ZEREMIAH 27:6 - Mara Bible RV (BSI)

⁶ Tahmâ chhao, he râh zydua he nâ chakaotuhpa Babylaw bei Nebukaneza ku liata pie na ta, râhsazy chhao ano chakao awpa ta ei pie.

ZEREMIAH 27:6 ပူးပေါင်းရင်းမြစ်များ

2 ABEIZY 25:28

Evimerôdâ ta Zehôkhi cha bie pha a chho ta, Babylaw liata a hnohta a ypa beizy hlâta â sâh viapa ta patyusa ta.

2 THÂTIHZYRONA 36:23

“Persia bei Kôresâ ta hetana heta a tah, ‘Abeipa, avâ Khazohpa ta khizaw khinarâh zydua na pie ha ta, Zudâh râh Zerusale khihpi liata ano châta o sapa awpa ta bi eina pie. Nama hry liata ano phopi a châpa maih chô liata Abeipa a Khazohpa cha a hnohta y sala, Zerusale lâ cha khy mawh sy,’” tah ta.

ISAI 44:28

Kôresâ kyh liata, ‘Ano cha ei mietaku vaituhpa châ ta, Ano ta ei chhuahna zydua pi a patloh aw,’ A tahtuhpa ei châ. Zerusale kyh liata, ‘Paduapathipa a châ aw,’ tah na ta, Achhyna o kyh liata, ‘Nâ bôna lôbô bôpa a châ aw,’ A tahtuhpa ei châ.”

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

ZEREMIAH 22:25

thie châ chhuahpa, na chi kawpa Babylaw bei Nebukaneza ku liata nata Kaldia mo ku liata ei cha hlâ aw.

ZEREMIAH 24:1

Babylaw bei Nebukaneza ta Zehôki sawchapawpa Zudâh bei Zekôniah cha, Zudâh beimachâzy nata zôthaipazy nata syudaihpazy chhaota Zerusale tawhta Babylaw lâ sei ta â chhi tawhta, he aluahna he Abeipa ta eina pahmôsapa a châ: Abeipa Achhyna o hmiakô liata patyupa theiku hrâbyh miano hmô na ta.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 28:14

Pheisaihzy Abeipa, Izarei Khazohpa ta hetana heta a tah: Babylaw bei Nebukaneza ama chakao thei nawpa ta, he phopi zydua he thua raopaky paky ei na ta, Nebukaneza cha ama chakao aw. Lyurâhpa sazy chhao taihta ano ei hlâ hapa a châ,’” tah ta.

ZEREMIAH 43:10

Chatawhcha ama hnohta hetana heta na chho aw ei: ‘Pheisaihzy Abeipa, Izarei Khazohpa ta hetana heta a tah: Pachâ teh u, nâ chakaotuhpa Babylaw bei Nebukaneza a vaw chhi aw na ta, alô ei pabupazy chô liana heta a beidyuchhai patyuh aw na ta, ano ta a chô liata abei poh o a parai aw.

ZEREMIAH 49:30

Hy Hâzaw chyhsazy saih u, A râ u la, lâhlapi taihta a râpai u la, Khaohtlô a thupazy liata pahrâ teh u! Babylaw bei Nebukaneza ta Châ dyuh awpa ei a chhuah ta, Nama chô liata a tao awpazy A pachhuahpanoh haw,” Abeipa ta a tah.

EZEKIA 29:12

Izi râh cha roryhrapa râhzy hry liata roryhrapa râh miakha ta tao hra aw na ta, a khihpizy cha khihpi rypazy hry liata kô sypalih chhôh a rypa ta a y aw. Izi mo cha phopizy hry liata hiepatla aw ei na ta, râhzy liata ei papai aw ei.

EZEKIA 30:24

Babylaw bei bâh tha patlô aw na ta, a ku liata zaozi chabasapa ta, Phiraoh bâhzy thlie aw na ta, chatanachata Phiraoh cha Babylaw bei hmiakô liata hmah thata a phaohpa hawhta â hrô aw.

DÂNIAH 4:12

A hnazy a ngia kaw ta, a theizy hluh ta, hro hnei to zydua châta nie awpa ano liata a y. Râhsazy ta a nohdi a chhai ei ta, avâ pavawzy ta a chiahzy liata pahrâ ei ta, sapa zydua ano tawhta pasapa ta ama y.

DÂNIAH 4:22

Hy abei y, kha thokô kha nâma he na châ. Kaw lai chi ta, na tha kaw tlô ta, na rônahna a sâh via rilipa ta avâ daih ta, nâ beinarâh chhao alei chhâna taihta a châ.