ZEREMIAH 25:3 - Mara Bible RV (BSI)

³ “Amawna sawchapawpa Zudâh bei Zôsia abeina kô hrawh hleithôhna tawhta tanoh taihta, Kô kih nata kô thôh chhôh tlai, Abeipa bie ei hnohta vaw tlô tyh ta. Cha biezy cha nama hnohta ei phuah chanei ngâ thlâh ha tyh. Châhrasala nathlie veih ei chi.

ZEREMIAH 25:3 ပူးပေါင်းရင်းမြစ်များ

ÂTHAONA 22:3

Abarahâ cha mydi kari ta thyu ta, alâ ky padia ta, a chakaotuhpa pano nata a sawchapawpa Aisika a hnohta a chhi ta. Raopa hlâna châta tho patlaw ta, thyu ta, Khazohpa ta a chhopa su lâ sie ta.

1 ABEIZY 22:3

Izarei bei ta a chakaotuhpazy hnohta, “Ramôkilia khihpi he keimo eih a châ tahpa pahno thlâh ha tlôhpa ta, khâpa vâta ma Aramia bei ku tawhta chhu leipa ta a chalihsai thlâh hapa ma eima châ tly?” tah ta.

2 ABEIZY 17:13

Chatanachôta Abeipa ta hrohsopa to nata hmôtheituhpa to hmâpa ta, “Nama yzie moleipazy a heihsai u la, châ pathlatuhpazy hnohta bie ei piepa Ryhpa nata nâ chakaotuhpa hrohsopazy tuapa ta ei cha piepa ei, ei biepiepazy nata bieraopazy zyh teh u,” tahpa ta Izarei nata Zudâh zy cha zikyu khâ a râ tyh ta.

2 THÂTIHZYRONA 24:19

Chatahrasala Abeipa lâ a chhi heih awpa ta, ama hnohta hrohsopazy tuah ta. Hrohsopazy chata ama thaileizie zy pahnosa ei ta, châhrasala nathlie khoh hlei veih ei.

2 THÂTIHZYRONA 34:1

Zôsia cha kô chariepa a châ nota a bei pathao ta, Zerusale liata kô sythôh nata kô kha â bei.

2 THÂTIHZYRONA 34:3

Zôsia cha â beina kô chariena liata, hawtipa a châ thlâh ha chy nota, a pathlatuhpa Dâvi Khazohpa cha tlua pathao ta. Kô hrawh hleino â bei kô ta, Zudâh râh nata Zerusale khihpi liata su sâhpazy, Aseri tôhzy, khazoh nothlahpa khiepa nata leihpazy a parao khai haw.

2 THÂTIHZYRONA 34:8

Râh nata Abeipa o a pathai khai nahta, â beina kô hrawh hleichariena kô liata, Zôsia ta Azaliah sawchapawpa Sâphanâ nata khihpi avaotuhpa Mâsei nata Zôahâ sawchapawpa chârohtuhpa Zôah zy cha, Abeipa a Khazohpa o pasiepakao awpa ta tuah ta.

2 THÂTIHZYRONA 36:15

Abeipa, ama pathlatuhpazy Khazohpa ta, ano phopi nata a pahrâna su tha a pasapa vâta, a chalihsai leipa ta, âmo lâta lyuhchâpazy khâ tuah ta.

HLAZY 81:13

Aw, ei phopi ta ei bie nathliepa ta, Izarei ta ei lâpizy a vaw chhih ha mawh sala cha,

PUASAINA 8:20

Abeipa ta Mawsi hnohta, “Mydi kari ta thyu la, Phiraoh cha ti lâ a zupa pachhaipa ta a hmiakô liata a kei duah la, a hnohta, ‘Abeipa ta hetana heta a tah: Eina chakao thei nawpa ei ta, ei phopi pasiesa teh.

ISAI 55:2

Khazia viahchhâ châta a châ leipa liata Nama sôh pahryuh ei chi ta, Rih bie nawpa a châ leipa liata Nama tha namâ pahryuh? Pakhâta ta na nathlie teh u; Hmo phapa nie u la, Nie pahâhpazy ta nama hro lôhrâ a patlô teh u.

ZEREMIAH 1:2

Amawna sawchapawpa Zudâh bei Zôsia daihti, â beina kô hrawh hleithôhna liata, Zeremiah hnohta Abeipa bie a vaw tlôpa a châ.

ZEREMIAH 11:7

Châ pathlatuhpazy kha Izi râh tawhta ei kaw chhi papua no tawhta tanoh taihta, ei bie zyh awpa ta â i ngaitapa ta ei vaw chho ngâ thlâh ha tyh ei.

ZEREMIAH 19:15

“Pheisaihzy Abeipa, Izarei Khazohpa ta hetana heta a tah, moh teh u, ama kuh a pachhasa ei ta, ei biezy ama nathlie khoh leipa vâta, he khihpi chô liata nata a khichapeih zydua chô liata chhiena patlôsa awpa ta ei phuahpa kha ei vaw patlôsa aw.”

