ZEREMIAH 27:22 - Mara Bible RV (BSI)

²² Babylaw lâ siekheipa châ aw ei ta, âmo ei vaw tly hlâlei ei cha, cha liata ama y aw. Cha khai tawhta vaw phaoh pakhua aw ei na ta, he su liata ei soh heih aw ei,” Abeipa ta a tah.

ZEREMIAH 27:22 ပူးပေါင်းရင်းမြစ်များ

2 ABEIZY 25:13

Abeipa o liata dawh tôhzy nata patyunazy nata dawh tipâh Abeipa o liata a ypazy cha, Kaldia mo ta pakeichheih ei ta, dawhzy cha Babylaw lâ ama siekhei haw.

2 THÂTIHZYRONA 36:21

Cha hmo cha râh ta Pahânohzy a hmâh thei nawpa ta, râh cha kô sysari chhôh roryhrapa ta a y awpa kyh, Zeremiah pakah ta a reipa Abeipa bie a vaw tlôpaki nawpa a châ.

EZRÂ 1:11

ngôh nata tâkâ hmobaohzy cha a zydua ta 5,400 a châ. Babylaw liata sei ta a tâhpazy Zerusale lâ a chhipa ama châ nota, Sebâza ta cha hmobaoh zydua cha Zerusale lâ a phaoh khai haw.

EZRÂ 7:19

Na Khazohpa o liata chakaona rai hria nawpa ta hmobaoh ama cha piepazy cha, Zerusale Khazohpa hmiakô liata na hlâ aw ei.

EZRÂ 7:9

Thla khana, noh khana noh ta Babylaw tawhta sie ta, a Khazohpa ku phapa a chô liata y ta, thla pangawhna, noh khana noh ta Zerusale cha tlô ta.

BIESOZY 21:30

Kheihawhpa sona, novâhna nata ryhraothaina hmahta Abeipa cha pahnie aw vei.

ZEREMIAH 20:5

Cha dei châ vei, khihpi hneirôna zydua, a hmo pachôpa zydua, a hmo sôhpa zydua nata Zudâh beizy ryusôhpa zydua cha, ama chariahpazy ku liata hlâ aw na ta, ama chariahpazy ta hrao aw ei ta, patu aw ei ta, Babylaw lâ ama siekhei aw.

ZEREMIAH 27:21

Pheisaihzy Abeipa, Izarei Khazohpa ta Abeipa o nata Zudâh bei o nata Zerusale liata hmobaoh siesaipazy kyh liata hetana heta a tah:

ZEREMIAH 27:7

Ano râh daihti chhâna a tlô hlâta cha, phopi zydua ta ano nata a sawchapawpa nata a samohpa chakao aw ei ta, cha hnôhlâ ta deikua cha, phopi hluhpi nata bei rônahpazy ta ano cha sei ta ama tao aw.

ZEREMIAH 29:10

“Abeipa ta hetana heta a tah: Babylaw atâhna kô sysari a tloh nahta, cha vaw tly aw ei na ta, nama hnohta bie ei taihpa kha patlô aw na ta, he su lâ he ei châ chhi pakhua heih aw ei.

ZEREMIAH 32:5

Zedekia cha Babylaw lâ a chhi aw ta, ano ei vaw tly hlâlei cha, cha liata a y thlâh ha aw. Kaldia mo cha a dyuh hra u la, pahnie aw vei ei chi, Abeipa ta a tah.”

ZEREMIAH 34:2

“Zehôvah, Izarei Khazohpa ta hetana heta a tah: Vawh la, Zudâh bei Zedekia hnohta hetana heta kei chho teh, ‘Abeipa ta hetana heta a tah: Pachâ teh, he khihpi he Babylaw bei ku liata hlâ aw na ta, ano ta mei ta a rao aw.

ZEREMIAH 34:3

A ku tawhta pua leipa aw chi ta, patupa châ tlai aw chi ta, a ku liata hlâpa na châ aw. Na mo tlai ta Babylaw bei cha hmôpa ta, hmiachhy ta bie a chho aw chi ta, Babylaw râh lâ na sie aw.’

ZEREMIAH 34:5

Thlalôhpa ta na thi aw. Châ pathlatuhpa bei tuapazy châta ropahâhpa ama raopa hawhna khata, nâ chhao cha raopa hra aw ei ta, chaphôh cha tupa aw ei ta, ‘Hy zibeipa, cha rimâ cha!’ ama tah aw. Bie ei reih haw, Abeipa ta a tah.”

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

DÂNIAH 9:2

a ryureina kô khana liata, kei, Dâniah heta, Zerusale cha kô sysari chhôh roryhrapa ta a y awpazie, hrohsopa Zeremiah hnohta Abeipa bie a vaw tlôpa cha châbuzy tawhta vaw pahno na ta.