ZEREMIAH 29:8 - Mara Bible RV (BSI)

⁸ Pheisaihzy Abeipa, Izarei Khazohpa ta hetana heta a tah: Nama hry liata hrohsopazy nata pachaothaipazy a padôveisa leipa u la, mâ ama sapazy nathlie khuh vy.

ZEREMIAH 29:8 ပူးပေါင်းရင်းမြစ်များ

ZEREMIAH 14:14

Abeipa ta hetana heta einâ chhy: “Hrohsopazy ta ei moh ta haipa ta hrohsona biezy ama phuah tyh. Âmo cha ei tuapa châ leipa ei ta, biepie hra leipa ei na ta, ama hnohta bie reih hra va na. Aluahna phichhyhpa, pachaona hraoleipa nata ama palôh liata dôveina biezy ama cha chhopa a châ.

ZEREMIAH 23:16

Pheisaihzy Abeipa ta hetana heta a tah: “Nama hnohta hrohsona bie a phuahpa hrohsopazy bie nathlie khuh vy. Hnabeiseihna hraoleipazy ta châ pabietuhpazy deita ama châ. Abeipa pakah tawhta a puapa châ leipa ta, âmo palôh liata hmo a lâpazy ama reih tyh.

ZEREMIAH 23:21

“Hrohsopazy cha tuah leipa ei na ta, Châhrasala a parapa ta ama sie; Ama hnohta bie reih leipa na ta, Châhrasala hrohsona bie ama phuah tyh.

ZEREMIAH 23:25

“‘Mâ ei sa, mâ ei sa!’ tah ei ta, ei moh ta haipa ta hrohsona bie a phuahtuhpa hrohsopazy bie reipa ei thei.

ZEREMIAH 23:27

Ama mâ amâ chho raihriepazy hmâpa ta ei phopi cha ei moh pamysa a chhuah ei ta, âmo pathlatuhpazy chhao kha, Bâlâ vâta ei moh ama my hapa kha châ vei ma?

ZEREMIAH 27:9

“Chavâta, ‘Babylaw bei nama chakao awpa châ vei,’ châ tahtuhpa nama hrohsopazy, peihthaipazy, mâsathaipazy, moliethaipazy nata dyuthaipazy bie nama nathlie awpa châ vei.

ZEREMIAH 28:15

Chatawhcha hrohsopa Zeremiah ta hrohsopa Hânaniah hnohta, “Hânaniah, nathlie teh, Abeipa ta cha tuah vei, he phopi he haipa bie na pazosa hih.

ZEREMIAH 29:1

He he Nebukaneza ta Zerusale tawhta Babylaw lâ sei ta â chhipazy hry liata a hrohpa ta a ypa machâzy, theihthaipazy, hrohsopazy nata zawpi zydua hnohta hrohsopa Zeremiah ta châ a paphaopa liata a ropa biezy a châ.

ZEREMIAH 29:15

“‘Abeipa ta Babylaw râh liata chhao hrohsopazy miah a paduapa na,’ nama tahpa vâta,

ZEREMIAH 29:21

Ei moh ta haipa ta hrohsona bie a phuahpa Kôliah sawchapawpa Ahabâ nata Mâsei sawchapawpa Zedekia kyh liata, Pheisaihzy Abeipa, Izarei Khazohpa ta hetana heta a tah: Moh teh u, âmo cha Babylaw bei Nebukaneza ku liata hlâ aw ei na ta, nama mohmô lia cheingei ta a thie aw ei.

ZEREMIAH 29:23

Izarei râh liata hmo chhie ngaitapa taopa ta ama vaih lapinôzy liata a phei ei ta, bie ei pie leipa pi tlai ta, ei moh ta haipa biezy ama reipa vâta, cha hawhta taopa ama châ aw. Cha cha a pahnotuhpa nata a pahnokheituhpa ei châ,” Abeipa ta a tah.

ZEREMIAH 37:9

Abeipa ta hetana heta a tah, “Kaldia mo cha miah ama siesai pyly aw,” tahpa ta nâmosasyh a dôvei khuh vy. Sie aw veih ei.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

CHAPHÔHTUNA 2:14

Na hrohsopazy ta na châta Aluahna phichhyhpa nata dôveina zy ama hmô; Vânoh na to heih thei nawpa ta, Na moleina palâhâh veih ei; Aluahna phichhyhpa nata paviana zy Na châta tlao ama hmô tyh.

EZEKIA 13:6

Aluahna doleipa hmô ei ta, haipa ta ama pachaopadâh tyh. Abeipa ta a tuah leipa ei tlai ta, ‘Abeipa ta a phuah,’ tah ei ta, ama bie cha Abeipa ta a vaw patlôsa awpa ama hnabeiseih.

MIKÂ 2:11

Chyhsa ta a khiekhâpa ta, Ziza nata haipa biezy reih sala, “Kresawhti nata sahma kyh ei cha chho aw ei,” A tah khiahta cha, Cha phopi hrohsopa a châ aw.

ZEKARIA 13:4

Cha noh liata cha, hrohsopa ta ano aluahna hmôpa nata ano cheingei ta chhochhieliena bie a reipazy cha zakhei aw ta, hrohsopa sahmi viahkao pasipa chhao, chyhsa dôvei nawpa ta a ky khao aw vei.

MATHAI 24:24

Mesia pakheipazy nata hrohso pakheipazy vaw pua aw ei ta, ngiana nata hmonoâh rônahpazy ama tao aw. Tao theipa châ sala, atlyhpazy taih ama dôvei aw.

LUKA 21:8

Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.

LUKA 6:26

“Chyhsa to ta ama cha reithai tita nama hu a po na, cha hawhna chata ama pathlatuhpazy ta hrohso pakheipazy chô liata ama vaw tao tyh.

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.

EPHESI 4:14

Chatanachata chyhsa so piehpiena nata dôthaina hmotaopa tichatlaopazy ta hao lâ he lâ a chatlaopa nata pachuna ziza to ta a phao pahaipa hawtipa châ khao aw ma pi.

EPHESI 5:6

Ahy hmahta hraoleipa bie ta cha dôvei khah ei sy. Cha hmozy vâna chata Khazohpa pathiiana cha ngiapâleipa sawzy chô liata a tlô tyh.

2 THYSALAWNIKA 2:3

Ahy hmahta kheihawhta hmah cha dôvei khah ei sy. Paosaina a vaw tlô ha tua leipa nata ryhpa paraotuhpa leidia sawchapawpa â vaw luah tua leipa ta cha, cha Noh cha vaw tlô aw vei.

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.