ZEREMIAH 26:16 - Mara Bible RV (BSI)

¹⁶ Chatawhcha beimachâzy nata zawpi zydua ta theihthaipazy nata hrohsopazy hnohta, “He chyhsa he thi awpa ta a thâtih pachia tlâh châ vei, Abeipa eima Khazohpa moh ta eima hnohta bie a reihpa tlao a châ hih,” tah ei ta.

ZEREMIAH 26:16 ပူးပေါင်းရင်းမြစ်များ

ESTHERI 4:14

He hawhpa daihti liata nâ chalih thlâh ha khiahta cha, Zuzy châta abohna nata pachhana su hro lâ tawhta vaw tlô aw ta, nâ nata na paw chhôhkhazy deikua cha nama leidia aw. Beinô na châpa he, he hawhpa daihti châta châ vei tahpa ahy a reih thei aw?” tahpa ta.

HLAZY 94:16

Ahy ma moleipa cha nâ thyuhnaopa aw? Ahy ma hmoparaopazy a dyuhpa ta ei châta a duah aw?

BIESOZY 16:7

A hroziezy ta Abeipa a palysapa chyhsa cha, A chariahpazy taihta ano nata a ryh awpa ta Abeipa ta a taopa tyh.

ZEREMIAH 26:11

Theihthaipazy nata hrohsopazy ta beimachâzy nata zawpi zydua hnohta, “Nama nah cheingei ta nama theipa hawhta, he chyhsa heta he khihpi rao nawpa kyh hrohsona bie phuah ta, chavâta thi awpa ta a thâtih pachia tlâh a châ,” tah ei ta.

ZEREMIAH 34:10

Chyhsa to ta ama seichapawzy nata ama seichanôzy cha khotalaina piepa ta ama papua khai awpa châ ta, chyhsazy ta âmo cha sei ta ama hnei heih awpa châ khao vei, tahpa biehrai a pyhtuhpa beimachâ zydua nata zawpi zydua ta biehrai cha zyh ei ta, ama seizy cha khotalaina piepa ta papuasa tlai ei ta.

ZEREMIAH 36:19

Beimachâzy ta Bâruka hnohta, “Sie la, Zeremiah nata a kei nyu u la, nama yna su ahy hmahta pahno khah ei sy,” tah ei ta.

ZEREMIAH 36:25

Enâthâ nata Delia nata Kemariah zy ta châbu cha rao lei awpa ta abei hnohta amâ hawpa chhao ta, ama bie nathlie khoh vei.

ZEREMIAH 37:15

Beimachâzy cha Zeremiah chô liata ama hiehâh ngaita ta, tu ei ta, chârohtuhpa Zawnathâ o liata patâh ei ta. Zawnathâ o cha patâhna o châta hmâpa a châ.

MATHAI 27:54

Pheisaih za kha hyutuhpa nata a hnohta Zisu vaituhpazy ta, alo a sihpa nata hmo a ypazy cha ama hmô nahta, chi ngaita ei ta, “Hmeiseihta ta, he he Khazohpa Sawchapawpa a châ tlai na!” tah ei ta.

LUKA 23:41

Keimo la hrie tlâh rai eima châ. Eima hmotaopa ty eima hmôpa a châ hih. He chyhsa deikua he cha, khâpa hmah parao vei,” tah ta.

LUKA 23:47

Pheisaih za kha hyutuhpa ta hmo a tlôpa cha a hmô nahta, “He chyhsa he chyhsa siapa tlai na a châ!” tah ta, Khazohpa reithai ta.

HMOTAOPAZY 23:29

Ama ryhpa bie kyh liata ama leihpa a châpa pahno na ta, ama leihna cha thina tlyma, patâhna tlyma, â phuhpa ta pahno leipa na ta.

HMOTAOPAZY 23:9

Ryureina cha thata a vaw tyhreih ta, Phârisaihzy lâta ryhpa pachutuhpa thokha a duah ei ta, ama leihna bie cha chakhia ei ta, “He chyhsa he khâpa hmah a moleina hmô ma pi. Thlahpa ta tlyma, vâlyuhchâpa tlyma ta bie a chhopa a châ khiah cha, khâpa eima reih thei aw?” tah ei ta.

HMOTAOPAZY 25:25

Châhrasala thina tlâh a châpa hmo khâpa hmah a taopa hmô va na. Ano ta beichaipa kô tlô awpa â haw hapa vâta, beichaipa lâ cha paphao awpa ei chhuah.