ZEREMIAH 25:32 - Mara Bible RV (BSI)

³² “Pheisaihzy Abeipa ta hetana heta a tah: Moh teh u, chhiena ta râh to chahryh ta, Alei su lâhla chaipazy tawhta Chothyu ru ngaitapa a vaw thyu hai!

ZEREMIAH 25:32 ပူးပေါင်းရင်းမြစ်များ

2 THÂTIHZYRONA 15:6

Ama keichheih khai haw. Khazohpa ta tymâna to ama chô liata a patlôsapa vâta, phopi miakha cha phopi hropa ta parao ta, khihpi miakha ta khihpi hropa a parao.

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

ISAI 34:2

Abeipa cha râh zydua chô liata a ru thata chhô ta, Ama pheisaih zydua chô liata a hie a hâh ngaita; Chavâta âmo cha, Tlokhuh pahleipadia awpa ta hlâ ha ta, Thie awpa ta a hlâ ha ei.

ISAI 5:28

Ama châtaizy tiah kaw ta, Ama libaw zydua a kei chiehpa ta y ta, Ama arâ chakiezy cha pachielô lyu ta, Ama talailih tiakizy cha khisô a lyu.

ISAI 66:18

“Ama hmotaopazy nata ama pachâpazy ei pahno. Râh to nata reih to ei chhipakhy nawpa daihti a vaw tlô hai. A vy aw ei ta, ei rônahna ama hmô aw.

ZEREMIAH 23:19

Moh teh u, Abeipa thlihpipa huh! Pathiiana pua ta, Khisô chothyu pua ha ta, Moleipazy luh a chanaoh aw.

ZEREMIAH 30:23

Moh tua u, Abeipa thlihpipa huh! A pathiiana chothyu a chamiehpa pathli ha ta, Hmoparaopazy luh a chanaoh aw.

ZEREMIAH 6:22

Abeipa ta hetana heta a tah: “Moh teh u, maw lâ râh tawhta phopi miakha a vy ta, Alei su chhâna tawhta phopi rônahpa a vaw thyu.

ZEREMIAH 6:23

Libaw nata asei a chaba ei ta, Zawngiahna a hnei leipa nôchhiepazy ama châ. Ama pyu cha tilaipi a aohpa pyu lyu ta, Arâ kiah ei ta, Adyuhna châta pheisaih a patlâhpa hawhta a patlâh ei ta, Hy Zaio sawchanô y, hrâ ama cha vaw siehnao huh!”

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

LUKA 21:10

Chatawhcha ama hnohta, “Phopi nata phopi a dyuh aw ei ta, khinarâh nata khinarâh amâ dyuh aw.

LUKA 21:25

“Cha daihti liata, noh nata thlâpâ nata awhsizy liata ngiana y aw ta, tilaipi a aohpa nata tichatlaopazy pyu vâta, khizaw liata phopizy nôpopa nata pachârôhpa ta ama y aw.