ZEREMIAH 27:20 - Mara Bible RV (BSI)

²⁰ Chazy cha Babylaw bei Nebukaneza ta Zehôki sawchapawpa Zudâh bei Zekôniah nata Zudâh nata Zerusale nôpawpa zydua, Zerusale tawhta Babylaw sei ta â chhi no ei ta a la leipazy a châ.

ZEREMIAH 27:20 ပူးပေါင်းရင်းမြစ်များ

2 ABEIZY 24:12

Zudâh bei Zehôkhi cha, a nô nata a chakaotuhpazy nata a beimachâzy nata abei o liata hyutuhpazy chhaota Babylaw bei lâ kei pua ei ta. Chatanachata Zehôkhi cha â beina kô chariena liata Babylaw bei ta a patu haw.

2 THÂTIHZYRONA 36:10

Châhvâ daihti liata, Bei Nebukaneza ta Zerusale lâ chyhsa tuah ta, Abeipa o liata hmobaoh sôhpazy chhaota Bei Zehôkhi cha Babylaw lâ ama siekhei haw. Nebukaneza ta Zehôkhi unawhpa Zedekia cha Zudâh nata Zerusale bei ta a tao.

2 THÂTIHZYRONA 36:18

Khazohpa o liata hmobaoh zydua, a laipa chhao, a chyhpa chhao, Abeipa o liata sôh sopakhypa zydua, abei sôh nata a beimachâzy sôhzy taihta Babylaw râh lâ a siekhei khai haw.

ISAI 34:12

Bei a châ awpa abei sawzy y leipa aw ei ta, A beimachâzy chhao khâpa hmah châ aw veih ei.

ZEREMIAH 22:28

He Kôniah he beih keipa mohnaochhihpa, Ahy hmahta ama khoh khao leipa kha châ vei ma? Chavâta ano nata a pathlazy cha, Ama pahno leipa râh lâ thypa ta ama ypa châ vei ma?

ZEREMIAH 24:1

Babylaw bei Nebukaneza ta Zehôki sawchapawpa Zudâh bei Zekôniah cha, Zudâh beimachâzy nata zôthaipazy nata syudaihpazy chhaota Zerusale tawhta Babylaw lâ sei ta â chhi tawhta, he aluahna he Abeipa ta eina pahmôsapa a châ: Abeipa Achhyna o hmiakô liata patyupa theiku hrâbyh miano hmô na ta.

ZEREMIAH 27:21

Pheisaihzy Abeipa, Izarei Khazohpa ta Abeipa o nata Zudâh bei o nata Zerusale liata hmobaoh siesaipazy kyh liata hetana heta a tah:

ZEREMIAH 29:2

Cha châ cha Bei Zekôniah, abei nô, hrilyupazy, Zudâh nata Zerusale beimachâzy, zôthaipazy nata syudaihpazy Zerusale ama puasai tawhta Zeremiah ta a ropa a châ.

ZEREMIAH 35:1

He he Zôsia sawchapawpa Zudâh bei Zehôki â bei nota, Abeipa tawhta Zeremiah hnohta bie a vaw tlôpa a châ.

DÂNIAH 1:2

Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.

MATHAI 1:11

Zôsia cha Zekôniah nata a unawhzy paw châ ta, âmo he Babylaw lâ a chhipa ta ama y no rachhôh ta a pihpa ama châ.

MATHAI 1:12

Hezy he Babylaw lâ sei ta a chhipa ama châ tawhta a pihpazy ama châ: Zekôniah cha Salâtia paw châ ta, Salâtia cha Zerubâbe paw a châ.

MATHAI 1:17

Chatanachata chhâ zydua cha, Abarahâ tawhta Dâvi taihta chhâ hrawh hleipalih châ ta, Dâvi tawhta Babylaw lâ sei ta a chhipa ama châna taihta chhâ hrawh hleipalih châ ta, Babylaw lâ sei ta a chhipa ama châ tawhta Mesia pina taihta chhâ hrawh hleipalih a châ.