ZEREMIAH 24:10 - Mara Bible RV (BSI)

¹⁰ Âmo nata âmo pathlatuhpazy ei piepa râh tawhta tlokhuh pahleipadia khaipa ama châna taihta, ama chô liata zaozi, chakâhna nata potlana zy ei tuah lymâ aw.”

ZEREMIAH 24:10 ပူးပေါင်းရင်းမြစ်များ

1 ABEIZY 14:15

Ti liata lohthi a chalyu ngâpa hawhta, Abeipa ta Izarei cha vaw chalyu aw ta, Aseri tôhzy taopa ta Abeipa hie ama pahâhpa vâta, âmo pathlatuhpazy hnohta a piepa râh phapa tawhna heta Izarei cha phia aw ta, Ufrâti chavah khô lâ a hiepatla ha aw ei.

ISAI 51:19

He hmo miano heta cha vaw tlô thlu ta, Ahy ma na hna châ pangâh aw? Roryhrana nata paraona ta cha vaw tlô thlu ta, Ahy ma thlah châ palôh aw? Chakâhna nata zaozi ta cha vaw tlô thlu ta, Ahy ma thlah châ palôh aw?

ZEREMIAH 14:12

Kâhvileipa ta y hra ei sala, ama awna ao nathlie leipa aw na ta, raopa hlâna nata niepa hlâna zy hlâ hra ei sala, a pyh aw va na. Zaozi nata chakâhna nata potlana zy ta âmo cha tlao ei pahleipadia aw ei.”

ZEREMIAH 15:2

‘Khataih lâ eima sie aw?’ ama cha tah khiahta cha, ama hnohta, ‘Abeipa ta hetana heta a tah: “‘Potlana châta raopazy cha, Potlana lâ sie ei sala; Zaozi châta raopazy cha, Zaozi lâ sie mawh ei sy. Chakâhna châta raopazy cha, Chakâhna lâ sie ei sala; Seichâna châta raopazy cha, Seichâna lâ sie mawh ei sy,’ Na tah aw ei.

ZEREMIAH 16:4

Hri chhiepa ta ama thi aw. Âmo châta mâchhiesapa châ leipa aw ta, pabupa châ aw veih ei. Alei liata ie hawhta ama y aw. Zaozi nata chakâhna ta thi aw ei ta, ama rizy cha avâ pavawzy nata alei sazy lao a châ aw.

ZEREMIAH 19:7

He su liana heta Zudâh nata Zerusale hmochhuahpazy cha hraoleipa pachâsa aw na ta, âmo cha ama chariahpazy hmiakô liata nata ama hrona la a chhuahpazy ku liata zaozi ta ei papao aw ei. Ama rizy cha avâ pavawzy nata alei sahrâhpazy lao ta ei pie aw.

ZEREMIAH 21:9

He khihpi chhôh liata a ypazy cha zaozi ta tlyma, chakâhna ta tlyma, potlana ta tlyma thi aw ei ta, châ dôhtuhpa Kaldia mo lâ puapa ta âmo ku liata â piepazy deikua cha, hroh aw ei ta, hraona sôh hawhta pachâpa ama châ aw.

ZEREMIAH 27:8

“‘“Phopi kheihawhpa tlyma, khinarâh kheihawhpa tlyma ta Babylaw bei Nebukaneza cha chakao khoh leipa sala, Babylaw bei raopakypa â ky khoh leipa khiahta cha, Babylaw bei ku ta ei thie khai hlâlei ei cha, zaozi, chakâhna nata potlana zy hmâpa ta, cha phopi cha ei hrie lymâ aw,”’” Abeipa ta a tah.

ZEREMIAH 29:17

‘Pheisaihzy Abeipa ta hetana heta a tah, moh teh u, ama chô liata zaozi nata chakâhna nata potlana zy vaw patlôsa hai na ta, theiku chhiepa, a thu hapa vâta nie tlâh a châ leipa hawhta ei tao aw ei.

ZEREMIAH 29:18

Zaozi nata chakâhna nata potlana zy ta a chadai aw ei na ta, alei chô liata khinarâh zydua châta rarôh ypa ta tao aw ei na ta, âmo ei to papuana phopi zydua hry liata chhiesapa, chichhihpa, hmaotô chiepa nata reipachhiepa châ awpa ta ei tao aw ei.

