ZEREMIAH 25:4 - Mara Bible RV (BSI)

⁴ Abeipa ta a chakaotuhpa hrohsopa zydua nâmo lâ a vaw tuah chanei ngâ thlâh hapa chhao ei ta, nathlie leipa ei chi ta, ama bie thei awpa ta nama nah pachôh hra veih ei chi.

ZEREMIAH 25:4 ပူးပေါင်းရင်းမြစ်များ

2 THÂTIHZYRONA 24:19

Chatahrasala Abeipa lâ a chhi heih awpa ta, ama hnohta hrohsopazy tuah ta. Hrohsopazy chata ama thaileizie zy pahnosa ei ta, châhrasala nathlie khoh hlei veih ei.

2 THÂTIHZYRONA 33:10

Abeipa ta Manase nata a chyhsazy hnohta bie reih ta, châhrasala nathlie leipa ei ta.

ZEREMIAH 16:12

Nâmo tlai chhao, châ pathlatuhpazy hlâta paru via ei chi ta, pachâ tua u, chyhsa to nama palôh chhorupa moleina lâpi a chhih ei chi ta, kei na nathlie khoh veih ei chi.

ZEREMIAH 17:23

Châhrasala nathlie leipa ei ta, ama nah pachôh hra veih ei. Chhorupa ta tlao y ei ta, chhoreina thei khoh leipa ei ta, a pyh khoh hra veih ei.

ZEREMIAH 18:12

“Châhrasala âmo ta, ‘Cha cha phahnaina hnei vei! Keimo pachâpa hawhta y aw pi ta, chyhsa to keimo palôh chhorupa moleina hawhta eima tao aw,’ ama tah haw.

ZEREMIAH 19:15

“Pheisaihzy Abeipa, Izarei Khazohpa ta hetana heta a tah, moh teh u, ama kuh a pachhasa ei ta, ei biezy ama nathlie khoh leipa vâta, he khihpi chô liata nata a khichapeih zydua chô liata chhiena patlôsa awpa ta ei phuahpa kha ei vaw patlôsa aw.”

ZEREMIAH 22:21

Huhiehpa ta na y nota bie châ chho na ta, Châhrasala, ‘Nathlie aw va na,’ na tah haw. Ei bie na nathlie khoh leipa he, Na thyutlia no tawhta na hrozie a châ.

ZEREMIAH 25:3

“Amawna sawchapawpa Zudâh bei Zôsia abeina kô hrawh hleithôhna tawhta tanoh taihta, Kô kih nata kô thôh chhôh tlai, Abeipa bie ei hnohta vaw tlô tyh ta. Cha biezy cha nama hnohta ei phuah chanei ngâ thlâh ha tyh. Châhrasala nathlie veih ei chi.

ZEREMIAH 25:7

Châhrasala na nathlie veih ei chi. Nama ku ta a taopazy ta ei hie na pahâh ei chi ta, nâmosasyh ta namâ pasasa tyh,” Abeipa ta a tah.

ZEREMIAH 26:5

ama bie nathlie awpa ta nâmo lâta ei vaw tua chanei ngâ thlâh hapa nâ chakaotuhpa hrohsopazy bie nama nathlie leipa khiahta cha,

ZEREMIAH 29:19

Ei biezy ama nathlie leipa vâta, cha cha ama chô liata ei tao aw,’” Abeipa ta a tah. “Nâ chakaotuhpa hrohsopazy nâmo lâ vaw tuah chanei ngâ thlâh ha ei na ta, châhrasala ama bie nathlie veih ei chi,” Abeipa ta a tah.

ZEREMIAH 32:33

Ama hmia na chhy leipa ei ta, ama hnôh tlao eina chhy ei. Ei pachu ngâ thlâh hapa chhao ei ta, pachuna cha a pyh awpa ta ama nah pachôh veih ei.

ZEREMIAH 36:31

Ama paraona vâta, ano nata a chipathlazy nata a chakaotuhpazy ei hrie aw ei. Ama chô liata chhiena patlôsa awpa ta phuah na ta, châhrasala ama nathlie khoh leipa zydua kha, âmo nata Zerusale khihsawzy nata Zudâh râhsawzy chô liata ei vaw patlôsa aw.’”

ZEREMIAH 6:17

“Riahvaituhpazy cha sopa ei na ta, Chiahmie pyu nathlie awpa ta ei cha chho ei. Châhrasala, ‘Nathlie aw ma pi,’ tah ei chi ta.

ZEKARIA 1:4

Châ pathlatuhpazy hawhna khata y khah u. Hrohsopa hmiatuapazy ta, ‘Pheisaihzy Abeipa ta hetana heta a tah, nama moleina lâpi tawhta nata nama moleina hmotaopazy tawhta tahmâ vaw kua teh u,’ tahpa ta zikyu a râ ei ta, châhrasala nathlie leipa ei ta, na uasa hra veih ei,” Abeipa ta a tah.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!