ZEREMIAH 23:5 - Mara Bible RV (BSI)

⁵ “Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 23:5 ပူးပေါင်းရင်းမြစ်များ

2 SAMUELA 23:3

Izarei Khazohpa ta reih ta, Izarei Lôpanô ta eina chho: Adona ta chyhsazy chô liata ryureihpa ta, Khazohpa china ta ryu a reihpa cha,

HLAZY 45:4

Biehmeiseihpa nata areisina nata siana châta, Nâ beina ta pahniena arâ kiah la, Na ku chachâh lâta hmo rarôh ypazy cha pachu mawh sy!

HLAZY 80:15

Na ku chachâh lâta na lopa kre zôh he vaih la, Nâma châta na palaiseihpa chiah he mohôh mah y.

HLAZY 99:4

Hy Bei thatlôpa, adona pasô chi ta, Thlua hlei hnei leina ryureina na padua haw; Adona ta ryureih chi ta, Siana ta Zakaw chô liata ryu na reih.

ISAI 33:5

Vâ chô sâhpa liata a pahrâpa a châpa vâta, Abeipa cha cheihchalopa ta y ta, Zaio cha adona nata siana ta a pabie aw.

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 42:6

“Kei he Abeipa ei châ; Siana ta cha aw na ta, Na ku cha patu aw na ta ei cha hrôbieh aw; Izarei phopi châta biehrai ta cha tao aw na ta, Râhzy châta khaihna ta ei cha tao aw.

ISAI 45:24

Hetana heta ei thâtih ama reih aw: ‘Abeipa lia deita ta pahniena y ta, Ano lia deita ta thatlôna a y; Chyhsazy ano lâ a vy aw ei ta, A chô liata a ru a chhôpa zydua cha, Maophyuhpa ta ama y aw.

ISAI 52:13

Pachâ teh u, nâ chakaotuhpa cha, So kawpa ta hmo a tao aw; Palyupalihpa nata pasâhsapa ta y aw ta, Cheihchalopa ta a y aw.

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

ISAI 53:2

Ano cha tho daw hawhta Abeipa hmiakô liata laiseih ta, Alei hipa liata tho thari hawhta a laiseih. Mo khoh kaw awpa pizie phana hnei leipa ta, Chhithaina hnei vei; Eima tlaichhai kaw awpa Angiana hnei hra vei.

ISAI 9:5

Tlypâna pheiky nata thisaih a hlaopa chysia zydua cha, Mei liata phôh ta pakâ khaipa a châ aw.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 22:15

Sidy tho ta nâ zaoh nâ tiahpa vâta, Abei via pachaipa hawhta ma nâ pachâ? Na paw kha niepa ta doh ta, Adona nata siana ta ryu a reih tyh. Cha cha ano châta phana a châ.

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

ZEREMIAH 22:30

Abeipa ta hetana heta a tah: “He chyhsa he saw hnei leipa ta roh la, A hro chhôh ta hlaotlohna a hnei lei awpa ta roh teh. Dâvi beidyuchhai liata a tyuhpa ta, Zudâh râh liata ryureih heih awpa ta, A chipathla ahy hmahta ama hlaotloh khao aw vei.”

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

ZEREMIAH 30:3

Moh teh, ei phopi Izarei nata Zudâh vânoh tona ei paduapathi heih nawpa nohzy a vaw tlô hai. Âmo pathlatuhpazy ei piepa râh lâ a chhi pakhua heih aw ei na ta, cha râh cha ama hnei heih aw,’ Abeipa ta a tah.”

ZEREMIAH 30:9

Abeipa ama Khazohpa nata ama bei châta ei padua awpa Dâvi tlao ama chakao aw,” Pheisaihzy Abeipa ta a tah.

ZEREMIAH 31:27

“Pachâ teh u, Izarei râh nata Zudâh râh liata chyhsapa chi nata sahroh chi ei tu nawpa nohzy a vaw tlô hai,” Abeipa ta a tah.

EZEKIA 21:27

Raona, raona, raona ei tao aw. Châhrasala paraotuhpa a vaw tlô hlâlei cha, paraopa châ mâh aw vei. A vaw tlô tita paraotuhpa hnohta ei hlâ aw.

EZEKIA 34:16

Mietaku a leipa tlua aw na ta, a viavipa a vaw chhi pakhuapa ta, hmaphaohpa chahrypa aw na ta, chiehleipa tha ei patlô aw. Athawhpa nata thatlôpazy chhao ei mohôh aw ei. Mietakuzy cha â khopa ta ei pasa aw ei.

EZEKIA 34:29

Chichei bialo pha ngaitapazy pie aw ei na ta, râh liata nodipa ta thi khao leipa aw ei ta, phopizy pahneisaopa ta y khao aw veih ei.

EZEKIA 45:8

Cha cha Izarei liata abei tovyuh râh a châ aw. Keima abeizy ta ei phopi tlybai khao leipa aw ei ta, Izarei pathlazy cha âmo chi chyu ta râh tlao ama pahneisa ha aw.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

HÔSIA 1:11

Zudâh chyhsa nata Izarei chyhsazy a hmaohpakhy aw ei ta, chhituhpa pakha rao aw ei ta, râh tawhta ama khy aw. Zezari noh rônahzie awpa rimâ cha!”

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

MIKÂ 5:3

Chavâta sawzeihpa ta saw a sa hlâlei cha, Abeipa ta âmo cha a heihsai chy aw ta, Cha khai tawhta a unawh laibâhpazy cha, Izarei sawzy lâ ama kua heih aw.

ZEKARIA 3:8

Hy Zawsua, theihthai beichaipa y, tahmâ na thlie la, na hmiakô liata a tyuhpa, theihthaipa na châ lâhpazy chhao ta nathlie mawh ei sy. Âmo cha hmo vaw tlô awpa ngianazy ama châ. Moh teh, Chhyh a vaw chhi aw na ta, ano cha nâ chakaotuhpa a châ.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MATHAI 2:2

“Zuzy bei a pihpa cha khataih liata a y? Nochhi lâta ano awhsi hmô pi ta, ano a naoh awpa ta eimâ vy,” tah ei ta.

ZAWHÂNA 1:45

Phili ta Nâthaniah a hmô nahta, a hnohta, “Ryhpa châbu liata Mawsi ta a thâtih a ropa nata hrohsopazy ta ama ropa kha eima hmô haw. Ano cha Zawsi sawchapawpa Nâzari Zisu a châ,” tah ta.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

HEBRAI 8:8

Sei nawpa ama hneipazy Khazohpa ta hmô ta, hetana heta a tah: “Pachâ teh u, Nohzy a vaw tlô hai, Abeipa ta a tah. Cha nohzy liata, Izarei phopi hnohta biehrai thiehpa tao aw na ta, Zudâh phopi hnohta chhao ei tao aw.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.