ZEREMIAH 27:9 - Mara Bible RV (BSI)

⁹ “Chavâta, ‘Babylaw bei nama chakao awpa châ vei,’ châ tahtuhpa nama hrohsopazy, peihthaipazy, mâsathaipazy, moliethaipazy nata dyuthaipazy bie nama nathlie awpa châ vei.

ZEREMIAH 27:9 ပူးပေါင်းရင်းမြစ်များ

PUASAINA 22:18

“Dyuthaipa chanô na pahlôh awpa châ vei.

PUASAINA 7:11

Phiraoh chhao ta chyhsa sopazy nata dyuthaipazy aw hra ta, Izi râh liata moliethaipazy chhao chata ama dyu hmâpa ta, cha hawhna tlai chata tao hra ei ta.

BIESOZY 19:27

Ei sawchapawpa y, pachuna nathliepa na bâsai khiahta cha, Novâhna biezy na paviasai aw.

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

ZEREMIAH 14:14

Abeipa ta hetana heta einâ chhy: “Hrohsopazy ta ei moh ta haipa ta hrohsona biezy ama phuah tyh. Âmo cha ei tuapa châ leipa ei ta, biepie hra leipa ei na ta, ama hnohta bie reih hra va na. Aluahna phichhyhpa, pachaona hraoleipa nata ama palôh liata dôveina biezy ama cha chhopa a châ.

ZEREMIAH 23:16

Pheisaihzy Abeipa ta hetana heta a tah: “Nama hnohta hrohsona bie a phuahpa hrohsopazy bie nathlie khuh vy. Hnabeiseihna hraoleipazy ta châ pabietuhpazy deita ama châ. Abeipa pakah tawhta a puapa châ leipa ta, âmo palôh liata hmo a lâpazy ama reih tyh.

ZEREMIAH 23:25

“‘Mâ ei sa, mâ ei sa!’ tah ei ta, ei moh ta haipa ta hrohsona bie a phuahtuhpa hrohsopazy bie reipa ei thei.

ZEREMIAH 23:32

“Mâ phichhyhpazy reipa ta hrohsona bie a phuahpazy ei dyuh ei,” Abeipa ta a tah. “Âmo cha ei tua leipa pi tlai ei nata bie ei pie leipa pi tlai ei ta, ama haipa biezy nata amâ palaina biezy ta ei phopi a paviasapazy châ ei ta, he phopi châta phahnaina rai a hnei leipazy ama châ,” Abeipa ta a tah.

ZEREMIAH 29:8

Pheisaihzy Abeipa, Izarei Khazohpa ta hetana heta a tah: Nama hry liata hrohsopazy nata pachaothaipazy a padôveisa leipa u la, mâ ama sapazy nathlie khuh vy.

EZEKIA 21:29

Nâma kyh liata aluahna doleipa hmô ei ta, haipa ta ama pachao. Thie awpa ta raopa molei puapazy rao tlao na chhawh aw. Ama noh vaw tlô ha ta, âmo hrie pachie nawpa daihti a vaw tlô haw.

DÂNIAH 4:7

Moliethaipazy, dyuthaipazy, awhsithaipazy nata pachaothaipazy a vy ei ta, ei mâsapa cha âmo chho ei na ta, châhrasala a chhopasiana na chho thei veih ei.

MIKÂ 3:7

Hrohsopazy nohzaopa ta y aw ei ta, Peihthaipazy nozapa ta ama y aw.

ZEKARIA 10:2

Nothlahpa khazohzy ta dôveina bie reih ei ta, Pachaothaipazy ta aluahna doleipa ama hmô; Mâsathaipazy ta haipa mâzy sa ei ta, Thlalôhna bie ruapazy ama reih tyh. Chavâta chyhsazy cha, Mietaku hawhta viavi ei ta; Vaituhpa hnei leipa vâta Pasa ama tao tyh.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

HMOTAOPAZY 8:11

A dyu hmâpa ta bohpi noâh ngaitapa ta a vaw paysa hapa vâ ei ta, a bie ama nathlie kaw tyhpa a châ.

EPHESI 5:6

Ahy hmahta hraoleipa bie ta cha dôvei khah ei sy. Cha hmozy vâna chata Khazohpa pathiiana cha ngiapâleipa sawzy chô liata a tlô tyh.

RYHPACHANEINA 13:2

ngiana nata hmonoâhpa ama cha chhopazy cha vaw tlô sala, nama hnohta, “Khazoh hropazy pazi sih la, âmo cha chakao ei suh u,” tahpa ta nama pahno beih leipa khazohzy pazi awpa ta ama cha chho khiahta cha,

RYHPACHANEINA 18:14

Nama kei pho awpa râh liata phopizy ta pachaothaipazy nata kulâmohthaipazy bie nathlie tyh ei ta, nâmo deikua cha, Abeipa nama Khazohpa ta cha hawhpa hmo tao awpa cha pasaih veih ei.

ZAWSUA 13:22

Beô sawchapawpa pachaothaipa Bâlâma chhao Izarei sawzy ta mohropa ama thiepazy hry liata zaozi ta ama thie ha hra.

BIEPHUAH 18:23

Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

BIEPHUAH 9:21

Ama lianycheinazy, ama dyuthainazy, amâ patlana moleinazy nata ama parunazy chhao ro hlei veih ei.