ZEREMIAH 23:6 - Mara Bible RV (BSI)

⁶ “Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 23:6 ပူးပေါင်းရင်းမြစ်များ

1 ABEIZY 4:25

Sawlawmaw hro chhôh zydua ta Zudâh nata Izarei cha, Dânâ tawhta Besebâ taihta, chyhsa to ama kre zôh ry liata nata ama theiku kô ry liata thlalôh ngaitapa ta ama y.

HLAZY 45:5

Na châtai tiahpazy ta abei chariahzy palôh chhôpahlie sala, Phopizy na ry liata pao mawh ei sy.

PUASAINA 9:26

Izarei sawzy yna Kôse râh liata deikua cha, pareih tla vei.

ISAI 2:4

Abeipa ta râhzy likah pachia aw ta, Phopizy likah aeinazy a pathlâ aw; Ama zaozizy cha leipaliena chhaichhi lâta palie aw ei ta, Ama aseizy chhao thochiah taina chaihrai lâta ama palie aw; Phopi nata phopi ta zaozi a hy thlu khao leipa aw ei ta, A dyuhzie chhao a chu khao aw veih ei.

ISAI 32:1

Pachâ teh u, siana ta ryu a reih awpa bei vaw pua aw ta, Beimachâzy ta adona ta ryu ama reih aw.

ISAI 32:18

Ei phopi cha, Thlalôhna râh liata pahrâ aw ei ta; Abohna su liata pahrâpa ta, Apahâna sidiapa zy liata ama pahrâ aw.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 33:5

Vâ chô sâhpa liata a pahrâpa a châpa vâta, Abeipa cha cheihchalopa ta y ta, Zaio cha adona nata siana ta a pabie aw.

ISAI 35:9

Cha lâpi liata cha, Chakeibarôhneipa y leipa aw ta, Sahrâhpa a vy aw vei; Chazy cha, cha liata hmô awpa y leipa aw ta, Chatlaipazy ta, cha lâpi cha amâ chhih aw.

ISAI 42:6

“Kei he Abeipa ei châ; Siana ta cha aw na ta, Na ku cha patu aw na ta ei cha hrôbieh aw; Izarei phopi châta biehrai ta cha tao aw na ta, Râhzy châta khaihna ta ei cha tao aw.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

ZEREMIAH 30:10

“Chavâta Hy nâ chakaotuhpa Zakaw y, chi leipa la, Hy Izarei y, ngiarohpa ta y khah y,” Abeipa ta a tah. “Pachâ teh, lâhlapi tawhta cha pachha aw na ta, Na pathlazy ama seichâna râh tawhta ei pachha aw ei. Zakaw cha kua heihpa ta sidiapa nata chhôhmohpa ta y aw ta, Ahy ta hmahta pachisa khao aw veih ei.

ZEREMIAH 31:23

Pheisaihzy Abeipa, Izarei Khazohpa ta hetana heta a tah: “Vânoh ei patosa heih ti ei ta cha, he reikahzy he Zudâh râh nata a khihpizy liata ama hmâh heih aw: “‘Hy siana pahrâna su, Abeipa ta byhnâ cha pie sala; Hy tlâh pathaihpa, Abeipa ta byhnâ cha pie mawh sy!’ tahpa ta.

ZEREMIAH 32:37

Moh teh u, ei hiehâhna, ei pathiiana nata ei ruchhôna ru ngaitapa ta âmo ei to papua hana râh zydua tawhta pakhy heih aw ei na ta, he su lâ he a vaw chhi pakhua aw ei na ta, â bohpa ta ei paysa aw ei.

ZEREMIAH 33:15

“Cha nohzy liata nata cha daihti liata, Dâvi châta Chiah siapa papyusa aw na ta, adona nata siana ta râh liata ryu a reih aw.

ZEREMIAH 33:16

Cha nohzy liata, Zudâh cha pachhapa châ aw ta, Zerusale chhao â bohpa ta a y aw. A moh cha ‘Zehôvâh Sidkenu,’ a châ aw.

