ZEREMIAH 26:11 - Mara Bible RV (BSI)

¹¹ Theihthaipazy nata hrohsopazy ta beimachâzy nata zawpi zydua hnohta, “Nama nah cheingei ta nama theipa hawhta, he chyhsa heta he khihpi rao nawpa kyh hrohsona bie phuah ta, chavâta thi awpa ta a thâtih pachia tlâh a châ,” tah ei ta.

ZEREMIAH 26:11 ပူးပေါင်းရင်းမြစ်များ

ZEREMIAH 18:23

Châhrasala Hy Abeipa, Thie awpa ta eina teina zydua ei cha na pahno khai. Ama paraona a ngiahthai leipa la, Ama moleina chhao na mohmô tawhta pahlei khah y. Na hiehâhna daihti liata ama chô liata hria la, Na hmiakô liata pao mawh ei sy.

ZEREMIAH 26:16

Chatawhcha beimachâzy nata zawpi zydua ta theihthaipazy nata hrohsopazy hnohta, “He chyhsa he thi awpa ta a thâtih pachia tlâh châ vei, Abeipa eima Khazohpa moh ta eima hnohta bie a reihpa tlao a châ hih,” tah ei ta.

ZEREMIAH 38:4

Beimachâzy ta abei hnohta, “Eima châ haw na, he chyhsa he thiepa châ mawh sy. Cha hawhpa biezy cha reipa ta, khihpi liata a ypa pheisaihzy nata zawpi zydua ku tha a pazeisa khai ha ei. He chyhsa heta phopi pha nawpa tlua leipa ta, ama rao nawpa tlao a tlua hri,” tah ei ta.

MATHAI 26:66

Kheihta ma nama pachâ?” tah ta. “Thi tlâh a châ,” tah ei ta.

ZAWHÂNA 18:30

Âmo ta a chhy ei ta, “He chyhsa he moleipa châ leipa sala, nâ lâ a vaw chhi aw ma pi,” tah ei ta.

ZAWHÂNA 19:7

Zuzy ta a chhy ei ta, “Ryhpa miakha hnei pi ta, Khazohpa Sawchapawpa ta â taopa vâta, cha ryhpa hawhta a thi awpa a châ,” tah ei ta.

HMOTAOPAZY 22:22

Bie a rei khaina taihta nathlie ei ta. Chatawhcha ao paro ngaitapa ta, “He hawhpa chyhsa he leilô tawhta pahleipadia teh u! A hroh tlâh châ vei,” tah ei ta.

RYHPACHANEINA 18:20

Bie rei awpa ei pie leipa tlai ta, ei moh ta bie a reihpa nata khazoh hropazy moh ta bie a reihpa hrohsopa cha a thi awpa a châ,’ tah ta.

RYUREITUHPAZY 6:30

Chatawhcha khihpi chyhsazy ta Zôasâ hnohta, “Na sawchapawpa kha a vaw chhi teh, Bâlâ maisâh parao ta, a kiapâh liata Aseri tôh a thlupa vâta a thi awpa a châ,” tah ei ta.