ZEREMIAH 26:20 - Mara Bible RV (BSI)

²⁰ Mohropa pakha Abeipa moh ta hrohsona bie a phuahpa y hra ta. Ano cha Kiriaziari chyhsa Semiah sawchapawpa Uria kha a châ. Zeremiah bie reipazy hawhta, he khihpi nata he râh rao nawpa kyh hrohsona bie phuah ta.

ZEREMIAH 26:20 ပူးပေါင်းရင်းမြစ်များ

1 ABEIZY 18:10

Abeipa na Khazohpa hrona reipa ta ei reih, ei zibeipa ta nâma a patluasa leina phopi nata khinarâh rai y khao vei. ‘He liata y vei,’ ama tah khiahta cha, ama cha hmô leina kyh liata bie dopa ama reih tlai ma tahpa ta khinarâh nata phopi zy cha bie a pataihsa lymâ ei.

2 ABEIZY 23:37

Zehôki cha a pathlatuhpazy taozie zydua hawhta tao hrapa ta, Abeipa mohmô liata hmo pha lei ngaitapa tao ta.

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

ZEREMIAH 36:19

Beimachâzy ta Bâruka hnohta, “Sie la, Zeremiah nata a kei nyu u la, nama yna su ahy hmahta pahno khah ei sy,” tah ei ta.

ZAWSUA 15:60

Kiriaziari ama tah hrapa Kiriabâlâ nata Râbâ, khihpi miano nata ama khichapeihzy cha, Tlâh râh liata Zudâh khihpizy ama châ.

ZAWSUA 18:14

Behôrô chho lâta tlâh tawhna chata râhri cha notla baih lâ tawhta chho lâta pako ta, Zudâh pathlazy khihpi Kiriabâlâ liata a kaw pua. Kiriabâlâ he Kiriaziari tahpa a châ hra. Cha cha notla lâta a ypa râh a châ.

ZAWSUA 9:17

Izarei sawzy cha sie lymâ ei ta, noh thôhna noh ta Kibiô mo khihpizy kei tlô ei ta. Ama khihpizy cha Kibiô, Kephirâh, Berô nata Kiriaziari zy a châ.

1 SAMUELA 6:21

Kiriaziari khihpi lâ chyhsa tuah ei ta, ama hnohta, “Abeipa Byh kha Philistinâ mo ta ama vaw soh pakhua haw. A zu u la, nâmo paso awpa ta za la teh u,” tah ei ta.

1 SAMUELA 7:2

Kiriaziari liata Byh a y tawhta bohpi tlai vaw châ ha ta, kô kih chhôh tlai y ha ta. Izarei chhôhkha zydua cha Abeipa vâpa ta chaphôhtu ei ta.