EZEKIA 21:27

Raona, raona, raona ei tao aw. Châhrasala paraotuhpa a vaw tlô hlâlei cha, paraopa châ mâh aw vei. A vaw tlô tita paraotuhpa hnohta ei hlâ aw.

EZEKIA 28:26

Cha liata â bohpa ta pahrâ aw ei ta, ozy sa aw ei ta, kre sadôzy ama tao aw. Âmo a mohnaotuhpa ama chheipâh râhzy ei pachia ti ei ta, âmo cha â bohpa ta ama y aw. Chatanachata Abeipa ama Khazohpa ei châ tahpa ama pahno aw.”

EZEKIA 38:14

“Chavâta chyhsa sawchapawpa y, hrohsona bie phuah la, Kawkâ hnohta hetana heta reih teh. Abeipa Zehôvâh ta hetana heta a tah: Cha noh, ei phopi Izarei â bohpa ta ama pahrâ nawpa daihti cha pahno va chi ma?

EZEKIA 48:35

“Khihpi padôpa ta a seihna zie cha dy 18,000 châ aw ta, cha noh tawhta cha, khihpi moh chhao, Zehôvâh Sâmâ tahpa a châ bâ aw.”

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

DÂNIAH 9:7

Hy Abeipa, siana cha nâma eih châ ta, keimo tovyuh deikua cha nozana deita a châ, tanoh ta hmo a ypa hawhna tlai heta. Zudâh chyhsazy, Zerusale liata a pahrâpazy, Izarei zydua nata sei ta nâ chhina râh zydua liata lâhnia nata lâhla liata a ypazy ta haiphiahpa ta na chô liata hmo ama taopa vâta, tanoh nozapa ta eima y ha hih.

HÔSIA 1:11

Zudâh chyhsa nata Izarei chyhsazy a hmaohpakhy aw ei ta, chhituhpa pakha rao aw ei ta, râh tawhta ama khy aw. Zezari noh rônahzie awpa rimâ cha!”

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

HÔSIA 2:18

Cha noh liata, Râhsazy chô liata biehrai tao aw na ta, Vâ pavawzy chô liata biehrai ei tao aw; Alei liata âlyhpasazy chô liata chhao, Biehrai ei tao aw. Libaw nata zaozi nata adyuhna zy Râh tawhta pahlei khai aw na ta, Â bohpa ta ei paziasa aw ei.

ÔBADIA 1:17

“Zaio tlâh liata deikua cha, Pachhapazy ta pahrâ aw ei ta, Su pathaihpa a châ aw; Zakaw pathlazy cha, Ama ryuto râh ama hnei aw.

ÔBADIA 1:21

Esaw Tlâh chô liata ryureih awpa ta, Pachhatuhpazy Zaio Tlâh lâ khy aw ei ta, Chatanachata khinarâh cha Abeipa eih a châ aw.”

ZEPHANIA 3:13

Izarei laibâhpazy cha, Hmo doleipa tao khao aw veih ei; Haipa bie reih khao leipa aw ei ta, Ama pakâh liata paleih dôvei hmâhpa y khao aw vei. Ama lao bâpa ta a byu aw ei ta, Ahy ta hmah âmo cha pachisa khao aw veih ei.

ZEKARIA 10:6

“Zudâh pathlazy cha, Thapatlô aw ei na ta; Zawsi pathlazy chhao, Ei pachha aw ei. Ei ngia eina chhie kawpa vâ ei ta, Ei chhi pakhua heih aw ei; Ei thy beih leipa hawhta y heih aw ei ta, Abeipa ama Khazohpa ei châpa vâta, Ei chyh-ei aw ei.

ZEKARIA 3:10

Cha noh liata cha, chyhsa to ta nama kre zôh nata theiku buh ry liata a tyuduah khoh awpa ta, nama opa lyuhrizy nama hrua tyh aw,” Pheisaihzy Abeipa ta a tah.

RAWMA 3:22

Cha Khazohpa siana cha, Zisu Krista amâ ngiapâpa vâta ngiapâtuhpa zydua hnohta paluahsapa ta a y. Ananona rai y vei.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.