ZEREMIAH 23:28 - Mara Bible RV (BSI)

²⁸ Mâsapa a hneipa hrohsopa ta a mâsapa cha reih sala, ei bie a hneipa ta ei bie cha ngâchhihpa ta reih mawh sy. Sâh kô nata sâh hmô zy khâpa alyuna ma ama hnei?” Abeipa ta a tah.

ZEREMIAH 23:28 ပူးပေါင်းရင်းမြစ်များ

1 TIMAWTHY 1:12

Ngâchhihpa ta na pachâ ta, ano chakao awpa ta na rao ta, thatlôna nâ pietuhpa eima Beipa Krista Zisu hnohta alyna bie ei reih.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.

LUKA 12:42

Abeipa ta, “A daihtita ta chhôhkha nie awpa pachhuahpanoh lymâ awpa ta, a zibeipa ta a o liata hyutuhpa châta a raopa, sôh mokhâhtuhpa ngâchhihpa nata sopa cha ahy ma a châ?

MATHAI 24:45

“Cha khiahta la chakaotuhpa ngâchhihpa nata sopa, a zibeipa ta a o liata hyutuhpa ta a raopa, ama nie awpa a daihtita liata a pie lymâ tyh awpa cha ahy ma a châ tly?

BIESOZY 14:5

Pahnokheituhpa ngâchhihpa cha haipa bie reih leipa aw ta, Pahnokheituhpa pakheipa deikua cha hai­pa biezy a papua tyh.

1 KAWRINI 4:2

Cha dei châ vei, mokhâhtuhpa cha chyhsa ngâchhihpa a châ awpa a byuh.

ZEREMIAH 9:12

He hmo pahno thai awpa ta a so kawpa chyhsa cha ahy ma a châ tly? Phuah pachhuah awpa ta, ahy hnohta ma Abeipa pakah ta bie â chho tly? Khâpa vâta ma râh he rao khai ha ta, ahy hmahta chapia chahreih lei awpa râhchawhpa hawhta a y ha tly?

ZEREMIAH 9:20

Hy chanôzy saih u, Abeipa bie thei u la, Nama nah liata a pakah bie a ngia mawh sy. Nama sawchanôzy chaphôh pachu u la, Chanô to ta ama vaihzy athih hla pachu mawh ei sy.

ZEREMIAH 23:25

“‘Mâ ei sa, mâ ei sa!’ tah ei ta, ei moh ta haipa ta hrohsona bie a phuahtuhpa hrohsopazy bie reipa ei thei.

ZEREMIAH 42:4

Hrohsopa Zeremiah ta ama hnohta, “Nama biereipa cha ei thei na. Moh teh u, nama bie hawhta Abeipa nama Khazohpa lâ cha thlahchhâ aw na ta, Abeipa ta a châ chhypa hawh ei ta ei cha chho aw ei. Khâpa hmah cha phih aw veih ei na,” tah ta.

EZEKIA 13:3

Abeipa Zehôvâh ta hetana heta a tah: Ama hmôpa y tlôh leipa ta, âmo palôh liata a ypa bie a phuah tyhpa hrohsopa hrupazy cha, ama hu a po kaw dia!

1 ABEIZY 22:14

Châhrasala Mikai ta, “Abeipa hrona reipa ta ei reih, Abeipa ta ei hnohta a reipa deita ei reih aw,” tah ta.

1 ABEIZY 22:16

Abei ta a hnohta, “Abeipa moh ta biehmeiseihpa reipa dei leipa ta cha, ei hnohta khâpa bie hmah rei lei awpa ta ei khazie ma bie ei cha pataihsa aw?” tah ta.

ISAI 21:10

Hy sawhri sâh, ei sâh chakhy chiehpa y, Pheisaihzy Abeipa tawhta ei theipa cha chho na ta, Izarei Khazohpa tawhta ei theipa ei cha chho.