ZEREMIAH 24:8 - Mara Bible RV (BSI)

⁸ “Abeipa ta hetana heta a tah: Theiku chhiepa nie tlâh châ leina taihta a chhiepa hawhna khata, Zudâh bei Zedekia nata a beimachâzy nata he râh liata â nguapa Zerusale laibâhpazy nata Izi râh liata a pahrâpazy cha ei heihsai aw ei.

ZEREMIAH 24:8 ပူးပေါင်းရင်းမြစ်များ

1 THÂTIHZYRONA 3:15

Hezy he Zôsia sawchapawzy ama châ: A sawchapaw uhtheipa cha Zôhanâ châ ta, panona Zehôki châ ta, pathôhna Zedekia châ ta, papalihna cha Sâluh a châ.

ZEREMIAH 13:7

Ufrâti chavah lâ cha sie na ta, chaisaih ei nyuna su chaopa ta, chaisaih cha thaoh na ta. Moh teh u, chaisaih cha rao ha ta, khâpa châta hmahta pahnai khao leipa ta.

ZEREMIAH 21:10

Phana châta châ leipa ta, chhiena châta, he khihpi lâ he a heih ha na ta, Babylaw bei ku liata hlâpa châ aw ta, ano ta mei ta a rao aw, Abeipa ta a tah.’

ZEREMIAH 24:2

Hrâbyh miakha liata theiku pha ngaitapa, theiku hmoh tuapa hawhpa y ta, hrâbyh hropa liata deikua cha, theiku chhie ngaitapa, nie tlâh châ leina taihta a chhiepa y ta.

ZEREMIAH 24:5

“Izarei Khazohpa Abeipa ta hetana heta a tah: Zudâh râh tawhta seichâna lâ a siepa, he râh tawhta Kaldia mo râh lâta ei tua hapazy cha, theiku phapa hawhna khata ei pachâ aw ei.

ZEREMIAH 37:10

Châ dyuhtuhpa Kaldia pheisaih zydua pahnie khai ha u la, hmahphaohpazy deita ama poh o chhôh liata ama ypa chhao ta, vaw thyu aw ei ta khihpi he mei ta ama rao pyly aw.’”

ZEREMIAH 37:17

Bei Zedekia ta ano cha paawsa ta. Abei ta a o liata arulâta bie hiahri ta, a hnohta, “Abeipa tawhta bie miakha chhâ a y ma?” tah ta. Zeremiah ta, “A y,” tah ta. Abei hnohta, “Babylaw bei ku liata hlâpa na châ aw,” tah ta.

ZEREMIAH 43:1

Zudâh laibâhpazy hnohta bie reih awpa ta, Abeipa ama Khazohpa ta Zeremiah cha âmo lâ tuah ta. Abeipa ama Khazohpa bie zydua cha Zeremiah ta zawpi zydua hnohta a reih khai nahta,

ZEREMIAH 44:1

He he Izi râh Mikadô, Tâpahe, Mephi nata Pâtharô khihpizy liata a pahrâpa Zu chyhsa zydua kyh liata Zeremiah hnohta bie a vaw tlôpa a châ.