ZEREMIAH 28:16 - Mara Bible RV (BSI)

¹⁶ Chavâta Abeipa ta hetana heta a tah: ‘Pachâ teh, alei cho tawhta ei cha thy aw. Abeipa chakhiana bie na reipa vâta, atakô lia tlai ta na thi aw,’” tah ta.

ZEREMIAH 28:16 ပူးပေါင်းရင်းမြစ်များ

ÂTHAONA 7:4

Noh sari khai tawhta alei chô liata noh sypalih nata zâ sypalih chhôh avâ pasuasa aw na ta, chatanachata hmohrohneipa ei taopa zydua alei chô tawhta ei pahleipadia khai ha aw,” tah ta.

1 ABEIZY 13:34

Cha hmo cha Zerôbaw pathlazy châta moleina vaw châ ha ta, âmo a pamuatuhpa nata khizaw tawhta âmo a pahleipadiatuhpa a vaw châ haw.

PUASAINA 32:12

Izi mo ta, ‘Izarei sawzy cha tlâhzy liata thie ta, alei chô tawhta âmo pamuapa ta, ama chô liata chhiena patlôsa awpa ta, Khazohpa ta â chhi papua ei,’ ama cha tah aw mâh tâh? Na hiehâhna ru ngaitapa cha padia la, na palôh panano la, na phopi chô liata chhiena patlôsa nâ chhuahpa cha, rie patlôsa khah y.

ZEREMIAH 20:6

Nâ Pâsu nata na o liata a pahrâpa zydua chhao, seichâna lâ nama sie aw. Nâ nata haipa ta hrohsona bie na chho tyhpa na viasa zydua Babylaw lâ sie aw ei chi ta, cha liata thi aw ei chi ta, cha liata pabupa nama châ aw.”

ZEREMIAH 28:17

Cha kô, thla sarina liata hrohsopa Hânaniah cha thi ha ta.

ZEREMIAH 28:3

Babylaw bei Nebukaneza ta he su tawhta Abeipa hmobaohzy la ta, Babylaw lâ a siekhei hapa zydua kha, kô no chhôh ta he su liata ei vaw tlôkhei heih aw.

ZEREMIAH 29:32

Chavâta Abeipa ta hetana heta a tah: Nathlie teh u, Nehelâ chyhsa Semiah nata a pathlazy cha ei hrie tlai aw ei. Abeipa chakhiana bie a reipa vâta, he phopi hry liata a pathla pakha hmahta hroh leipa aw ei ta, ei phopi chô liata hmo phapa ei tao awpa chhao hmô aw vei, Abeipa ta a tah,’ tahpa ta châ paphao mah y,” tah ta.

AMÔSÂ 7:17

Chavâta Abeipa ta hetana heta a tah: ‘Na lapinô cha khihpi liata âzuahnô châ aw ta, Na sawchapawzy nata na sawchanôzy zaozi ta ama pao aw. Na râh he thliena ri ta thliepa ta rai khaipa châ aw ta, Nâma tlai chhao râh pathaih leipa liata na thi aw; Izarei cha ano râh tawhta lâhlapi lâ sei ta a sie tlai aw.’”

AMÔSÂ 9:8

Pachâ teh u, Abeipa Zehôvâh mo cha, Khinarâh moleipa chô liata tawpâ ta, Chhaohlei chô tawhna heta Ei pahleipadia khai aw ei; Zakaw pathla deikua cha, Tlokhuh ta parao khai aw va na,” Abeipa ta a tah.

MALUHREINA 14:37

râh thâtih a chhiena lâta a vaw tlôkheituhpazy chô liata potlana tlô ta, Abeipa hmiakô liata thi khai ha ei ta.

MALUHREINA 29:32

“Noh sarina noh ta viahchao tôhpa pô sari, mietaku tôhpa pô no, mietakutaw chapawpa kô khapa seina hnei leipa pô hrawh hleipalih nama hlâ aw.

RYHPACHANEINA 6:15

Nama hnohta a ypa Abeipa nama Khazohpa cha hiatlia pasapa Khazohpa a châ. Nama chô liata Abeipa nama Khazohpa a pathi ia aw ta, alei chô tawhta a cha pahleipadia pathlei aw ei.