pi. Ngiapâna ta hro a pabohsa awpazy tlao eima châ.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.