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

ZEREMIAH 32:25

Chatanachôta Hy Abeipa Zehôvâh y, nâ ta ei hnohta, ‘Tâkâ ta lyu chalei la, pahnokheituhpazy hnei mah y,’ na tah chi ta. Khihpi cha Kaldia mo ku liata piepa a châ hapa chhao ta, lyu chalei awpa ta eina chhopa chi a châ,” tah ta.

ZEREMIAH 34:17

“Chavâta Abeipa ta hetana heta a tah: Nama unawhpa nata nama vaih châta khotalaina phuah awpa kyh liata, chyhsa to ta ei bie zyh veih ei chi. Nathlie teh u, nâmo châta khotalaina ei phuah. Cha khotalaina deikua cha, zaozi nata potlana nata chakâhna zy a tyh awpa khotalaina a châ aw. Khizaw khinarâh zydua ta rarôh y ama tah awpa ta ei cha tao aw ei, Abeipa ta a tah.

ZEREMIAH 42:17

Izi râh liata pahrâ awpa ta, cha lâ ama hmia pahei ta, a siepa zydua cha, zaozi nata chakâhna nata potlana ta ama thi aw. Ama chô liata chhiena ei patlôsa awpa tawhna chata a hrohpa nata laibâhpa pakha hmah y aw veih ei.

ZEREMIAH 42:22

Chavâta tahmâ a siapa ta pahno teh u. Sie ta pahrâ awpa nama khona su liana tlai chata zaozi nata chakâhna nata potlana ta nama thi aw,” tah ta.

ZEREMIAH 5:12

Abeipa kyh haipa ta reih ei ta, “Khâpa hmah tao hlei aw vei; Chhiena eima chô liata vaw tlô leipa aw ta, Zaozi nata chakâhna zy a tyh aw ma pi.

ZEREMIAH 9:15

Chavâta Pheisaihzy Abeipa, Izarei Khazohpa ta hetana heta a tah: Pachâ teh u, he phopi he pati khapa paniesa aw ei na ta, châmaih ti ei padosa aw ei.

ZEREMIAH 9:16

Âmo nata âmo pathlatuhpazy chhao ta ama pahno beih leipa phopizy hry liata papaipatla aw ei na ta, ei pahleipadia khai hlâlei ei cha zaozi ta âmo ei chadaisa aw ei.”

EZEKIA 33:27

Ama hnohta reih teh, Abeipa Zehôvâh ta hetana heta a tah: Ei hrona reipa ta ei reih. Su rypa liata a ypazy cha zaozi ta pao tlai aw ei ta, lyurâhpa liata a ypazy cha sahrâhpazy hnohta ama nie awpa ta pie aw na ta, thokhy nata lôpu chhôh liata a ypazy cha potlana ta ama thi aw.

EZEKIA 6:11

Abeipa Zehôvâh ta hetana heta a tah: “Na ku chabaihpa ta, na phei a tlai la, ‘Cha rimâ cha, Izarei pathlazy moleina pasichhihpazy vâta, zaozi ta pao aw ei ta, chakâhna ta paopa ta, potlana ta ama pao aw he zaw,’ tah mah y.

EZEKIA 7:15

Khôtho lâ zaozi y ta, a chhôh liata potlana nata chakâhna a y. Lyurâhpa liata a ypa cha zaozi ta thi aw ta, khihpi liata a ypa cha chakâhna nata potlana ta a palâ aw.

RYHPACHANEINA 28:21

Hnei awpa ta namâ ngiapa râh tawhta a cha pahleipadia khai hlâlei ei cha, Abeipa ta nama chô liata hri a patlôsa aw.

BIEPHUAH 6:8

Kaw moh na ta, arâ peipa hmô na ta, a chô liata a kiahpa moh cha Thina châ ta, a hnôh lâta Athihkhih ta vaw pazi ta. Khizaw zydua he su palih ta pachhaih ta su kha cha, zaozi, chakâhna, hri nata alei liata sahrâhpazy hmâpa ta thie awpa ta, ama hnohta biehneina piepa a châ.