ZEREMIAH 22:21

Huhiehpa ta na y nota bie châ chho na ta, Châhrasala, ‘Nathlie aw va na,’ na tah haw. Ei bie na nathlie khoh leipa he, Na thyutlia no tawhta na hrozie a châ.

ZEREMIAH 25:4

Abeipa ta a chakaotuhpa hrohsopa zydua nâmo lâ a vaw tuah chanei ngâ thlâh hapa chhao ei ta, nathlie leipa ei chi ta, ama bie thei awpa ta nama nah pachôh hra veih ei chi.

ZEREMIAH 26:5

ama bie nathlie awpa ta nâmo lâta ei vaw tua chanei ngâ thlâh hapa nâ chakaotuhpa hrohsopazy bie nama nathlie leipa khiahta cha,

ZEREMIAH 29:19

Ei biezy ama nathlie leipa vâta, cha cha ama chô liata ei tao aw,’” Abeipa ta a tah. “Nâ chakaotuhpa hrohsopazy nâmo lâ vaw tuah chanei ngâ thlâh ha ei na ta, châhrasala ama bie nathlie veih ei chi,” Abeipa ta a tah.

ZEREMIAH 32:33

Ama hmia na chhy leipa ei ta, ama hnôh tlao eina chhy ei. Ei pachu ngâ thlâh hapa chhao ei ta, pachuna cha a pyh awpa ta ama nah pachôh veih ei.

ZEREMIAH 35:14

Rekhâ sawchapawpa Zônadâ ta a pathlazy hnohta kresawhti doh lei awpa ta biepie ta, a pathlazy ta âmo pathlatuhpa biepiepa cha zyh ei ta, tanoh taihta khâpa hmahta doh veih ei. Kei deikua cha ei cha chho ngâ thlâh hapa chhao ei ta, na nathlie veih ei chi.

ZEREMIAH 35:15

Nâ chakaotuhpa hrohsopa zydua nâmo lâ khâ vaw tuah ei na ta, nama hnohta, ‘Chyhsa to nama hrozie pha leipa tawhta vaw kua u la, nama hmotaopazy a phapa ta taopathi u la, khazoh hropazy pazi leipa u la, chakao khuh vy. Chatanachata nâmo nata châ pathlatuhpazy hnohta râh ei cha piepa liana heta nama pahrâ aw,’ tahpa ta khâ cha chho ei ta. Châhrasala nama nah pachôh leipa ei chi ta, na nathlie hra veih ei chi.

ZEREMIAH 36:1

He he Zôsia sawchapawpa Zudâh bei Zehôki abeina kô palihna liata, Zeremiah hnohta Abeipa bie vaw tlôpa a châ.

ZEREMIAH 36:2

“Châbu la la, na hnohta bie ei rei pathaona Zôsia daihti tawhta tanoh taihta Zerusale nata Zudâh nata phopi zydua thâtih na hnohta ei reipa zydua kha, châbu liata roh khai mah y.

ZEREMIAH 44:4

Chatahrasala nâ chakaotuhpa hrohsopazy nâmo lâ khâ vaw tuah ei na ta, ‘He hmo pasichhihpa ei hao ngaitapa he tao khao khuh vy!’ tahpa ta ama cha chho chanei ngâ thlâh ha.

ZEREMIAH 7:13

Tahmâ, he hmo zydua he tao ei chi ta, bie khâ ei châ chhopa chhao ei ta nathlie khoh leipa ei chi ta, ei cha awpa chhao ei ta einâ chhy khoh leipa vâ ei chi ta,

ZEREMIAH 7:25

Châ pathlatuhpazy Izi râh tawhta ama pua noh tawhta tanoh taihta, nâ chakaotuhpa hrohsopa zydua noh chareih ta âmo lâ tuah na ta.

EZEKIA 33:4

châhrasala chiahmie pyu a theipa ta zikyurâna cha papeisa leipa sala, zaozi a vaw tlôpa chata a thie khiahta cha, a thisaih maoh cha zikyurâna a papeisa leipa luh liata a y aw.

ZEKARIA 1:4

Châ pathlatuhpazy hawhna khata y khah u. Hrohsopa hmiatuapazy ta, ‘Pheisaihzy Abeipa ta hetana heta a tah, nama moleina lâpi tawhta nata nama moleina hmotaopazy tawhta tahmâ vaw kua teh u,’ tahpa ta zikyu a râ ei ta, châhrasala nathlie leipa ei ta, na uasa hra veih ei,” Abeipa ta a tah.

MÂKA 1:35

Mydi kari khih a pavâ hlâta thyu ta, su dâhthlohpa lâ sie ta, cha liata thlahchhâ ta.

ZAWHÂNA 8:2

Mydi kari ta Achhyna o lâ pangai heih ta. Chyhsa zydua ano lâ a vy ei ta, a tyuh ta, âmo cha pachu ta.

ZAWHÂNA 8:47

Khazohpa chyhsa cha Khazohpa bie a nathlie. Nâmo deikua cha, Khazohpa chyhsa nama châ leipa vâta, Khazohpa bie nathlie veih ei chi,” tah ta.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.