ZEREMIAH 3:16 - Mara Bible RV (BSI)

¹⁶ Cha nohzy liata, chi hluhpi pathlapa ta, râh liata maluh thata nama pôh tita, Izarei sawzy ta Abeipa Biehrai Byh kyh reih khao aw veih ei. Ama palôh liata a ngia khao leipa aw ta, nâ thei khao hra aw veih ei. Ngiabâh khao leipa aw ei ta, tao khao hra aw veih ei,” Abeipa ta a tah.

ZEREMIAH 3:16 ပူးပေါင်းရင်းမြစ်များ

ISAI 60:22

A nawh chaipa cha, Pho ta a duah aw ta; A chyh chaipa chhao, Phopi thatlôpa a vaw châ aw. Kei he Abeipa châ na ta, He hmo he a daihtita liata thlai ei tao aw.

ISAI 61:4

Bohpi a ry hapa suzy paduapathi aw ei ta, Roryhrapa ta khâ a y tyhpa suzy ama paduapathi aw. Khihpi rypazy paduapathi aw ei ta, Chhâ hluhpi roryhrapa ta a ypazy ama paduapathi aw.

ISAI 65:17

“Moh teh u, avâ thiehpa nata alei thiehpa tao na ta, Hmo parohpazy kha a thei thlâh hapa châ khao aw vei; Palôh liata chhao a ngia khao aw vei.

ZEREMIAH 3:17

Cha daihti liata, Zerusale cha Abeipa beidyuchhai tahpa châ aw ta, cha liata phopi zydua Abeipa hmiakô liata Zerusale liata a hmaoh aw ei ta, ama palôh moleina zipa ta kuhchhapa ta y khao aw veih ei.

ZEREMIAH 30:19

Ama hry tawhta alyna bie reina hlazy vaw pua aw ta, Thaphapa ta awhna pyuzy a vaw pua aw. Ama maluh papôh aw na ta, Maluh chyhta châ aw veih ei; Parônahsa aw ei na ta, Anawhpa châ aw veih ei.

ZEREMIAH 31:27

“Pachâ teh u, Izarei râh nata Zudâh râh liata chyhsapa chi nata sahroh chi ei tu nawpa nohzy a vaw tlô hai,” Abeipa ta a tah.

ZEREMIAH 31:8

Pachâ teh u, maw lâ râh tawhta a vaw chhi aw ei na ta, Alei su lâhla chaipazy tawhta ei vaw chhi aw ei; Ama hry liata mochaopa nata pheisypazy a hlao aw ei ta, Saw phaohpa nata nawh zeihpazy amâ hlao aw; Chatanachata zawpi hluh ngaita pa ta, He su lâ he ama vaw kua aw.

ZEREMIAH 7:4

‘He he Abeipa Achhyna o a châ, Abeipa Achhyna o a châ, Abeipa Achhyna o a châ,’ tahpa haipa biezy nama zo awpa châ vei.

EZEKIA 15:5

Pachâ tua, â bohpa ta a y no hmahta phahnaina hnei leipa ta, mei ta kâ ta, a pa-u ha tawhta chhochhi cha, phahnaina a hnei lei via pachai aw dia!

EZEKIA 37:26

Ama hnohta adyhna biehrai tao aw na ta, cha cha âmo châta chhâzaw biehrai a châ aw. Ama râh liata pahrâsa aw ei na ta, ama maluh papôh aw na ta, ama hry liata chhâzaw ta ei supathaihpa ei padua aw.

AMÔSÂ 9:9

“Pachâ teh u, bie pie aw na ta, Sohhri ta sâh ripa hawhta, Izarei phopi he phopi zydua hry liata ei ri aw; Alô dikaripa chhao, Alei liata tla aw vei.

ZEPHANIA 3:11

“Cha noh liata cha, Ei chô liata moleina hmo taopa ta, Einâ dyuhnazy vâ chi ta, Maophyuhpa ta paysapa châ khao aw va chi. Thaphapa ta namâ palaikhei kaw tyhpazy cha, Nama hry tawhta la aw na ta, Ei tlâh pathaihpa liata Akhotlâhpa ta y heih khao aw veih ei chi.

MATHAI 1:11

Zôsia cha Zekôniah nata a unawhzy paw châ ta, âmo he Babylaw lâ a chhipa ta ama y no rachhôh ta a pihpa ama châ.

MATHAI 3:9

‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.