ZEREMIAH 26:9 - Mara Bible RV (BSI)

⁹ Khazia Abeipa moh ta hrohsona bie phuah chi ta, ‘He o he Silô hawhta châ aw ta, he khihpi he roryhrapa ta ypa ta, a chhôh liata a pahrâpa y aw veih ei,’ na tah?” tah ei ta. Zawpi zydua ta Zere­miah cha Abeipa o liana cha chadô ei ta.

ZEREMIAH 26:9 ပူးပေါင်းရင်းမြစ်များ

2 THÂTIHZYRONA 25:16

Hrohsopa ta bie a rei hai nota, abei ta a hnohta, “Abei ryhraokheituhpa ta eima cha tao ma? A chalih teh! Khazia na thi aw,” tah ta. Hrohsopa ta, “He hmo he tao chi ta, ei ryhraokheina nâ pyh leipa vâta, Khazohpa ta pahleipadia a châ chhuah haw tahpa ei pahno,” tah ta, chatawhcha a chalih ha ta.

ISAI 29:21

Chazy chata bie ta chyhsa thailei pachâ tyh ei ta, Thokhy chhikao liata chhoreituhpa cha, Ano paao nawpa ta khoheih chôh ei ta; Pahnokheina doleipa hmâpa ta, Mosiapa thailei ama pachâsa tyh.

ZEREMIAH 32:3

He hawhta hrohsona bie a phuahpa vâta Zudâh bei Zedekia ta a patâhpa a châ: “Abeipa ta hetana heta a tah: He khihpi he Babylaw bei ku liata hlâ aw na ta, ano ta a la aw.

ZEREMIAH 33:10

“Abeipa ta hetana heta a tah: ‘He he chyhsapa nata râhsa y leina roryhrana su a châ’ nama tahpa su, chyhsapa tlyma, a chhôh liata a pahrâpa tlyma, râhsa tlyma y leina Zudâh khihpizy nata Zerusale khiliahzy liana heta aozy thei heihpa a châ aw.

ZEREMIAH 36:29

Zudâh bei Zehôki kyh liata cha, hetana heta na tah aw, ‘Abeipa ta hetana heta a tah, “Khazia Babylaw bei a vy tlai aw ta, râh he pahleipadiapa ta, râh tawhtapa he chyhsapa nata râhsazy a chhawh pathlah khai aw ei, tahpa ta châbu liata na roh,” tah chi ta, châbu cha mei ta na vaw rao hapa kha a châ.

ZEREMIAH 9:11

“Zerusale cha raona â pachopa khihpi ta tao aw na ta, Savaizy tlaihna su ta ei tao aw. Zudâh khihpizy cha roryhrapa ta tao aw na ta, Khihsawzy y khao aw veih ei,” Abeipa ta a tah.

CHAPHÔHTUNA 4:13

A hrohsopazy moleina vâta châ ta, A theihthaipazy paraona vâta a châ; A chhôh liata thisaih palo ei ta, Chyhsa siapa thisaih a palotuhpazy vâta a châ.

AMÔSÂ 5:10

Thokhy chhikao liata chhoreituhpa a hao ei ta, Biedopa a reihpa ama pasi.

MIKÂ 2:6

Ama hrohsopazy ta, “Bie chho leipa u la, Cha hawhpa bie cha chho khah u; Chhiena miah vaw tlô thlu aw vei,” Tahpa ta bie ama chho.

MATHAI 21:23

Zisu cha Achhyna o liata a ngia ta, a pachu hai no ta, theihthai beizy nata khitlâh machâzy ano lâ a vy ei ta, a hnohta, “Khâpa biehneina ta ma he hmozy he na tao? Ahy ma he biehneina he châ pie?” tah ei ta.

MATHAI 27:20

Theihthai beizy nata machâzy ta Bârabâ papua awpa ta hiah ei ta, Zisu cha pahleipadia awpa ta zawpi pasyu ei ta.

MÂKA 15:11

Châhrasala theihthai beizy ta Bârabâ papua hri awpa ta zawpi pasyu ei ta.

ZAWHÂNA 8:20

Cha biezy cha Achhyna o liata a pachu nota, thyuna sona su liata reih ta. Châhrasala a daihti a tlô mâh leipa vâta, ahy hmahta Zisu cha patu veih ei.

ZAWHÂNA 8:59

Alô a huah ei ta, Zisu cha vaw a chhuah ei ta, châhrasala Zisu cha a nyu ta, Achhyna o tawhta pua ha ta.

HMOTAOPAZY 13:50

Zuzy ta chanô zachhihpa Khazohpa pachâpazy nata khih machâzy pasyu ei ta, Pawla nata Bânabâ cha pataolasa ei ta, ama râh tawhta papua ei ta.

HMOTAOPAZY 21:30

A khihpi duata a tymâ ei ta, zawpi a râ pakhy ei ta. Pawla cha patupa ta Achhyna o tawhta a daophi ei ta, ochhizy thlai khaw ei ta.

HMOTAOPAZY 22:22

Bie a rei khaina taihta nathlie ei ta. Chatawhcha ao paro ngaitapa ta, “He hawhpa chyhsa he leilô tawhta pahleipadia teh u! A hroh tlâh châ vei,” tah ei ta.

HMOTAOPAZY 3:11

Pheisypa a tlâh hapa ta Pity nata Zawhâna a patu thlâh ha nota, chyhsa zydua cha noâh tah ngaitana chôta Sawlawmaw aikah ama tahpa liata âmo yna lâ a vaw râ pakhy ei ta.

HMOTAOPAZY 5:12

Lyuhchâpazy ku ta ngiana nata hmonoâhpa hluhpi zawpi hry liata tao lymâpa châ ta. Ama zydua ta palôh miakha phaohpa ta Sawlawmaw Aikah liata y pakhy tyh ei ta.

HMOTAOPAZY 5:28

“He moh heta pachu lei awpa bie cha pie ha pi ta, pachâ teh u, nama bie pachupa ta Zerusale nama pabie khai ha hih. He chyhsa thisaih maoh he eima chô liata patlôsa namâ chhuahpa a châ hih,” tah ta.

HMOTAOPAZY 6:14

‘Nâzari Zisu ta, he su he parao aw ta, Mawsi ta ryhpa miah a piepazy a panano aw,’ tahpa a reipa eima thei,” tah ei ta.

ZAWSUA 18:1

Izarei zawpi zydua Silô khihpi liata a pahmaoh ei ta, cha liata achhyna poh o parai ei ta. Râh cha ama biehneina ry liata y ha ta.